Kundalan 22:12 - BII BILA

¹² Kɛ mí Hala dimul Balaam aa: «Kɔa niaa ndaa le! Dɔaw vanaa kan danga le! Kani a cùù duaa dɔwnɔn.»

Kundalan 22:12 Referans Kwoze

Efɛsea 1:3

N melnun Hala balika, o co Fuɲaa Maalii naa Yeesu Krista-o. O dɔw naa duaa le co naa n co a yiinannda o Krista nin-ndo, o ke naa ɲɛm kɛndɛn co o halataala-on kpow-vo.

Tɔŋ miingua 23:5

Kani telen niaa faŋan Esipte mí la va hunɔɔ-o, a kue niaa bɔŋa nɛi-tɛɛn a ɲɛdiaa a á mamɛn te few. Kɛ má hiaw Balaam po Beɔr-o kɔɔli a volion, má cua ndu Petɔr o lɛŋnde Mesopotamii len nin, má hun a ndu le niaa dangaa dɔvɔɔ.

Rɔmnda 11:29

Kani ke Hala-o a veelu ndɔɔ mangalan te.

O Kandɔɔ 12:2

I siinguunin nɔm fuɲa-mama vanaa-mangalaa-isɔɔa súúlan taw. I dɔawnin nɔm duaa ma pɛlnun ladio. Vanaa bɔɔ-bɔɔ a sɔlanin duaa nɔm o ba bɛngu.

Tɔŋ miingua 33:29

Duaa co le niaa, niaa Israɛlla. Kani vana-vana siiman a niaa le. Vanaa Mɛlɛka ciindiaa-a niaa co ni, ndu co kɔ̀ɔ̀ cɔw co niaa manda-o ni, ndu co vɛlɛ mɔɛi cɔvii cɔlɔba le niaa-e ni. Yaamɔaa niaa sangalanin niaa, kɛ niaa la helnin o fondala yesalan coo o lɛŋnde ndalen nin.»

Matie 27:19

Pilate lo icali o fonda kialaa n'yamaa, mí laa ndɔ viam kiilaa le ndu dimullo aa: «Vow balan o sɔɛi langbanɔ tɛɛmbuu hoo isɔɔ loo nin te, kani i sanga cɛi-cɔl taw o lɔma sɔlaan nin le ndu.»

Misee 6:5

Vanaa nia sei, la yiyan-ndɔ mɛɛ Balak masaa Moab ndóò tuu le niaa dɛnɛ vɔɔndo tosallo yɛ. La loonun-ndɔ mɛɛ Balaam po Beɔr-o mulul ndu yɛ. O kon kɔɔli, mí ya pila sim niaa laci cɔnɔnndo Sitim háá Kilkal. La co sina o kon maa dɛnɛ sandaa tuŋ ya Mɛlɛka co niaa tosallo ni.›»

Condii lisai 146:5

Duaa co le vanaa Hala Yakɔb-o co malaa-a, a co ndu tiindanndo-a pɛɛn.

Condii lisai 144:15

Duaa co le vanaa dɛnnda kɛndɛlan ndan la komalnin-nda! Duaa co le vanaa Mɛlɛka co Hala ndaa-a!

Kundalan 23:23

Dɛnɛ viamaa yava co o polale Yakɔb len coo le. Dɛnɛ lemande co Israɛlla tɛɛn te. O telen kelun-ndo nda dimulnin pulun Yakɔb-on ɲɛ Hala co tosa-o ni, Israɛlla-la pɛɛn.

Kundalan 23:3

Mí Balaam dimul Balak aa: «Lo o sálà loamaa nɔmndo ikɛi nanu mì yifan-ndɔ tiŋ. Bɔɔle mì Mɛlɛka cɔmnun ya. O soo pɛ o ya lo, i hun cɔm nɔm ɲɛ o dimulnin ya le tosaa-o.» Mó kɔa o pembei bollen.

Kundalan 22:6

Lelan, a yandi, hun cɔ́-cɔ́ má hun dow ya vanaa kan danga. Kani a hiow ya kpaayaa. Bɔɔle mì nɔla nda, mì tow nda mà faŋan o lɛŋnde nilen nin, kani i sina maa vana-vana n dɔw pɛ duaa, ndu dɔwnun duaa, vana-vana n dɔw pɛ danga, ndu dɔwnun danga.»

Kundalan 22:11

vanaa-mangalaa-isɔaa fula Esipte-a hun tiw o lɛŋnde ndɔlen nin sɔ́, aa ya i kɔ mì kɔ dow ndu nda danga, aa bɔɔle mo tiw nda ba mo tow nda mà faŋan o lɛŋnde ndɔlen nin.»

Kundalan 22:13

Diimandɔɔ idiiyo púŋ, mí Balaam can, mó dimul simlacia Balak vem-nda aa: «La muungu o lɛŋnde niaalen nin, kani Mɛlɛka cɛl mì n kɔɛnnùn naa niaa le.»

Kundalan 23:8

Kɛ vɛ̀ɛ̀ ya dɔaw yɛnin vanaa Hala dow danga le-a danga? Vɛ̀ɛ̀ ya nɔla yɛnin vanaa Mɛlɛka pila vueinún te-a vueinɔn?

Kundalan 24:9

Má ce nda ihini pɛngio maa n'yàlà. Nɛ̀ɛ́ cua yɛnin nda? Vana dɔw pɛ niaa duaa, duaa co le ndu. Vana dɔw pɛ niaa danga, dangaa co le ndu.»

Tɔŋ miingua 2:7

Kani Mɛlɛka Hala niaa dɔw niaa duaa o kpekula niaalan kpow nin, mó manda niaa telen niaa va lɛŋnde veselɛile bɛndulen nden taŋɔɔ-o. La tofa vɔ, o co nin vɔsilan belehiɔɔlu, Mɛlɛka Hala niaa co latulu a niaa, ɲɛ-ɲɛ co niaa lepɛŋ te.›

Tɔŋ miingua 7:14

La sɔlanin duaa hiovɔɔ vanaa-mangalaa-isɔaa celen kpow coo. Vanapɔnɔ lɛmbɛ-vílɛ́i venin niaa tɛɛn te, vanalanɔ bɔlɔkɛ venin niaa tɛɛn te, cɔlu bɔlɔkɛ venin o cɔlua niaa tɛɛn te.

Tɔŋ miingua 28:6

O dɔawnin niaa duaa o kɔlan, mò dɔw niaa duaa o muungoo.

2Dɛnnda lemasalan 31:10

mí Asaria va bolle vanaa-solia-lasálàá-o, o fula o polale Sadɔk len nin-ndo mulul ndu aa: «Kabi vannda kandu hunɔɔ a ɲɛm-kéan ndan o Cɛi-Mɛlɛka-o nin, n co dioo mì n va pumndo ca, o naa n co demaa-o co lou taw-taw, kani Mɛlɛka dɔw vanaa ndɔa duaa. Ɲɛm tɔ̀un co lou-von co kundaa nuaa ni.»

Esai 61:9

Cuavaa ndaa imamaa sinannin vanaa-mangalaa-isɔɔa tɛɛn, polale ndalen le sinannin vanaa súúla celennda tɛɛn. Vanaa canin nda-a kpow a sinanin maa polale Mɛlɛka dɔw duaa len nda co ni.»