Kundalan 22:7 - BII BILA

⁷ Mí kaasoŋaa kɔlkalua Moab a kaasoŋaa kɔlkalua Madian a cua ɲɛm kɛndɛ-kɛndɔn le Balaam vana vianaa yavaa yoo, má kɔa a mun. Mɛɛ nda tiiya o Balaam ndo, ma tuisi sumialle, má downun ndu kona mɛɛ Balak congun nda yɛ.

Kundalan 22:7 Referans Kwoze

Misee 3:11

Vanaa ndɔa kialaa n'yamaa co luɛyɔɔninndo cɛlɔɔ o yaman nda co kiolɔɔ-o nin. Vanaa-solia-lasálàà ndaa co vannda pɛɛkoo le salaa sɔlaa kínɛí. Vanaa-tɛɛngaa-diom Hala-a ndaa bɛɛ, le volion koni nda co nin sɔɔn vaa siɔdii dimio ni. Nda yɛ, à co cɔnnɔnndo maa le Mɛlɛka nda co ni. A co dimio aa: ‹Mɛlɛka co naa ikɛi, dɛnɛ palaa kɛ́-kɛ̀ tulnin naa coo le.›

Yude 1:11

Dɛnɛ palaa co le nda! Kani o nɛi Kaɛn-ndo coo nda co kɔlan ni, maa mɛɛ Balaam luɛi o pɔwlan nin le tɔnɔɔ sɔlaa yɛ koni nda tosaa ni. Má sɔla piɔ́mndo le tùú nda cɛn a nila kalulan maa Koore-o.

2Piɛr 2:15

A faŋan o nɛi sandaa coo, má del Balaam po Bosɔr-o kɔɔli, mí ndu fula sala dɛnɛ vɔɔndo hɔlten,

Tite 1:11

Mɛɛ mì la kinda nda sondolan, kani a co yungulan kpede pesipesio a pɛɛkula bɛnda le lan le ɲɛm lakafan sɔlaa.

Rɔmnda 16:18

Kani vanaa vaa lende, o co Krista Maalii naa le nda co baalaa tosallo le, kɛ dembela ndalan sii, a co keiyo sondo yeelaa a vannda sangalaa, mà va vanaa nɔ taasi le-a hɔlla hiŋndo.

Esekiɛl 13:19

La co ya bɛ̀ɛ̀lan ciiyo vanaa nia o hɔl le ɔrse baa ca a le bulula bingilan, mì la va yoomula vanaa bɛnda le piɔ́m sɔla le-a ciiyo, mì la va vanaa bɛnda le piɔ́mndo sɔlaa-a mɛiyo yoomu. La co vanaa nia còòlan dimullo, mì nda va còòla lan biyɔɔ.

Esai 56:11

Tunaa lepulua nda co ni, a pim ɲɛ-ɲɛ le. Vanaa mandaa n'cɔlua bii ɲɛ-ɲɛ bila le-a nda co ni: nda kpede vana-vana co kɔlan o nɛi ndɔɔ coo, vana-vana co kiltan le tɔnɔ ndɔɔ sɔlaa kínɛí.

Kundalan 24:1

Mɛɛ Balaam sina maa o naŋ Mɛlɛka o hɔl le Israɛlla duaa dɔvɔɔ, o kue lɛ Hala ɲuna celen maa o tasendɔ le. Kɛ mó mulin a ba lɛŋnde veselɛilen.

Kundalan 23:23

Dɛnɛ viamaa yava co o polale Yakɔb len coo le. Dɛnɛ lemande co Israɛlla tɛɛn te. O telen kelun-ndo nda dimulnin pulun Yakɔb-on ɲɛ Hala co tosa-o ni, Israɛlla-la pɛɛn.

Kundalan 22:8

Mí Balaam mulul nda aa: «La lɔl hau nanu, siɔdii i mulul niaa mɛɛ Mɛlɛka dimulnin ya le tosaa yɛ.» Mí simlacia fula kan Moab-a lɔl ɲinkon o Balaam ndo.

Yosue 13:22

Balaam, vana viamaa yavaa, po Beɔr-o bɛɛ va vana pilɛ o vanaa Israɛlla diw-va tɛɛn.

Esekiɛl 21:21

Nɔm mɔɛi cɔwve, lɔva o ba kɛndɔɔ coo, mà lɔva o ba mɛllo coo! Lɔva nɛɛ-nɛɛ ka.

Esai 1:23

Vanaa lanila kalua simlacia niaa co ni, nda co vuiya simndan kɔɔli le vuilen tosaa ni. Nda kpow a yeema bolofaa luɛyɔɔninndo, a co kiltan ikilikiliei vɔ̀ngɔ̀lan kɔɔli tuŋ! A co isɔɔ le vííya ma tosal nda dɛnɛ sandaa le, a cɛl bɛɛ mì dɛnɛ vanalanɔ pɔnɔ ndɔ vi-o tiiya o nda lo di le yamɛi kiolɔɔ le.