Kundalan 19:2 - BII BILA

² «La tofa vɔ silala co o tɔŋ Mɛlɛka yɔngu-o nin-ndan: la dimul Israɛlla mà hin a naw siaŋaa o pilɛ, o nɔ lenamta loo, o nɔ sɔŋ too, o nda hendu vɔ yɔm lebol o lebol too.

Kundalan 19:2 Referans Kwoze

Tɔŋ miingua 21:3

le sinaa kobi co kpɛɛlun a fonda kon-ndo. O kon, kaasoŋaa kɔlkalua o kobi kon nin a bii naw téndé nda tosa vɔ baala a ndu loo, o nda hendu vɔ yɔm lebol o lebol too,

1Piɛr 1:19

Kɛ a kooma sɔvɛma bɛnduma Krista-an, Krista kon yɔŋnun ni maa saa téndé nɔ lenamta loo, ó nɔ sɔŋ too.

1Samiɛl 6:7

Lelan la bɛɛndiaa niko ɲɛ ɲaanan soa nan-ndo, o sɛnɛiyo, mì la bii navaa komsaa nda ŋiɔn, a nda yii-yɔ yɔm lebol o lebol te-a, mì la baa nda ɲɛ ɲaanan soa nan-ndo, kɛ mì la mingi cuavaa ndaa co nda kɔɔli-a o hèéo nin.

Dɛnnda cɔɔmuanndan 1:5

a Yeesu Krista, sei toɲaa, o velun tase vanvílɛ́iya tɛɛn, mó va masa masaa o lɛŋnden coo kpow-vo o ba! Vana kaola naa mó baŋa naa a kooma ndɔan, mó cii hakila naalan-ndo,

1Piɛr 2:22

Ndu tosa haki loo, ndu sɔɛi fula o sondo le vana hui loo,

Hebreea 9:10

Tanala va le vanndacieea daama lan la va le ɲɛm dian, ɲɛm vana kol-lon a le faleŋun dindiaŋun yɛ́-yɛ́ɔn ni. Tanala lan kpow láà bɛnda háá o telen Hala va dɛnndan yɛlɛma-o.

Hebreea 7:26

Yeesu co bolle vanaa-solia-lasálàà naa n nɔ makoo kpeekpei-yo ni. O co o diandaa, o nɔ isɔw le, o nɔ haki le, sɛyanndo co ndu tɛɛn nda vanaa lahakia, mí Hala heelu ndu o halataala di.

Luke 1:35

Mí mɛlɛkanɔɔ mulul ndu aa: «Hala Kɔl-Diandaa hunnin nɔm coo, mì kpaaya Ó-Hiow-Ɲɔɔn-Kpow-vo kuumbun nɔm coo maa levundu. Lelan, o diandaa n vialunin-ndo sɔlanin veeloo aa Po Hala-o.

Cɛɛŋɔnnda Yeremi lan 1:14

O nɔ hɔlten o hakila ya tosa lan coo. O cii lan yii nɛɛ pilɛ ndu o ba, mó handu ya lan o congú. La hel-la háá o labolo dí, Mɛlɛka cii ya yoomuan soli pó. O mal-la vanaa ya nɔla simullo le-a o ba.

Esai 1:18

Mɛlɛka dimi aa: «La hun mì n soonun latulu! Te hakila niaalan la va pɛ lasiaŋa vaŋ, la co muungu lahumbu maa fengbɔ, te la va pɛ lasiaŋa maa kola siaŋa sɔɔtɔtɔ, la co muungu maa kola keese humbu.

Kundalan 31:21

Mí Eleasar vana-solia-lasálàá dimul vanaa fula o cɔwvo-a aa: «Silala Mɛlɛka yɔngu Moise lan la co lan ni:

Kundalan 19:6

O kon kɔɔli, vana-solia-lasálàá cua yɔm sɛɛdre, bil hisɔp, kɛi nda yin yinɔɔ siaŋaa vólotótoo-o, o vuu ɲɛm mun o yin nɛɛ nawvo co ŋɔu-va.

Tɔŋ lasálàá 14:6

O kon, o cua yow lo o kiyɛiyo-o, pɛngɛi yɔm sɛɛdre, kola nda yin yinɔɔ siaŋa vólotótoo-o a bil hisɔp, o pɔɔla ɲɛm mun a yow kiyɛiyo latulu o kooma yow nda kelu bololan o kpɛɛnɛi mɛmma peean ma co nin-nde coo-o.

Fulaa 12:5

A bɛnda ma bii saa téndé, te kon te cuin téndé piaandu nɔ lenamta loo, o nɔ vɔsio pilɛ-o.

Kundalan 19:1

Mí Mɛlɛka soaa o Moise nda Aarɔn ndo, mó dimul nda aa:

Tɔŋ lasálàá 1:3

Te sálà loamaa o yeema le solio a cɔlua bɛndua nin ni, o bii cɔlu piaandu nɔ lenamta loo, o kɔ cɔm ndu o cɛi-kola-toandaa-labɔɔŋianndo sondoo haliko mi Mɛlɛka cɛl ndu.

Tɔŋ lasálàá 1:10

Te o cɔlua pɔmbɔa nin vanndo soli cɔlu o ke Mɛlɛka-o ni, te saa téndóó te kon te cuin téndóó o yɔngu le sálà loamaa solio ni, o bɛnda mò yɔngu cɔlu piaandu nɔ lenamta loo.