Kundalan 21:5 - BII BILA

⁵ Má soaa sɔɔn vɔɔnndon a Hala nda Moise, má dimi aa: «Le yɛɛ niaa faŋa yɛ naa o lɛŋnde Esipte len nin mí la heelu a naa le naa diwvo o lɛŋnde veselɛilen-nden nin? Kani ɲɛdiaa co nanu le, mɛmma co vɛlɛ nanu le. Hali ɲɛdiaa imɔnɔɔ ho fula nin naa iyeema.»

Kundalan 21:5 Referans Kwoze

Condii lisai 78:19

Má soaa sɔɔn vɔɔnndon a Hala, má ɲuna aa: «Vɛ̀ɛ̀ Hala nɔla pá mò ke naa baloo o lɛŋnde veselɛilen nden nin?»

Kundalan 17:12

Mí Aarɔn tosa mɛɛ Moise dimul ndu yɛ, mó cua bonyii fuusɛi, mó kɔa a kiltan Israɛlla tɛɛn, nàà halimaa ndóò kandu nin vannda biyɔɔ lekɛ́ndɛi. Mí Aarɔn fuusa ansan le faleŋii baŋannde tosaa le haki ndaa.

Fulaa 14:11

O kon kɔɔli, má mululun Moise, má dimul ndu aa: «Sɛila bɔɔ la co macoaa Esipte le? Le yɛɛ nɛ n hin yɛ a naa le piɔ́mndo sɔlaa o lɛŋnde veselɛilen nden nin? Le kɔlɔ yɛɛ n soli yɛ naa o lɛŋnde Esipte len nin?

Talelan 27:7

Vana co o pumaa-o, hali va malɛɔ nɛwvo o nɛ̀w ndu a labɛngu ni. Kɛ vana yiaan ma co nɛiyo-o ndu, ɲɔɔ lol bɛɛ, yeelaa o yeela ndu o sondo ni.

Condii lisai 68:6

O Cɛi ndɔ diandaa nin, ndu Hala, fuɲaa vííya, a Vana lɔaanun ibuŋ le vanlaandua piaandaa ndaa vi-a-o o co ni.

Fulaa 16:31

Mí Israɛlla ke ɲɛdiaa kon diolan aa manne (kon co dimio ni aa «Yɛɛ nɛ co yɛ hoo?»). Ndóò velan taw a kulun tɔlɔɔ koriandre, ɲɛdiaa kalaa yeelaa maa dɛɛ nda toaŋ a lɛan-ndo.

Fulaa 16:15

Mɛɛ Israɛlla ce ɲɛ kon, má va ɲuunianndo vellaa-velle aa: «Yɛɛ nɛ co yɛ hoo?» Kani ndáà sina ɲɛ va kon-ndo le. Mí Moise dimul nda aa: «Ɲɛdiaa Mɛlɛka yɔngu niaa le dioo-o co hoo ni.

Fulaa 15:24

O kon, má soaa sɔɔn pɔmbɔn a Moise, má ɲuna aa: «Yɛɛ naa n co yɛ niko kolɔɔ?»

1Korɛntea 10:9

N tɔɔndàn Mɛlɛka mɛɛ a pum a tɔɔndan ndu yɛ le, mí kɛwva lɔwviaa nda, má vu.

Esekiɛl 20:21

Kɛ mí poaa ndaa kan bɛɛ a luɛi seesiɛi a ya. A bii silala nilan te, a bii tɔŋnda nila vanacieo bɛnda mò kela coo, mì la tosa mò tuei yoomoo yeela lan te, a kela lecoo le few. Má del kasi a palɛi nii pɛngiɛi. Mí dimi le kɔl ni tuwvo cuiŋio nda coo, le nda ciiyo a kɔl ni fulaa o lɛŋnde veselɛilen nin ndon.

Kundalan 11:20

Kɛ la co va mun dioo háá paangei ipilɛ. La lonin mun dioo háá mì n fula niaa o lamilin, mì kuisio bii niaa. Kani la ci Mɛlɛka co niaa tɛɛn-ndo ɲɛ-ɲɛ le, la cɛɛŋun ndu o lani mí la dimi aa: Le yɛɛ naa n faŋan yɛ Esipte?›»