Kundalan 22:4 - BII BILA

⁴ Mí Moabua dimul kaasoŋaa kɔlkalua Madian aa: «Vannda ha co hunɔ̀ɔ̀ lɛŋnde naalen tɛɛmbuu mɛ̀ɛ́-mɛ̀ɛ́ nawvo dia bil puiyaa yondoo nin nuaa yɛ.» Tuma kon, Balak, po Sipɔr-o va masalen tosaa Moab ni.

Kundalan 22:4 Referans Kwoze

Kundalan 31:8

Má diw vɛlɛ masaa Madiannda nda ŋuɛɛnu: Evi, Rekɛm, Sur, Hur a Reba. Má dii vɛlɛ Balaam po Beɔr-o a mɔɛi cɔwve.

Yeremi 48:38

O cɛilan kpede sɛmtɛ o lɛŋnde Moab len nin a o bɛ́ɛ̀lan kpow, condun biision daama vana tuɛi ni. Kani i cii Moab piɔlɔɔ maa kpɛɛnɛi vana nɔ lɛ mako lei.» Sɔɛi fula ya Mɛlɛka o sondo-e co ken ni.

Masaa kialaa n'yamaa 11:25

A nɔ o kɔl maa nɔm hiow Balak po Sipɔr masa Moabua yoomuan ni? Caan kon yɛ, o tíŋ Israɛlla a sɔngɔ le, o del nda coo a cɔw le.

Kundalan 24:17

I ce ɲɛ co hunɔɔ yɔŋnɔn-ndo, kɛ o co vɔ́ le hau le. I co ndu mɛɛndanndo, kɛ o co vɔ kpɛɛlun te. Loei tengɛi fula o cuavaa Yakɔb-a nin, Tinda lemasaa fula o cuavaa Israɛl-la tɛɛn. Tinda kon soŋ yungoo Moab kpaŋun miunndon. O lɔɔ cuavaa-imamaa Sɛt-a kpow kpokpolan.

Kundalan 22:7

Mí kaasoŋaa kɔlkalua Moab a kaasoŋaa kɔlkalua Madian a cua ɲɛm kɛndɛ-kɛndɔn le Balaam vana vianaa yavaa yoo, má kɔa a mun. Mɛɛ nda tiiya o Balaam ndo, ma tuisi sumialle, má downun ndu kona mɛɛ Balak congun nda yɛ.

Kundalan 22:2

Balak, po Sipɔr-o ndóò tuei nin mɛɛ Israɛlla tosa a Amoriia yɛ kpow.

Fulaa 15:15

Simlacia Edɔm bɛɛ a yɔŋnun yulan-yulan a siòònde. Kɔltan la hiilun cuavaa lemasaa Moab nin voku-voku. Vanaa co icali Kanaan-nda bɛɛ fula mayoomu.

Kundalan 25:6

A telen kon kpafii, mí langbanɔ Israɛlnɔɔ pum va hunɔɔ a cuaambɔ laandu Madiannɔɔ pum. Moise nda Israɛlaa tɔ̀a kpow a va icali caŋndo a mɔnɛi o cɛi-kola-toandaa-labɔɔŋianndo sondoo, má ca nda.

Kundalan 31:1

Mí Mɛlɛka soaa o Moise lo, mó dimul ndu aa:

Masaa kialaa n'yamaa 6:1

Mí Israɛlla tosa vɛlɛ ɲɛ hɛnan Mɛlɛka loo, mí Mɛlɛka mal nda Madiannda o ba háá le vɔsilan tan ŋɔmmɛw.

1Masaa 11:18

Má can Madian, má kei Paran, má bii vannda pum ndon, má hiaw a nda o Faraɔnnɔɔ lo, masaa Esipte pɛɛn. Mí masa kon ke Hadad cɛiyo, mó va ndu baloo dɔvɔɔ, mó ke vɛlɛ ndu yondoo.