Kundalan 19:11 - BII BILA

¹¹ «Vana-vana pilan pɛ vana vílɛ́iyo, mɛ̀ɛ́-mɛ̀ɛ́ o va, ndu siŋnun vana nɔɔlɛiyo ya Mɛlɛka o hɔl le palɛi ndii ŋɔmmɛw.

Kundalan 19:11 Referans Kwoze

Kundalan 5:2

«Dimul Israɛlla kpéŋ-kpéŋ maa vana-vana nɔ nàà siaŋaa, vana-vana nɔ kɔɔsinaa a vana-vana pilan vana vílɛ́iyo, te kon te cɔlu vílɛ́iyo, mó nɔɔla Mɛlɛka o hɔl, a bɛnda mà faŋa vanaa vaa lende o dɔ́ɔ́ngɔ́ɔ̀ nin.

Kundalan 31:19

Le niaa pila yɛ niko, vanaa diw vanndacieea-a kpow a vanaa pilan vanvílɛ́iya-a kpow, á lo vɔ o dɔ́ɔ́ngɔ́ɔ̀ kɔɔli le palɛi ndii ŋɔmmɛw. A bɛnda mà dindin o paale yàándɔlen a o paale ŋɔmmɛwndɔlen coo, nda pila a vanlaandua nda hin o biyɔɔ nin-nda.

Tɔŋ lasálàá 21:1

Mí Mɛlɛka dimul Moise aa: «Dimul vanaa-solia-lasálàá, poaa Aarɔn-nda sɔɔn mun aa: ‹Vana-solia-lasálàá bɛnda mò siŋnun vana nɔɔlɛiyo Mɛlɛka o hɔl a dɛnɛ vana vílɛ́i co vanayɛi ndɔɛi-yo o kɔɔ le.

Kundalan 19:16

Te vanndo pilan pɛ vana vílɛ́i vanacieo dii-o, te kon te vana vi a ba ndɔ-o yondoo nin di-di, te kon te o boŋ pɛ o paala vanacieo, te kon te mò kei o sɛiyo coo, vana kon bɛnda mò lo o nɔɔlɛiyo háá le palɛi ndii ŋɔmmɛw.

Kundalan 9:10

«Soo o Israɛlla lo ma dimul nda aa: ‹Kandɔɔ sisa, háá le fɛɛn a fɛɛn, te vana pilɛ o niaa tɛɛn va pɛ o nɔɔlɛiyo le sɔɔnguu o sɔɔnguu vana vílɛ́iyo ikɛi-yo, te kon te, te o va pɛ o kela levil nin, o tiwba mò tosa kafo-hiavaa-coo le ya Mɛlɛka biiloo.

Kundalan 9:6

Kɛ nduyɛ, vanaa va a nɔɔlɛiya Mɛlɛka o hɔl le vana vílɛ́iyo, te kon te le cɔlu vílɛ́iyo sɔɔnguuo ikɛi-ya a tiwba le kafo-hiavaa-coo tosaa ɲinkon te. Le hee, má kɔ komal Moise nda Aarɔn paale pilɛle len,

Tɔŋ lasálàá 21:11

O bɛnda mò sɔɔnguu vana vílɛ́iyo ikɛi le. Hali fuɲa ndɔ, te kon te kala ndɔ vu bɛɛ, o bɛnda mò siŋnun vana nɔɔlɛiyo Mɛlɛka o hɔl le nda le.

Hebreea 9:14

Nɛɛ ken tosan-ndɔ lende, vɛ̀ɛ̀ kooma Yeesu-an man ma hiw kpaayaa lende le? Kani a kpaaya Hala Kɔl-Diandaa ndu pila yɔngun Hala ni, maa cɔlu sálà nɔ lenamta loo. Lelan, o dindinin kɔlta naalan le dɛnnda naala vɔɔnndan haliko mi n tosal Hala yoomaa vallo.

Efɛsea 2:1

La va paandu a vílɛ́iya o kɔllo nin le tɛɛmbuula niaalan a le hakila niaalan.

2Korɛntea 6:17

Lelan Mɛlɛka dimi ni aa: «La fula nda tɛɛn, mì la sɛyan niaa ndaa. Ɲɛ-ɲɛ co ɲɛ nɔɔlɛiyo, la pilan ndu le! O kon, i cɛlnin niaa.

Rɔmnda 5:12

Lelan, mɛɛ hakio luɛi o ceendo nin le vanacieo ndu pilɛ mí haki kon hun a piɔ́mndo yɛ, lende piɔ́mndo kei vanndacieea kpow coo ni. Kani nda kpede a tosa hakio.

Aasee 2:13

Mí Hasee ɲuna nda vɛlɛ aa: «Te vanndo siŋnun pɛ vana nɔɔlɛiyo le vanaciee vílɛ́i o pilan-ndo, mò kɔ pilan ɲɛdiaa pum, vɛ̀ɛ̀ ɲɛdiaa kon siŋnun pá ɲɛ nɔɔlɛiyo lelan?» Mí vanaa-solia-lasálàá muli aa: «Oi, mò siŋnun o nɔɔlɛiyo.»

Cɛɛŋɔnnda Yeremi lan 4:14

A co kelaa iyiindo-yiindoei o nɛilan coo maa vanaa sumɛi. Volɔɔla ndalan láà hiw bɔɔ lɔngɔlianndo a koovan, vanáà nɔla lan pilan te.

Tɔŋ lasálàá 11:31

La cɔ visia sansun kan lɛŋ-nda maa visia nɔɔlɛiya nda co o visia kpow tɛɛn ni. Vana-vana pilan nda pɛ a vílɛ́iya, vana kon lo o nɔɔlɛiyo háá icɔllo.

Dɛnnda kiilaa 21:26

Diimandɔɔ, mí Pol kɔa a vanaa hiɔɔlua kan, mó tosa faleŋii dindiannde nda ndaa. O kon kɔɔli, mó kɔa o Cɛi-Hala-o, mó dimul nda telenndo a palɛi dindin kon va cuvɔɔ-e, kon co ni maa telen vana-vana oo bɛnda le sálàá solio-o.

Dɛnnda kiilaa 21:27

Palɛi ŋɔmmɛvii dindiaŋii ken va nin le cuvɔɔ, mí Yuifia va o lɛŋnde Asii len nin-nda a ca Pol o Cɛi-Hala-o nin. Má luei sɛ́lɔ́ɔ́ kpow sɔɔn nin, má bii ndu,

Tɔŋ lasálàá 5:2

Te vanndo pilan yɛ pɛ ɲɛ nɔɔlɛiyo hali o sina lepɛŋndo nin, maa visi nɔɔlɛi vílɛ́iyo, te kon te cɔlu cieenin nɔɔlɛi vílɛ́iyo, te kon te mò pilan visin visi nɔɔlɛi vílɛ́iyo pum o visia pɔm-pɔmbɔa kela lɛŋ-nda tɛɛn, mɛɛ o siŋnun vana nɔɔlɛiyo a vana tɛɛmbua tɔŋndo.

Kundalan 6:6

O telen ndu pila solin kon sálà le Mɛlɛka-o nin kpow, o bɛnda mò pilan vana vílɛ́iyo le.

Esai 52:11

Niaa co ɲɛm-laandun diandan Mɛlɛka-on vilio-a, la muungu! La muungu! La faŋan nanu! La pilan ɲɛ-ɲɛ nɔɔlɛi le dɛ! La fula o kobio Babilɔn nin, la dindin fó-fó!

Tɔŋ lasálàá 22:4

O polale Aarɔn-nden coo, te nàà siaŋaa bii pɛ vanndo, te kon te mì nàà kɔɔsinaa bii ndu, vana kon bɛnda mò de sálàla diandaalan te, fɔ mò dindin fɔlɔn. Lende koni o co vɛlɛ le vana pilan vana sɔɔnguu vana vílɛ́iyo ikɛi mo siŋnun vana nɔɔlɛiyo-o a vana mɛmma ivanapɔnɔyan ma fula-o ni.

Esekiɛl 39:12

Paangon mún ŋɔmmɛw, cuavaa Israɛlla vanin nda kumbɔɔ, haliko mi lɛŋnden le muungu lediandaa.

Esekiɛl 44:26

Kɛ o va bɛɛ kan, te vana-solia-lasálà kon cii pɛ dindinndo, o bɛnda ma cɔm palɛi ndii ŋɔmmɛw le ndu (malan o muungu o vali ndɔɔ nin).