Kundalan 22:6 - BII BILA

⁶ Lelan, a yandi, hun cɔ́-cɔ́ má hun dow ya vanaa kan danga. Kani a hiow ya kpaayaa. Bɔɔle mì nɔla nda, mì tow nda mà faŋan o lɛŋnde nilen nin, kani i sina maa vana-vana n dɔw pɛ duaa, ndu dɔwnun duaa, vana-vana n dɔw pɛ danga, ndu dɔwnun danga.»

Kundalan 22:6 Referans Kwoze

Kundalan 24:9

Má ce nda ihini pɛngio maa n'yàlà. Nɛ̀ɛ́ cua yɛnin nda? Vana dɔw pɛ niaa duaa, duaa co le ndu. Vana dɔw pɛ niaa danga, dangaa co le ndu.»

Dɛnnda kiilaa 16:16

Paale pilɛ, n va kɔlan nɛɛ nda piɛi Hala-a, mí cɛ laandoo pum hun le naa bɔŋaa. Ɲina vɔɔndo pum va ndu nin, ɲina kon va tosaa ni mó va sɔɔn siɔdii laci-on dimio. Nduyɛ, vanaa ndɔa bɛndua va volion sɔlaa taw a sɔɔn siɔdii laci o va mun dimio-on.

Esekiɛl 13:6

A co vunduma lacòòvan cɔu a yoongula palaa n'vanndan tɛɛnguuo, nda kpede a co dimio aa: ‹Diom Mɛlɛka soo-o co hoo ni›. Nduyɛ Mɛlɛka vim nda le. A co vannda tiindanndo yɔngoo maa sɔɔn nda dimi-on peelunnin.

Nehemi 13:2

Kani a bii sindɛ Israɛlla le, a ke nda ɲɛdiaa le, a ke nda mamɛm le kolɔɔ le. Mí Moabua hiaw Balaam kɔɔli, má ke ndu volion le Israɛlla dangaa dɔvɔɔ, kɛ mí Hala naa mangala danga kalaa duaa.

1Masaa 22:13

Mí kiilanɔ kɔɛ Misee veeloo-o dimul ndu Misee aa: «Vanaa-tɛɛngaa-diom Hala-a kpow a cɛlan le masaa sɔɔn kɛndɔn tɛɛngullo aa o nɔlanin cɔwvo. Lelan, nɔm bɛɛ kɔ ma kɔ dimul ndu diomnda kɛndɛlan maa nda.»

1Masaa 22:8

Mí masa Israɛlla mulul ndu aa: «Vana-tɛɛngaa-diom Hala-o pum co nanu le Mɛlɛka ɲunaa, kɛ i yeema ndu le, kani o dimul-la sɔɔn kɛndɛ lɔ́ɔ́-lɔ́ɔ̀ le, fɔ sɔɔn vɔɔnndon kínɛí, Misee po Yimla-o pɛɛn.» Kɛ mí Yosafat deŋul ndu aa: «Masa suu nuaa le!»

1Masaa 22:6

Mí masa Israɛlla cuungiaa vanaa-tɛɛngaa-diom Hala-a ndɔa, a va le n'van kɛmɛ lehiɔɔlu, mó ɲuna nda aa: «Vɛ̀ɛ̀ i bɛnda mì kɔ del Ramɔt co o tàndá Kalaad-o nin-ndo coo a cɔwvo baa i bɛnda mì kɔɛ le?» Má mulul ndu aa: «Kɔ, kani Mɛlɛka malnin kobi kon nɔm o ba.»

1Samiɛl 17:43

Mí Koliat deŋul ndu aa: «Mò va maa tunndo ya co le ya hinullo a siondei ni?» Mó dɔaw David danga o halaa Filistia lo,

Tɔŋ miingua 23:4

Le fɛɛn a fɛɛn, Amɔnnda a Moabua a bɛnda mà luɛi o kunda Mɛlɛka-o nin te, hali cuavaa ndaa o lambi tɔ́ndɔɔ a lueinin lenin te.

Kundalan 22:17

aa o yɔngunin nɔm bɛɛlen mò tosa ɲɛ-ɲɛ n ɲunanin ndu. Kɛ aa, yandi, nɔm kɔ ma kɔ dow ndu vannda ha danga.»

Kundalan 22:12

Kɛ mí Hala dimul Balaam aa: «Kɔa niaa ndaa le! Dɔaw vanaa kan danga le! Kani a cùù duaa dɔwnɔn.»

O Kandɔɔ 27:29

Màá vanaa-mangalaa-isɔɔa tosal nɔm baalaa, mì vannda tundun nɔm o labɛngunin! Màá piɔlnun ladio puapilɛa nɔmnda coo, mì ndepilɛa nɔmnda baŋ vulan nɔm o labɛngunin! Vana-vana dɔw nɔm pɛ danga, dangaa co le ndu. Vana-vana dɔw nɔm pɛ duaa, duaa co le ndu.›»

O Kandɔɔ 12:3

Vanaa dɔawnin nɔm duaa-a, i dɔawnin nda duaa. Kɛ vanaa dɔawnin nɔm danga-a, i dɔawnin nda danga. O nɔm kɔɔli vanndacieea o ceendo coo kpow a sɔlanin duaa ni.»

Talelan 26:2

Mɛɛ nɛ́ɛ̀nɛ́ɛ̀a, te kon te lɛɛfɛnnda balu coocoo nuaa a cel te yɛ, lende danga dɔwnun o fondo fúúo coo-o co ni, o bii vana-vana le.

Condii lisai 109:28

Nda tiw ba mà dɔw dangalan, kɛ nɔm a dɔawnin duaa. Taa cɛn pɛ le cɔwvo, siɛmbulan la biinin nda. Kɛ ya vana baala nɔmndo yɛ, i dɔawnunnin ɲaale.

Yosue 24:9

Mí Balak, po Sipɔr-o, ó va masaa Moab-o ndu can le Israɛlla delɔɔ coo a cɔwvo, mó viam kilaa le Balaam po Beɔr-o veeloo le hunɔɔ niaa dangaa dɔvɔɔ.

Misee 6:5

Vanaa nia sei, la yiyan-ndɔ mɛɛ Balak masaa Moab ndóò tuu le niaa dɛnɛ vɔɔndo tosallo yɛ. La loonun-ndɔ mɛɛ Balaam po Beɔr-o mulul ndu yɛ. O kon kɔɔli, mí ya pila sim niaa laci cɔnɔnndo Sitim háá Kilkal. La co sina o kon maa dɛnɛ sandaa tuŋ ya Mɛlɛka co niaa tosallo ni.›»

Kundalan 23:13

Mí Balak dimul Balaam aa: «N kɔ vɔ o fonda celen ma kɔ cɔ vɛlɛ vannda ha lon. A nɔlanin nda cɔu faw le, kunda pɔmbɔɔ daama n canin ni. Ma dow ya nda danga o fonda kon.»

Kundalan 23:27

Mí Balak dimul Balaam aa: «Hun mi kɔɛ a nɔm o fonda celen. Bɔɔle lon ndu, Mɛlɛka cɛlnin ma dow ya nda danga.»