Kundalan 18:8 - BII BILA

⁸ Mí Mɛlɛka soaa vɛlɛ o Aarɔn ndo aa: «Ya pila yɔngu nɔm ɲɛ-ɲɛ Israɛlla co faŋaa le ya o ɲɛm diandan nda co ya sálàá solullo-on kpow coo ni. Nɔm a poaa nɔmnda ya yɔngu ɲɛm mun ni few. Sɔɛi kelun-nde co ken le fɛɛn a fɛɛn ni.

Kundalan 18:8 Referans Kwoze

Tɔŋ lasálàá 6:16

Kani vana-solia-lasálàá yɔngu pɛ ɲɛm vaan le sálàá solio, sálà kon bɛnda mò dennun te, o bɛnda mò ŋɔɛ kpow o yin.»

Tɔŋ lasálàá 7:6

Vanpiaandua o yungula vanaa-solia-lasálàá nin kínɛí bɛnda ni mà de visin mun. À bɛnda mà de mun nɛɛ diandaa pum, kani ɲɛdiaa diandaa-diandaa co kon ni.

Tɔŋ lasálàá 6:18

«Soo o Aarɔn nda poaa ndɔa lo, mà dimul nda aa: ‹Nuaa niaa bɛnda ni mi la soli sálàá le hakio sɔlaa malɔɔ: o fonda nda kelu cɔlu sálà loamaa bololan-ndo koni nda bɛnda vɛlɛ mà kelu cɔlu co le sálàá le hakio sɔlaa malɔɔ-o bololan Mɛlɛka o hɔl ni. Sálà diandaa-diandaa co kon ni.

Fulaa 40:15

ma pɔla nda mɛɛ n pɔlanin fuɲa nda yɛ, mì nda bɛɛ siŋnun vanaa-solia-lasálàà nia. Pɔla n pɔlanin nda kon-ndo tosanin ni mì vali solia lasálàá siŋnun vali nda le fɛɛn a fɛɛn, kandɔɔ a nda pila, kɔ bii a cuavaa ndaa imamaa.»

Fulaa 40:13

ma vow Aarɔn volɔɔla solia lasálàlan, ma pɔla ndu le ndu sɔɔ Mɛlɛka o ba, haliko mo siŋnun vana-solia-lasálà nuu.

Fulaa 29:29

Poaa ndɔa hun loonin volɔɔla ndɔla solia sálàla lan fɛɛn ni, paale nda vanin pɔlaa sɔlaa a faleŋun kandaa baalan tosaa len nda vownunnin ndan ni.

1Nsaŋ 2:27

Le niaa, Kɔl-Diandaa niaa sɔla Krista o ba-o lo niaa o lakɔl. La nɔ lɛ mako mì vana pɛɛku niaa le. Kani Kɔl-Diandaa co niaa dɛnndan kpede pɛɛku, toɲaa o pɛɛkunin niaa ni, o venin lacòò le. Lelan, la lo o ndu nin maa mɛɛ o pɛɛku niaa yɛ.

1Nsaŋ 2:20

Niaa niaa, la cii Kɔl-Diandaa sɔla fulaa Krista o ba, niaa kpow la sínà toɲaa.

Hebreea 1:9

Dɛnɛ sandaa n yeema ni, mì dɛnɛ vɔɔndo nɛinun nɔm. Àá Hala! Lelan Hala nɔmndo hɛli nɔm ni, mó tala nɔm cuɛima kafoan o lebol. Mó hɛli nɔm caaŋaa nɔmnda tɛɛn.»

Esai 10:27

Paale len, volɔɔla lusulaala ndɔlan la faŋannin niaa o congú, yɔm lebol ndɔɔ solinnin niaa o labolo. Yɔm lebol kon yominin le ɲɛm niaa sɔlanin taw-von.»

Tɔŋ miingua 26:13

o dimi Mɛlɛka Hala ndɔɔ o hɔl aa: ‹I soli ɲɛ siŋnun teengen-ndo o ya lo cɛinin, i yɔngu leviia, mialla, vííya a vanlaandua piaandaa ndaa vi-a ɲɛ kon mɛɛ nɔm pila dimul-la le tosaa yɛ. Tɔŋnda nɔmndan, o pilɛ bɛɛ i tɛɛmbuu le, o pilɛ bɛɛ i pɔɛɛnun vɛlɛ le.

Tɔŋ miingua 12:11

O fonda Mɛlɛka Hala niaa hɛlinin kon le diola ndɔlan vaa biilɔnndo lenin-ndo niaa vanin hunɔɔ a ɲɛm ya dimul niaa le yɔngoo-on ni: sálàla loamaala niaalan, sálàla niaala celenndan, o-tɔ́ndɔla niaalan, ɲɛm niaa vanin yɔngoo a yeemɛi-yon a ɲɛm niaa vanin hunɔɔ le yoole niaa baa o Mɛlɛka lo len timbio-on.

Tɔŋ miingua 12:6

O fonda kon niaa vanin kɔlan a sálàla loamaala niaalan a á sálàla niaalan tɔ̀lan kpow ni. Lon niaa vanin kɔlan a o-tɔ́ndɔla niaalan a á cuungiaala niaala niaa vanin solio o valta niaalan nin-ndan ni. Lon koni niaa vanin kɔlan a ɲɛm niaa baa yoolen o Mɛlɛka-on le yoole len timbio ni, lon niaa vanin vɛlɛ ɲɛm niaa vanin yɔngoo a yeemɛi niɛi-yon a cɔlua piaandua tasea cɔlua niaa vanin komɔɔ-a kpow yɔɔ ni.

Kundalan 18:9

Ɲɛ n bɛnda le sɔlaa o sálàla diandaa-diandaalan nin-ndo vanin hoo ni: a cii pɛ o nda bɛnda le ya yɔngoo o sálàla ɲɛm-vaalan kpow nin, o sálàla co le hakio sɔlaa malɔɔ lan kpow nin a o sálàla-bɛɛndiaa-isɔɔlan kpow nin-ndo faŋa, ɲɛ tɔ̀ co lo-o, ó lumnunnin o yin too, nɔm nɔ ɲɛm diandaa-diandan mun niaa poaa nɔmnda ni.

Tɔŋ lasálàá 21:10

Vana-solia-lasálà sɔla hɛlio le vaa bolle vanaa-solia-lasálàá kpow-vo, o nda tala cuɛima diandan o lebol o paale kafo kandaa baalalen coo le ndu pɔlaa-o, ó cuɛinun volɔɔla diandaalan le baala Mɛlɛka-o-o, o bɛnda mò puusian yiinde o lebol te. O bɛnda mò sɛɛsian volɔɔla cuɛinanndan lekɔɔ le biisio le.

Tɔŋ lasálàá 8:30

Mí Moise cua cuɛima va le pɔlaa-an a kooma va o fonda-loamaa-lasálàá coo-an, mó fasaŋiaa man Aarɔn coo a o volɔɔla va ndu lekɔɔ lan coo, mó fasaŋiaa man vɛlɛ poaa Aarɔn-nda coo a o volɔɔla va nda lekɔɔ lan coo. Lende Aarɔn nda poaa ndɔa, a volɔɔla va nda lekɔɔ lan kpow sɔla pɔlaa ni.

Tɔŋ lasálàá 6:20

Vana-vana pilan pɛ visin mun, ndu siŋnun teengen le Mɛlɛka, te kooma ndɔan ma vesulun pɛ o ɲɛ cuɛinanndo, à bɛnda mà tɔɔ ɲɛ cuɛinan kon nɛɛ diandaa pum.

Fulaa 29:21

A cii pɛ, a cua kooma vanin makɛsiaa o fonda-loamaa-lasálàá coo-an, a cuɛima co le pɔlaa-an, a fasaŋiaa man Aarɔn coo a o volɔɔla ndɔla cuɛinanndan coo, a fasaŋiaa man vɛlɛ poaa Aarɔn-nda coo a o volɔɔla ndala cuɛinanndan coo. Lende Aarɔn bɛnda ni mo sɔla pɔlaa nda poaa ndɔa, a volɔɔla ndala cuɛinanndan le vali solia lasálàá tosaa ya Mɛlɛka o hɔl.

1Korɛntea 9:13

Niaa pila sínà maa vanaa co baalaa o Cɛi-Hala-o nin-nda, o cɛi kon nin koni nda sɔla ɲɛdiaa ndaa ni. Vanaa co sálàlan solio o fonda-loamaa-lasálàá coo-a bɛɛ, o sálàla lan nin ɲɛ nda diaa fula ni.

Tɔŋ lasálàá 7:14

Mà faaŋiaa kundalan lapilɛn-pilɛn o sálàla ɲɛm-vaalan kpow coo le ya Mɛlɛka, kundala lan la vanin le vana-solia-lasálà fasaŋiaa kooma cɔlu sálà kɔlɲuloo o kpengun fonda-loamaa-lasálàá-o ni.

Tɔŋ lasálàá 7:28

Mí Mɛlɛka soaa vɛlɛ o Moise lo, mó dimul ndu aa:

2Dɛnnda lemasalan 31:4

Mó dimul vannda Yerusalɛm kpow le vanaa-solia-lasálàá a leviia ɲɛ ndáà bɛnda le sɔlaa-o yɔngoo, haliko mi ndáà tiwba le baalala sɛvan o tɔŋ Mɛlɛka-o nin-ndan tosaa ɲɛkɛndɛi.

Fulaa 28:43

Te Aarɔn nda poaa ndɔa a va pɛ luɛyɔɔ o cɛi-kola-toandaa-labɔɔŋianndo nin, te kon te mà va le kɔlan o fonda-loamaa-lasálàá o Fonda-Diandaa nin, à bɛnda mà vownun ndan. À tosa pɛ lende, mɛɛ à delnin kasi mà sɔla piɔ́m te. Tɔŋndo co hoo le Aarɔn a polale ndɔlen ndu kɔɔli le fɛɛn a fɛɛn ni.»

Fulaa 29:28

Le Aarɔn nda poaa ndɔa ɲɛm mun co ni. Tɔŋndo co kon le fɛɛn a fɛɛn Israɛlla tɛɛn ni. Kani cɔwviaalan la co lán ni, nduyɛ cɔwviaala lan Israɛlla bɛnda ni ma va Mɛlɛka yɔngoo o sálàla ndala kɔlɲulula nda vanin solio lan coo.

Tɔŋ lasálàá 23:20

Vana-solia-lasálàá cua pɛ bulu nda toosiaa kon a tumbu tasoo-o, o heelu ndu coo, o tosa falennde ya o hɔl a cɔlua kan latulu, handɔɔ niko saa téndéa ŋiɔnda lecoo. Ɲɛm dindin le Mɛlɛka mí n siŋnun teengen-ndon co mun ni. N cuu pɛ dindin lende ya Mɛlɛka o hɔl, mì n siŋnun teengen, vana-solia-lasálàá cua mun le ndu pila.

Kundalan 5:9

Ɲɛ-ɲɛ Israɛlla faŋa pɛ o ɲɛm diandan nda yɔ̀ngù vana-solia-lasálàá le sálàá solio-on coo, le vana-solia-lasálà kon ɲɛ kon co ni.

Tɔŋ miingua 18:1

«Leviaa-solia-lasálàá a vanaa tɔ̀a fula o polale Levii len nin-nda sɔlanin kɛ́ layondo maa Israɛlaa tɔ̀a le. A ɲɛm vannda vanin yɔngoo le Mɛlɛka sálàlan solullo-on a á ɲɛm vanin le Mɛlɛka-on nda vanin baloo dɔwnɔnndo ni.

2Masaa 12:16

Hɔlte ve bɛɛ vanaa ndáà yɔngu volion le vanaa baalaa salaa-a kɔɔli le, kani a kɔl sandaa nda va dɛnɛ kon tosaa ni.

2Dɛnnda lemasalan 31:5

Sɔɛi ken diminndo dɔ́ɔ́, mí Israɛlla yɔngu ɲɛm tasen nda sɔla o tɔlɔɔlan nin-ndon taw: maalon, mɔiyan, cuɛiyan, lɛan a ɲɛm vaan celen. Má hun vɛlɛ a o-tɔ́ndɔ ɲɛ-ɲɛ ndáà sɔla kpow.