Kundalan 18:2 - BII BILA

² Sɔɔngun puapilɛa nɔmnda ikɛi, a niaa fula latulu o polale fuɲa niaa mamaa Levii len nin-nda, mì nda va nɔm malaa niaa cuavaa nɔmaa imamaa o vallo nin, vali niaa vanin tosaa o cɛi-kola-toandaa kesu kpemaa co nin-ndo sondoo-o pɛɛn.

Kundalan 18:2 Referans Kwoze

O Kandɔɔ 29:34

Mó cua vɛlɛ folio, mó vialu hɔ́ɔ́ piaandoo. Mó dimi aa: «O laan ndu, pɔnɔ nuu co ya holnɔn. Kani i vilul ndu hɔ́aa piaandua nda yáá.» Lelan, mó ke ndu diolan aa Levii (velanndo pila diola lan la velan a dimio ni aa: O holnun).

Esekiɛl 44:15

Kɛ leviaa-solia-lasálàá fula o polale Sadɔk len nin-nda, a landu hɔlla o vali cɛi-kola-toandaa diandaa nuu coo telen Israɛlla va laasianndo ya levil-lo-a, nda nda vanin sɔɔnguuo ya ikɛi le vaa o vali nuu nin. A vanin simndan ya (Mɛlɛka) o hɔl le ya visin macuɛiyon a kooma cɔlua sálàá cɔmndo. Ya Maalii, ya co Mɛlɛka-o soo nuaa ni.›»

2Dɛnnda lemasalan 30:16

Má muungu o baala ndaa nin maa paandu, mɛɛ tɔŋ Moise, vana baala Hala-o co yɛ. Mí vanaa-solia-lasálàá va kooma leviia va cɔlua sálàá solio-an biyɔɔ nda o ba, má va man fasaŋiaa.

Kundalan 18:4

À vanin nɔm o ba bɛngu mà va valta bɛnda le tosaa lan tosaa o cɛi-kola-toandaa-labɔɔŋianndo nin kpow, kɛ vana celen bɛnda mò sɔɔnguu niaa ikɛi le vali kon te.

Kundalan 17:7

Kɛ telen nda va cuungianndo le nda delɔɔ coo-o, má mulin a ba cɛi-kola-toandaa-labɔɔŋianndo, má ca mí kumnde kumbu cɛi-kola-toandaa kon, mí biilu Mɛlɛka-o cɔmnun kpendekele.

Kundalan 8:22

O kon kɔɔli, má kandu niko vallo Aarɔn nda poaa ndɔa o labɛngunin o cɛi-kola-toandaa-labɔɔŋianndo nin. Má tosa a nda kpafii mɛɛ Mɛlɛka vem Moise le tosaa yɛ.

Kundalan 8:19

mí sɔaa nda Aarɔn nda poaa ndɔa o ba maa hɔlte Israɛlla tɔ̀a, haliko ma tosa vallo o diola Israɛlaa tɔ̀a o cɛi-kola-toandaa-labɔɔŋianndo nin, mà va vali baŋaa tosaa le nda. O kon, kpundɛ tul lɛ Israɛlla coo le sɔɔnguuo o Cɛi-Diandaa ikɛi le.»

Kundalan 4:15

Te Aarɔn nda poaa ndɔa cii pɛ Cɛi-Diandaa a ɲɛm ndɔn laandon simbul lende, telen niaa vanin cɔnɔnndo le kɔlan-ndo, cuavaa-imamaa Kehat-a nda hun cua niko ɲɛla lan le kɔlan a lan. À bɛnda mà pilan ɲɛm diandan mun pila nuaa sakpo le, yɔŋii nda sɔla piɔ́mndo. Vali yɔngun cuavaa-imamaa Kehat-a a cɛi-kola-toandaa-labɔɔŋianndo o kɔɔ-o co kon ni.

Hebreea 9:6

Nuaa ɲɔɔ va o toosiaa ni kpede. Lepalaa-lepala, vanaa-solia-lasálàá va luɛyɔɔ o fonda tase cɛi-kola-toandaa kalaa nin le vali ndaa tosaa Hala o hɔl.

Kundalan 1:53

Leviia balunin calle o Calta Mɛlɛka la sɛbɛ kpemaa co kon nin-ndan ikɛi ni sɔ́, yɔŋii kɔl ni tuwvo tol Israɛlla coo. Leviia bɛnda ni mà tosa vallo o Calta Mɛlɛka la kpemala lan nin.»

Kundalan 3:5

Mí Mɛlɛka soaa o Moise lo, mó dimul ndu aa:

Esekiɛl 44:11

Vanaa malaa kínɛí nda co nin va o cɛi-kola-toandaa diandaa nuu nin ni, a vanin o diola bɛndula cɛi nuu le vaa vanaa cumulaa ladioa a le vallo tosaa o cɛi nuu nin. A vanin cɔlua co le sálà loamaa-a a cɔlua co le sálàla tɔ̀lan-nda bololan kiolɔɔ le vannda, o kon kɔɔli, a vanin isisi vannda o hɔl le nda baalaa tosallo.

Malasi 2:4

Ken co tosa ni mì la sina maa o niaa lo ya co sɔɛi ni, haliko mi kpema ya yiilu Levii-o lo o kɛndɛ. Ya Mɛlɛka-Nɔ-Kpaayaa-Kpow-vo dimi lende ni.