Kundalan 23:16 - BII BILA

¹⁶ Mí Mɛlɛka cɔmnun Balaam, mó vow ndu sɔɔn o bɛnda le dimio-on o sondo, mó handu lecoo aa: «Muungu Balak o ibuŋ ma kɔ soo o ndu lo mɛɛ ya dimul nɔm yɛ.»

Kundalan 23:16 Referans Kwoze

Kundalan 23:5

O kon mí Mɛlɛka cɔm Balaam mɛɛ o bɛnda le sɔɛi yɛ, mó dimul ndu aa: «Muungu Balak o ibuŋ ma kɔ tɛɛngul ndu sɔɛi he.»

Kundalan 24:1

Mɛɛ Balaam sina maa o naŋ Mɛlɛka o hɔl le Israɛlla duaa dɔvɔɔ, o kue lɛ Hala ɲuna celen maa o tasendɔ le. Kɛ mó mulin a ba lɛŋnde veselɛilen.

Kundalan 22:35

Mí mɛlɛkanɔ Hala-o dimul ndu aa: «Kɔ niaa vannda ha, kɛ sɔɔn ya dimulnin nɔm-ndon kínɛí n bɛnda ma dimi ni.» Mí Balaam kɔa nda simlacia Balak vem kan-nda.

Kundalan 22:20

Icɔllo, mí Hala hun o Balaam ndo, mó dimul ndu aa: «Te le kɔlan niaa ndaa latulu vannda ha hin nɔm kɔɔli ni, mɛɛ cɔn mì la kɔɛ niaa ndaa. Kɛ nduyɛ, ɲɛ ya dimulnin nɔm-ndo daama n bɛnda ma tosa ni.»

Kundalan 23:15

Mí Balaam dimul Balak aa: «Lo isisi o sálà loamaa nɔmndo ikɛi nanu mì kɔ cum yoongoo pum o nda.»

Kundalan 23:17

Mí Balaam muungu nɛɛ Balak va-a, mó komal ndu isisi o sálà loamaa ndɔɔ ikɛi nda simlacia Moab. Mí Balak ɲuna ndu aa: «Vɛ̀ɛ̀ Mɛlɛka soo yɛ?»

Tɔŋ miingua 18:18

I co nda vana-tɛɛngaa-diom Hala-o solul o puapilɛa ndaa tɛɛn maa nɔm Moise. I vownin sɔɔn nun ndu o sondo, mò tɛɛngul nda ɲɛ-ɲɛ ya dimulnin ndu le tosaa.