Kundalan 22:5 - BII BILA

⁵ Mó viam kiilaa o Balaam po Beɔr-o lo, Balaam kon va icali Petɔr o pee bɛndoo Efrate ikɛi, lɛŋnde ndɔlen le va len ni. Mó congun nda aa mà kɔ veelul ndu ndu mà dimul ndu aa: «Vannda pum fula Esipte, má hun tiw o tàndà naa nin sɔ́, a kila calta ndalan ya macɛlu.

Kundalan 22:5 Referans Kwoze

Tɔŋ miingua 23:4

Le fɛɛn a fɛɛn, Amɔnnda a Moabua a bɛnda mà luɛi o kunda Mɛlɛka-o nin te, hali cuavaa ndaa o lambi tɔ́ndɔɔ a lueinin lenin te.

Misee 6:5

Vanaa nia sei, la yiyan-ndɔ mɛɛ Balak masaa Moab ndóò tuu le niaa dɛnɛ vɔɔndo tosallo yɛ. La loonun-ndɔ mɛɛ Balaam po Beɔr-o mulul ndu yɛ. O kon kɔɔli, mí ya pila sim niaa laci cɔnɔnndo Sitim háá Kilkal. La co sina o kon maa dɛnɛ sandaa tuŋ ya Mɛlɛka co niaa tosallo ni.›»

Yosue 24:9

Mí Balak, po Sipɔr-o, ó va masaa Moab-o ndu can le Israɛlla delɔɔ coo a cɔwvo, mó viam kilaa le Balaam po Beɔr-o veeloo le hunɔɔ niaa dangaa dɔvɔɔ.

Yude 1:11

Dɛnɛ palaa co le nda! Kani o nɛi Kaɛn-ndo coo nda co kɔlan ni, maa mɛɛ Balaam luɛi o pɔwlan nin le tɔnɔɔ sɔlaa yɛ koni nda tosaa ni. Má sɔla piɔ́mndo le tùú nda cɛn a nila kalulan maa Koore-o.

Dɛnnda cɔɔmuanndan 2:14

Kɛ nduyɛ, i nɔ ɲɛ pum o kɔl a nɔm: A nɔ vɔ vannda pum, a co a yiinannda a pɛɛku Balaam-ndo-a. Ndu pɛɛku Balak ni maa o tosà o nɛi oo nɛi coo mì cuavaa Israɛlla mal nɛiyo, mà de visin nda solul piɔmnda sálàá-on, mà tosa dɛnnda laasiɛilan.

Yosue 13:22

Balaam, vana viamaa yavaa, po Beɔr-o bɛɛ va vana pilɛ o vanaa Israɛlla diw-va tɛɛn.

Kundalan 23:7

O kon, mí ndu Balaam soaa o ɲamakalalen nin aa: «I va Aram mí Balak veelu ya nanu. I va o tàndá n'pemboo nin nɛɛ paalen le can-nda, mí masaa Moab cuu ya nanu. Mó dimul-la aa: ‹Hun dow ya polale Yakɔb len danga, hun ma hun vueinun Israɛlla le ya.›

Condii lisai 105:24

Mí Mɛlɛka kui vanaa ndɔa, má hiaw yaamɔaa ndaa.

O Kandɔɔ 13:16

I kuinin polale nɔmnden mì cuavaa nɔmaa imamaa va kunda maa cundoo lɛŋ. Te vana nɔla pɛ cundu co lɛŋ-ndo cɔmndo o pilɛn-pilɛnndo, mɛɛ vana nɔlanin cuavaa nɔmaa imamaa cɔmndo.

Fulaa 10:15

Má kumbu lɛŋnden háá mí le yɔŋnun yim-yim. Má dia bil kiyɛiyo a tɔlɔɔla koamaala loeon mɛi lan. O lɛŋnde Esipte len nin kpow hali peele kiyɛilen a mɛi o yɔmnde coo a o billo coo yondoo nin te.

Kundalan 31:8

Má diw vɛlɛ masaa Madiannda nda ŋuɛɛnu: Evi, Rekɛm, Sur, Hur a Reba. Má dii vɛlɛ Balaam po Beɔr-o a mɔɛi cɔwve.

Tɔŋ miingua 23:5

Kani telen niaa faŋan Esipte mí la va hunɔɔ-o, a kue niaa bɔŋa nɛi-tɛɛn a ɲɛdiaa a á mamɛn te few. Kɛ má hiaw Balaam po Beɔr-o kɔɔli a volion, má cua ndu Petɔr o lɛŋnde Mesopotamii len nin, má hun a ndu le niaa dangaa dɔvɔɔ.