Kundalan 17:8 - BII BILA

⁸ Mí Moise nda Aarɔn a kɔ sim o cɛi-kola-toandaa-labɔɔŋian kon sondoo.

Kundalan 17:8 Referans Kwoze

Esekiɛl 17:24

O kon, yɔmnde yondoo nin kpede i sinanin maa ya Mɛlɛka, i bɛɛsiaa yɔmii vilɛiye, mì bɛndi yɔmii bingiei. Maa i veesiaa yɔmii kiyɛiye, mì mingi yɔmii vesɛiye i kiyɛi. Ya Mɛlɛka soo lende ni, nduyɛ i tosanin mɛɛ ya dimi yɛ.»

Kundalan 17:5

Ciliŋun mun yɔngu Israɛlla yiyanndo ni maa vana-vana co o polale Aarɔn-nden nin te, o bɛnda mò sɔɔnguu le ansan lomɔɔ Mɛlɛka o hɔl te, yɔŋii dɛnɛ palaa tol ndu coo maa Kore nda vanaa va ndu kɔɔli-a mɛɛ Mɛlɛka dimi a sondo Moise-o yɛ.

Esai 4:2

O telen kon nin, yɛyii Mɛlɛka-e naŋnin mì i sɔla biiloo, kɔmnde lɛŋnden nden le vanin volio a naŋɔɔ, hee co va dɛnɛ kɛndɔɔ ni le Israɛlla hialunnin ma lo yoomu-a.

Esekiɛl 19:14

Yinnden le fula o lɛvun ndɔn nin mí le loam lɛɛndon a kɔmnde ndɔlen, o nɔ lɛ lɛvii kàlà-kálà nɔla mì i va tinda lemasaa-e le. Condii imɔnɛi co hee ni, i vanin solinndo le mɔnɛi biyɔɔ-e.»

Condii lisai 110:2

Mɛlɛka tondunin masale nɔmnden cɔnɔnndo Siɔn, a tosanin masalen yaamɔaa nɔmaa balu nɔm-nda coo.

O Kandɔɔ 40:10

lɛwvon va o rɛsɛn kon coo mún yáá. Mó kandu dɔ́ɔ́ kuumiaa, mó yandu, mí rɛsɛŋun va o kpɔ̀nyɔ̀lan-ndon diw.

Hebreea 9:4

Ndóò nɔ fonda solia lasálà ndáà toosiaa a sianion-ndo le sálàla ansan solio. Kesu kpemaa va vɛlɛ lon, o va o yikpaa kpede a sianion. Hɛngɛi nda toosiaa a sianion-ndo va o kesu kon nin, o va o pia cá a manne, sionnde Aarɔn-nde soli peengelan-nden bɛɛ le va lenin. O kon kɔɔli, powta sɔɔn kpeman va n sɛvaa lecoo lan la va lenin.

Esekiɛl 19:12

Kɛ mí vannda sungu ndu a kɔltuwvo, má ɲindu ndu lɛŋ vuluvulu. Mí hoeyii fula a ba paalen le can-ndo-e i veesiaa kɔmnde ndɔlen, mí lɛvun ndɔn kálà-kálàn bɛɛsiaa, mí n vesan kékélé, mí yinnden le loam mun kpúlúká.

Condii kɛndɛ-kɛndɛi 2:3

«Mɛɛ yɔm pomiee co yɔmnde tɛɛn o bundɔɔ nin yɛ, lende koni vana ya kaola hoo-o co felengia piaandua tɛɛn ni. Ɲɔɔ hɛnan ya le calle o vundule ndɔlen bɛngu, kɔmnde ndɔlen le yeela ya o sondo taw.

Kundalan 16:5

O kon, mó dimul Kore a vanaa o hin-nda aa: «Siɔdii, Mɛlɛka co naa vana co vana ndɔɔ-o cɔm, o co naa vana co o diandaa le simndan ndu o hɔl-lo cɔm. O sɔɔngunnin vana o hɛlinin-ndo ndu ikɛi.

Kundalan 17:9

Mí Mɛlɛka soaa o Moise lo, mó dimul ndu aa: