Kundalan 19:16 - BII BILA

¹⁶ Te vanndo pilan pɛ vana vílɛ́i vanacieo dii-o, te kon te vana vi a ba ndɔ-o yondoo nin di-di, te kon te o boŋ pɛ o paala vanacieo, te kon te mò kei o sɛiyo coo, vana kon bɛnda mò lo o nɔɔlɛiyo háá le palɛi ndii ŋɔmmɛw.

Kundalan 19:16 Referans Kwoze

Matie 23:27

Dɛnɛ palaa co le niaa, niaa vanaa pɛɛkaa latɔŋnda a niaa Faliisia muuluannda ha! Kani la maa sɛila nda kɛɛmiaa mì la naŋ taw o kɔɔ lan niaa co ni, kɛ nduyɛ leninndo co o piaa cá a paala vanvílɛ́iya a á ɲɛm siovɛi súú-súù ka.

Kundalan 31:19

Le niaa pila yɛ niko, vanaa diw vanndacieea-a kpow a vanaa pilan vanvílɛ́iya-a kpow, á lo vɔ o dɔ́ɔ́ngɔ́ɔ̀ kɔɔli le palɛi ndii ŋɔmmɛw. A bɛnda mà dindin o paale yàándɔlen a o paale ŋɔmmɛwndɔlen coo, nda pila a vanlaandua nda hin o biyɔɔ nin-nda.

Luke 11:44

Dɛnɛ palaa co le niaa! Kani maa sɛila vana bii bila le lan niaa co ni, la vana kei coo a sina le lan pɛɛn.»

Kundalan 19:11

«Vana-vana pilan pɛ vana vílɛ́iyo, mɛ̀ɛ́-mɛ̀ɛ́ o va, ndu siŋnun vana nɔɔlɛiyo ya Mɛlɛka o hɔl le palɛi ndii ŋɔmmɛw.

Kundalan 19:15

Ɲɛi laandu oo ɲɛi laandui va pɛ lenin sondo fondo, mì kumbu ve lecoo le, ndi siŋnun inɔɔlɛi Mɛlɛka o hɔl.

Esai 52:11

Niaa co ɲɛm-laandun diandan Mɛlɛka-on vilio-a, la muungu! La muungu! La faŋan nanu! La pilan ɲɛ-ɲɛ nɔɔlɛi le dɛ! La fula o kobio Babilɔn nin, la dindin fó-fó!

Tɔŋ lasálàá 21:1

Mí Mɛlɛka dimul Moise aa: «Dimul vanaa-solia-lasálàá, poaa Aarɔn-nda sɔɔn mun aa: ‹Vana-solia-lasálàá bɛnda mò siŋnun vana nɔɔlɛiyo Mɛlɛka o hɔl a dɛnɛ vana vílɛ́i co vanayɛi ndɔɛi-yo o kɔɔ le.

Kundalan 5:2

«Dimul Israɛlla kpéŋ-kpéŋ maa vana-vana nɔ nàà siaŋaa, vana-vana nɔ kɔɔsinaa a vana-vana pilan vana vílɛ́iyo, te kon te cɔlu vílɛ́iyo, mó nɔɔla Mɛlɛka o hɔl, a bɛnda mà faŋa vanaa vaa lende o dɔ́ɔ́ngɔ́ɔ̀ nin.

Kundalan 6:6

O telen ndu pila solin kon sálà le Mɛlɛka-o nin kpow, o bɛnda mò pilan vana vílɛ́iyo le.

Kundalan 9:6

Kɛ nduyɛ, vanaa va a nɔɔlɛiya Mɛlɛka o hɔl le vana vílɛ́iyo, te kon te le cɔlu vílɛ́iyo sɔɔnguuo ikɛi-ya a tiwba le kafo-hiavaa-coo tosaa ɲinkon te. Le hee, má kɔ komal Moise nda Aarɔn paale pilɛle len,

Esekiɛl 44:26

Kɛ o va bɛɛ kan, te vana-solia-lasálà kon cii pɛ dindinndo, o bɛnda ma cɔm palɛi ndii ŋɔmmɛw le ndu (malan o muungu o vali ndɔɔ nin).