Kundalan 20:1 - BII BILA

¹ O paangii tasei o vɔsi kon nin, mí Israɛlla kpow a tiiya o lɛŋnde veselɛilen Sin nin, má kila dɔ́ɔ́ngɔ́ ndaa Kadɛs. Lon Miriam vi ni, lon koni nda kumbu ndu ni.

Kundalan 20:1 Referans Kwoze

Kundalan 13:21

O kon, mí suansuaŋaa kan kɔa, má kɔ mɛɛndan lɛŋnden, kandɔɔ a lɛŋnde veselɛilen Sin, háá Rehɔb, Lebo-Hamat ikɛi.

Kundalan 33:36

Mɛɛ nda faŋan Ɛsiɔn-Kebɛr, má kɔa o lɛŋnde veselɛilen Sin nin, len nda veelu ni aa Kadɛs.

Fulaa 15:20

Mí Miriam, yemaa Aarɔn, ó va vanalanɔ-tɛɛngaa-diom Hala-o-o cua dundoo, mí vanlaandua tɔ̀a kpow a fula ndu kɔɔli a dundulan lɔɔ a á yolan.

Kundalan 27:14

Kani diom nuu niaa sɛɛngiaa o lɛŋnde veselɛilen Sin nin telen Israɛlla va ya simullo-o ni. La cɔm nda maa o diandaa le ya Mɛlɛka co le mɛnndan solio le. Sɔɛi mɛnndan Meriba, dɛnɛ tosan Kadɛs o lɛŋnde veselɛilen Sin nin-ndo pɛɛn.»

Kundalan 26:59

Mí Amram yil lanɔɔ diolan Yokebɛd, cua Levii-o, Esipte o velun ni. Mó vilul Amram cuawva nda yáá: Aarɔn, Moise a Miriam yema nda.

Kundalan 12:1

Mí Moise ndóò cua lanɔɔ pum fulaa o lɛŋnde Kus len nin. Mí Miriam nda Aarɔn a soaa sɔɔn pɔmbɔn le lanɔ ndóò cua kon-ndo.

Misee 6:4

Kani ya soli niaa o cɛlen nin o lɛŋnde Esipte len nin ni, mí heelu a niaa, Ya vim niaa Moise, Aarɔn a Miriam, le niaa simndan laci ni.

Condii lisai 29:8

Diom Mɛlɛka-o co tosaa mì lɛŋnde veselɛilen le va ɲiiyaa, Mɛlɛka co lɛŋnde veselɛilen Kadɛs hiiloo.

Tɔŋ miingua 32:51

Kani niaa ŋiɔn kpede, mí la sɛɛngiaa diom nuu Israɛlla o hɔl a sɔɛi mɛnndan Meriba o kɔɔ, Kadɛs ikɛi, o lɛŋnde veselɛilen Sin nin. La cɛl mì diondɔɔ nuu cɔmnun Israɛlla le.

Tɔŋ miingua 2:14

Kandɔɔ a faŋan naa Kadɛs-Barnea, kɔ bii a taŋɔɔ naa n taŋ pee pɔmbɔɔ Serɛd-o, vɔsilan beleyaa a laŋɔmaa naa n cii ni, háá mi lambi vanaa cɔvaa tasea cuu vu o dɔ́ɔ́ngɔ́ɔ̀ nin mɛɛ Mɛlɛka ndóò mɛnalan nda yɛ.

Kundalan 20:16

O kon mí n koŋul Mɛlɛka o lani, mó tuɛi somisomin naa. Mó viam mɛlɛkanɔɔ, mo kɔ faŋa naa Esipte lon. Sunsun, n tiiya Kadɛs, kobi co o lɛŋnde nɔmnden mɛɛlulan-ndo.

Kundalan 12:15

Le hee, má faŋa Miriam o dɔ́ɔ́ngɔ́ɔ̀ nin le palɛi ndii ŋɔmmɛw. Fɔ mó muungu nda tɛɛn malan nda puusiaa dɔ́ɔ́ngɔ́ kon le hiovɔɔ laci.

Kundalan 12:10

Mɛɛ kumnde faŋan dɔ́ɔ́ o cɛi-kola-toandaa-labɔɔŋianndo coo, mí pongan humbon fula Miriam kɔɔlen kpow maa nàà siaŋa, mí Aarɔn ca ndu a nàà vɔɔn kon.

Fulaa 2:7

Mí yemaa cɛlɛkpɛ kalaa ɲuna cua Faraɔnnɔ kon aa: «A yeema mì kɔ nuwviaa komsaa pum o vanlaandua Hebreea tɛɛn, mì veelu ndu, mò hun vɔɛsil nɔm hɔ́ɔ́ ho?»

Fulaa 2:4

Mí yemaa cɛlɛkpɛ kalaa kɔ sim lándán le sinaa ɲɛ óò yɔŋnunin yema ndɔ-o.

Kundalan 13:26

Má komal Moise, Aarɔn a Israɛlla kpow nɛɛ nda va icali o lɛŋnde veselɛilen Paran nin Kadɛs-a, má downun nda kona, má cɔm nda kɔmnde tɔlɔɔla co o lɛŋnde len nin-ndan.

Kundalan 20:22

Mí Israɛlla faŋan Kadɛs kpow, má tiiya o pembei Hɔr,

Tɔŋ miingua 1:46

Ken tosa ni mí la viaw Kadɛs taw-taw.»

Masaa kialaa n'yamaa 11:16

Kani lɔ́ɔ́ nda va fulaa Esipte-o, o lɛŋnde veselɛilen nin nda kei ni, má kɔa háá o mɛmma ihɛlma makpɛ̀ndɛ̀an, malan nda tiiya Kadɛs.

O Kandɔɔ 14:7

Tuma nda va muungoo-o, má kei Ɛin-Mispat, Kadɛs pɛɛn. Lon bɛɛ, má tisa Amalɛkea a Amoriaa va icali Hasasɔn-Tamar-a coo, má tɛɛmbuu cieon ndan.

Kundalan 20:28

Mí Moise soli Aarɔn volɔɔlan lekɔɔ, mó vow Eleasar po ndɔ lan. Mí Aarɔn vu o pembei tullo lon. Mí Moise nda Eleasar a toal pembei.

Esekiɛl 47:19

A ba too, pɛɛngulan la cannin Tamar mì la kɔɛ o mɛnndan Meriba o tàndá Kadɛs-o nin, mì la demul pee pɔmbɔɔ Esipte, mì la kɔ del o mɛmma ihɛlma bɛnduan coo. Pɛɛngulan a ba too la vanin ndan ni.