Kundalan 18:1 - BII BILA

¹ Mí Mɛlɛka dimul Aarɔn aa: «Nɔm, cuavaa-imamaa nɔmnda a vanaa fula o polale nɔmnden nin-nda, niaa cɛi-kola-toandaa diandaa co va o ba le fɛɛn a fɛɛn ni. Te biondɔnndo yɔŋnun pɛ o cɛi kalaa nin, niaa sɔɛi ken vanin o lebol ni. Handɔɔ o kon coo, te biondɔnndo yɔŋnun pɛ a vali solia lasálàá o kɔɔ, niaa sɔɛi ken vanin o lebol ni.

Kundalan 18:1 Referans Kwoze

Fulaa 28:38

haliko mi pɛngɛi ken va Aarɔn o itendu. Kon cɔm ni maa te Israɛlla tosa pɛ hakio, mà pilan ya tana o ya sálàla ndalan súúlan kpow cuuo nin, mɛɛ Aarɔn siilun hakila ndala lan. Pɛngɛi ken vanin ndu o itendu lɔ́ɔ́-lɔ́ɔ̀ ni haliko mi cɛl sálàla lan a kɔl nuu kpow.

1Piɛr 2:24

Mó cua hakila naalan o n'dial o yɔmndo coo, haliko mi n vi a ba hakio, o kon mì n muungu yoomu a ceen sandaa. Fungbula ndɔlan la tosa ni mì la sɔla siongɔɔ.

Hebreea 13:17

La bii diomnda simlacia niaa mì la tuisin nda o labɛngunin. Kani a nɔ niaa hɔlten coo le kona nda hun dɔawnunnin o Hala lo-o. Lelan te la tuei nda pɛ diom, a tosa baala ndaa a ɲaaloo, o ve a cɛɛŋɔn te, la sɔla mala oo mala o ken nin te.

Hebreea 4:15

Bolle vanaa-solia-lasálà naa n nɔ-o nɔ ɲíí nɛi. Kani fúú le, o sínà maa n nɔ kpaaya le. Kani ndu bɛɛ mó sɔla tɔɔndanndan o nɛi oo nɛi coo mɛɛ naa n co tɔɔndanndan sɔlaa yɛ, kɛ o tosa haki kɛ́-kɛ̀ le.

Esai 53:11

Lɔ́ɔ́ o ciinin sangalan ndan kpede sɔla-o, o canin ɲɛ-tengaa mò pim ca. Le sinapɛngu nda sɔlanin a ndu o kɔɔ-o, vana ni baala sandaa siinguunin vannda taw vanaa sadaa, o siilunnin tɛɛmbuula ndalan.

Esai 53:6

Naa kpow n va laasianndo nɛɛ-nɛɛ ka maa n'saa, vana-vana va kɔlan pemale ndɔ kɔɔli, kɛ mí Mɛlɛka tuisi tɛɛmbuu naa kpow ndu coo.

Kundalan 17:13

Mó sim vanaa vi-a a vanaa va vɔ yoomu-a tɛɛn, mí vannda pɛngi vuo.

Kundalan 17:7

Kɛ telen nda va cuungianndo le nda delɔɔ coo-o, má mulin a ba cɛi-kola-toandaa-labɔɔŋianndo, má ca mí kumnde kumbu cɛi-kola-toandaa kon, mí biilu Mɛlɛka-o cɔmnun kpendekele.

Kundalan 17:3

Ma cua bonyun fuusan vanaa cua haa hakio má sɔla piɔ́mndo-a-on, ma lɔɔ mun a káángoo, ma toosiaa ciliŋun bɔɔpɔn, ma kumbu fonda-loamaa-lasálàá a mun. Kani a cii mun Mɛlɛka cɔm mí n siŋnun teengen le vali ndɔɔ. Mun vanin tɔɔmaseloo le Israɛlla kanalanndo ni.»

Kundalan 14:34

La tosa palɛi belehiɔɔlu o suansuaannden nin, la sɔlanin vɛlɛ sangaa le yɔŋ vɔɔn niaa o vɔsilan belehiɔɔlu bɛngu, vɔsio pilɛ le paalen lepilɛ. Lepalaa-lepala, la co va kɔmnde yɔŋ vɔɔn niaa kiɔndɔɔ. O kon, la sinanin mɛɛ sala vana simul ya Mɛlɛka-o co yɛ.

Tɔŋ lasálàá 22:9

Vanaa-solia-lasálàá bɛnda mà bii silala nilan, yɔŋii nda cua hakio ma kɔndu dɛnɛ le ɲɛ nda diaa. Kani te a del pɛ kasi a ɲɛdiaa kon o kɔɔ, a sɔla piɔ́mndo. Ya co Mɛlɛka ni, ya kɛsi nda teengen le baala nuu ni.

Tɔŋ lasálàá 10:17

«Le yɛɛ nɛ la di visin cɔloo ho nɛɛ diandaa le? Ɲɛmahilu diandaa pila visin mun co ni. Nduyɛ Mɛlɛka yɔngu niaa cɔlu kon haliko mi la faŋa yɔŋ vɔɔn Israɛlla kpow, mì la tosa faleŋii baŋannde Mɛlɛka o hɔl le nda, mà sɔla hakio malɔɔ.

Tɔŋ lasálàá 22:16

Kani te a de pɛ ɲɛm mun telen nda bɛnda le mun dio loo, mɛɛ a del kasi bɛndu-bɛndoo. Ya co Mɛlɛka ni, ya hɛli nda mí dindi nda le baala nuu ni.›»

Kundalan 3:6

«Cua vanaa fula o polale Levii len nin-nda, ma sɔɔ nda Aarɔn vana-solia-lasálàá o ba le ndu malaa o vali kon nin.

Kundalan 16:10

Nɔm Kore a puapilɛa nɔmaa fula haa o polale Levii len nin-nda, Hala cɛl niaa le ndu sɔɔnguuo ikɛi, mí niaa va vali celen yeemaa o vali solia lasálàá kɔɔli.

Kundalan 18:11

O kon kɔɔli, a bɛnda ma bii ɲɛm nda faŋanin o ɲɛm-kéan ndan coo-on nda o ba, kon co dimio ni aa ɲɛ-ɲɛ Israɛlla solul-la sálà a faleŋii vana cɔm Mɛlɛka ɲɔɔ-e tosaa. Nɔm Aarɔn, poaa nɔmnda a cuavaa nɔmaa laandua ya yɔngu kon kpede ni. Tɔŋ vana faŋa lecoo loo co kon ni. O yungule nɔmnden nin, vanaa-vanaa va pɛ a diandaa, nda bɛnda le ɲɛm mun dioo ni.

Tɔŋ miingua 10:8

O telen kon Mɛlɛka hɛli polale Levii len le kesu kpema Mɛlɛka-o cuaa a le simndan Mɛlɛka o hɔl ni, le baala ndɔɔ tosaa a le vannda duaa dɔvɔɔ o diola Mɛlɛka lan. Lende nda co yɛ tosaa háá paalen nden ni.

Masaa kialaa n'yamaa 17:12

Mó siinguu ndu vana-solia-lasálà ndɔɔ, mó yiya ndu o ndu lo.

Esekiɛl 4:4

O kon kɔɔli, nɔm pila hini o ba mɛl nɔmndo coo, lende n siilunnin yɔŋnda vɔɔnnda cuavaa Israɛlla ni. Mɛɛ n tosanin palɛi ihini o ba mɛl kon coo yɛ, lende hakila Israɛlla la viawnin nɔm coo ni.