Kundalan 23:10 - BII BILA

¹⁰ Nɛ̀ɛ́ nɔla yɛ polale Yakɔb len cɔmndo tɛ́kpɛ́-tɛ́kpɛ́? Nɛ̀ɛ́ nɔla yɛ mò cɔm cundu co lɛŋ-ndo o pilɛn-pilɛnndo? Nɛ̀ɛ́ nɔla yɛ mò cɔm cuavaa-imamaa Yakɔb-a? Màá piɔ́m nuu yɔŋnun maa piɔ́m vanaa sandaa! Màá mɛɛlula nilan la yɔŋnun maa mɛɛlula ndalan!»

Kundalan 23:10 Referans Kwoze

Condii lisai 37:37

Mɛɛndan vana toɲaa, dɔw vana dendu kɔllo-o taasi. Dɛnɛ kɛndɔɔ co le siɔdii laci vana kɔlɲuloo.

O Kandɔɔ 13:16

I kuinin polale nɔmnden mì cuavaa nɔmaa imamaa va kunda maa cundoo lɛŋ. Te vana nɔla pɛ cundu co lɛŋ-ndo cɔmndo o pilɛn-pilɛnndo, mɛɛ vana nɔlanin cuavaa nɔmaa imamaa cɔmndo.

Condii lisai 116:15

Piɔ́m vanaa lo o lediom coo-a saangiaa bɔɔ Mɛlɛka kɔllo.

Dɛnnda cɔɔmuanndan 14:13

O kon mí tuɛi diomndo pum fulaa o halataala aa: «Sɛva aa: ‹Dɛnɛ kɛndɔɔ co kandɔn sisa le vanaa vi o Maalii nin-nda!› Kɔl-Diandaa dimi aa: ‹Dɛnɛ kɛndɔɔ co le nda. A sɔlanin pɛngio le baala nda co-o, kani dɛnnda kɛndɛla nda co tosaa lan ka kɔanin nda kɔɔli ni.›»

2Korɛntea 5:1

Kani n sínà maa te cɛi-kola-toandaa naa n co nin o ceendo ho coo-o tambu pɛ, n nɔ cɛiyo o halataala, o Hala toosiaa le fɛɛn a fɛɛn-ndo, o vanaciee beŋ too.

Talelan 14:32

Dɛnɛ vɔɔn vana kɔlvesɛiyo tosa-o tɛɛmbuu ndu ni, kɛ vana sandaa ndu nɔ kɔlkɛsiaa hali o piɔ́mndo hɔl-ndɔ.

Kundalan 2:31

O fonda polale Dan-nden le va icali nin-ndo nin, vanpiaandua sɛvan-nda co vaalan kɛmɛ beleŋuɛɛnu a laŋɔmmɛw a kɛmɛ leŋɔmpum (157 600). Nda co kunda mɛɛlaa kpɔ́ŋ le kɔlan a lɛfɛ landaa ndaa ni.»

Kundalan 2:24

O fonda polale Efraim-nden le co icali nin-ndo nin, vanpiaandua sɛvan-nda co vaalan kɛmɛ a laŋɔmaa a kɛmɛ (108 100), le vanaa cɔwva kundala yàála lan. Nda bɛnda ni mà va kunda yàándɔɔ le kɔlan.

Kundalan 2:9

O fonda polale Yuda len le co icali nin-ndo nin, vanpiaandua sɛvan-nda co vaalan kɛmɛ a belaŋɔmaa a laŋɔmpum a kɛmɛ lehiɔɔlu (186 400) le vanaa cɔwva kundala yàála lan. Nda bɛnda ni mà sim laci o kɔlan.

O Kandɔɔ 28:14

Polale nɔmnden le kuinin maa cundoo lɛŋ. Le tiwnin o tàndà oo tàndà nin: a ba paalen le can-ndo, a ba le del-lo, a ba too a á ba luaŋ-ndo. Yungulan o lɛŋnden coo kpow la sɔlanin duaa nɔm a polale nɔmnden o ba bɛngu.

O Kandɔɔ 22:17

i co nɔm duaa dɔvɔɔ taw-taw. I kuinin cuavaa nɔmaa imamaa, mà va kunda maa loeon o halataala a sióónndon o mɛmma ihɛllan kɔngɔ. Cuavaa nɔmaa imamaa kɛsinnin yaamɔaa ndaa o labɛngunin.

Kundalan 2:16

O fonda polale Rubɛn-nden le co icali nin-ndo nin, vanpiaandua sɛvan-nda co vaalan kɛmɛ a beleŋuɛɛnu a ò pilɛ a kɛmɔɔ lehiɔɔlu a beleŋuɛɛnu (151 450) le vanaa cɔwva kundala yàála lan. Nda bɛnda le kɔlan kunda tasoo kɔɔli fiɔ́ɔ́-fiɔ́ɔ̀ ni.

Kundalan 31:8

Má diw vɛlɛ masaa Madiannda nda ŋuɛɛnu: Evi, Rekɛm, Sur, Hur a Reba. Má dii vɛlɛ Balaam po Beɔr-o a mɔɛi cɔwve.