Kundalan 21:9 - BII BILA

⁹ Mí Moise cua daɲɛi, mó cɔaw kɛwvo a ndi, mó landu ndu o yɔm ipɛngɔɔ coo. Te kɛwvo ndóò lɔva nin pɛ vanndo, vana kalaa ndóò tofa kɛw idaɲa kon, ndóò sɔla cindaa.

Kundalan 21:9 Referans Kwoze

Hebreea 12:2

N tofan Yeesu tuŋ. Ndu o ba laalanndo kandun ni, ndu o ba o mɛɛlu ni. Mó cɛl le vuo o yɔm singafilaa coo, o ci siɛmbula lan ɲɛ-ɲɛ le. Kani o va ɲaale o va hunɔɔ sɔla-o cɔu, nduyɛ sunsun o co icali Hala o ba kɛndɔɔ coo.

Nsaŋ 6:40

Hɛnan Fuɲa nuu co kon ni, maa vannda kpow a mulul Poo hɔlla, mà laalan ndu, mà sɔla cinda fɛɛn-fɛɛndo. Ya yɛ, i minginin nda yoomu fulaa vanvílɛ́iya tɛɛn o paale mɛɛlaa len.»

2Masaa 18:4

Mó tɛɛmbuu tombon, mó pesipesi powta sálàlan, mó puusiaa yɔmii soolɛi, mó kilikili kɛw n'daɲa Moise ndóò toosiaa-o, kani háá a telen kon Israɛlla va vɔ cuɛima cun kɛndɛan lomɔɔ le kɛw kon, nuaa ndáà veelu kɛw kon ni aa Nehustan.

Nsaŋ 12:32

Ya yɛ, telen ya sɔlanin heeloo faŋanndo o lɛŋnden coo-o, i tosanin mì vanndacieea kpow a muli hɔlla o ya lo.»

Esai 45:22

Lelan la mulin mì la hin ya o ibuŋ, o kon la sɔlanin cindaa, niaa co o lɛŋnden mɛɛlulan-nda kpow! Kani ya co Hala ni, Hala celen co o ya kɔɔli le.

Rɔmnda 8:3

Tɔŋndo ndóò nɔla ken tosa le, kani ndóò nɔ mayoomu le, le falun ivanacieeyan. Kɛ mí Hala ndu tosa ken, mó cuu Po ndɔ ndu pilaa o velan dialun hakion nin le hakio faŋaa. O kon mó yaala hakio o falon nin.

2Korɛntea 5:21

Krista ndóò nɔ haki le, kɛ nduyɛ, mí Hala handu ndu hakila naalan coo, haliko mi n siŋnun vanaa sandaa Hala o hɔl.

Rɔmnda 1:17

Kani Yoongu kɛndɛ kon cɔm maa Hala siinguu vanndacieea vanaa sandaa le laalanndo. Nduyɛ laalan kon tiw. Maa mɛɛ o sɛvan yɛ aa: «Vana sandaa vanin yoomu le laalan ndɔɔ.»

1Nsaŋ 3:8

Vana tosa pɛ hakio, mɛɛ le masa ɲinaa vɔɔnda vana kon co ni, kani o kandɔɔ pɔ́ masa ɲinaa vɔɔnda ndu tosa hakio ni. Po Hala-o ndu fula, haliko mo tɛɛmbuu baala masa ɲinaa vɔɔnda.

Sakari 12:10

I cucunin kɔl ikɛndɔɔ a kɔl tɛɛlanndo polale David len a vanaa vanin icali Yerusalɛm-nda kpow coo. O kon, a mulinin hɔlla o ya lo mà tofa ya, le vana nda buli lungbuei-yo. A caŋnin le ndu mɛɛ vana caŋ le piɔ́m pole pilɛlen nuaa yɛ. A koŋulnin ndu coo mɛɛ vana koŋul le piɔ́m po tasoo yɛ.

Nsaŋ 1:29

Diimandɔɔ, mó ca Yeesu hunɔɔ ndu o ibuŋ, mó dimi aa: «La tofa vɔ, Saa cua Hala co haki ceendo faŋa-o.