Kundalan 19:9 - BII BILA

⁹ Mì vana co o diandaa Mɛlɛka o hɔl-lo kɔndu pulta naw ŋɔalɛi kon, mò kɔ kɛsi lan o dɔ́ɔ́ngɔ́ɔ̀ kɔɔli, nɛɛ diandaa pum, lon pulta lan la vanin la mandaalan le sɛ́lɛ́ Israɛlla ni, haliko ma va mɛmma dindianndan toosiaa a lan. Sálà co le hakio sɔlaa malɔɔ-o co kon ni.

Kundalan 19:9 Referans Kwoze

Hebreea 9:13

Mɛɛ o dema tosan yɛ, a cua pɛ kooma cuinaa toovia a ma navaa tovaa, a cua vɛlɛ pulta naw nda lom-ndo, a cucu lan vanaa cua hakio-a coo. O kon dialun ndan dendu a dɛnɛ haki kon o kɔɔ.

Kundalan 19:13

Te vanndo pilan pɛ vana vílɛ́iyo, mò saalan le dindinndo le, mɛɛ vana kon nɔɔliaa Calta Mɛlɛka lan. Lelan, a bɛnda ma faŋa ndu Israɛlla tɛɛn, kani le tùú mɛmma dindianndan ma hulun ndu coo loo, nɔɔla ndɔɔ co vɔ ndu coo.

Hebreea 7:26

Yeesu co bolle vanaa-solia-lasálàà naa n nɔ makoo kpeekpei-yo ni. O co o diandaa, o nɔ isɔw le, o nɔ haki le, sɛyanndo co ndu tɛɛn nda vanaa lahakia, mí Hala heelu ndu o halataala di.

2Korɛntea 7:1

Caaŋaa nia ya kaola taw-va, le tùú kpemalan-ndan la co le naa-o, fɔ mì naa pila n dindin le dɛnnda kɛ́-kɛ̀ nɔɔliaa dialun nan a yiyan naa. Mì n peelun dindin naa a siòòŋii Hala-e.

2Korɛntea 5:21

Krista ndóò nɔ haki le, kɛ nduyɛ, mí Hala handu ndu hakila naalan coo, haliko mi n siŋnun vanaa sandaa Hala o hɔl.

Sakari 13:1

«Paale len, mɛnndan ma fulanin o soondo nin le yungu David-o a vanaa vanin Yerusalɛm-nda pulɔɔ le hakio a le dɛnɛ nɔɔlɛiyo.»

Kundalan 19:18

Mì vana co o diandaa ya Mɛlɛka o hɔl-lo cua lɛvii bil hisɔp, mò yin ndi o mɛnndan nin, mò vesul man o cɛi-kola-toandaa vanacieo vi nin-ndo, ma vesul vɛlɛ man o ɲɛm-laandun va lenin-ndon a o vanndacieea va lenin-nda kpow coo. Mò tosa vɛlɛ lende a vana pilan paalan-ndo, vana pilan vanaciee vanndo dii-o, te kon te o vi a ba ndɔ-o, te kon te vana pilan sɛiyo-o.

Kundalan 9:13

Kɛ te vana pum va pɛ o diandaa, mo ve o kela nin te, mo saalan le duɲɛi kafo-hiavaa-coo tosaa le, o bɛnda mò sɔla faŋaa Israɛlla tɛɛn few-few. Sanga oo sanga komal ndu pɛ mɛɛ ndu pila nuwviaa ndu ni, kani o solul Mɛlɛka dɛɛ sálà ndɔɔ o paale kelun-nden coo le.

Kundalan 8:7

Mɛɛ n bɛnda le nda dindio yɛ co hoo ni: a bɛnda ma fasaŋiaa nda mɛmma dindianndan coo, mì nda pila sendin kɔɔlen kpow a kùisiei, ma tɔɔ volɔɔla ndala cuɛinanndan, o kon, mà siŋnun a diandaa.

Kundalan 6:12

ndu pila solin vɛlɛ sálà sɛnɛi le Mɛlɛka, le telen solian sálà ndóò kelu-o peeloo. O kon, o yɔngu saa téndé nɔ vɔsio pilɛ-o le sálà bɛɛndiaa isɔɔ solio. Kɛ palɛi tasei o tosa o sálà solian kon nin-nde co o cɔm coo le, kani telen ndɔ ndóò kelu mó solin ndu pila sálà-o nɔɔla Mɛlɛka o hɔl.

Tɔŋ lasálàá 15:20

Tuma o co kon o paangei nin-ndo, kpele oo kpele o hini pɛ coo, kpele kon siŋnun o nɔɔlɛiyo Mɛlɛka o hɔl, ɲɛ-ɲɛ o cal vɛlɛ pɛ coo telen kon, ɲɛ kon siŋnun o nɔɔlɛiyo.

Kundalan 19:3

La hin pɛ a ndu, la yɔngu Eleasar vana-solia-lasálàá ndu. Eleasar kɔɛ a ndu o dɔ́ɔ́ngɔ́ɔ̀ kɔɔli, a kelu ndu bololan ndu o hɔl.

Kundalan 19:8

Vana loamnin naw kon-ndo bɛɛ bɛnda mò tɔɔ volɔɔla ndɔlan, mì ndu pila pulun, mò lo o nɔɔlɛiyo Mɛlɛka o hɔl háá icɔllo.

Kundalan 19:17

Le ndu dindio, a bɛnda ma cua pulta naw nda lom le sálàá solio le hakio sɔlaa malɔɔ lan, ma vow lan o hɛngɛiyo nin, ma vow mɛmma peean lecoo.