Kundalan 16:9 - BII BILA

⁹ Vɛ̀ɛ̀ hɛli Hala Israɛlla hɛli niaa Israɛlaa sɛ́lɛ́a tɛɛn, mó kɛsi niaa ikɛi le ndu sɔɔnguuo o hɔl o Calta Mɛlɛka lan nin a le vallo tosaa o diola ndalan-ndo, la hini kɔl a kon te?

Kundalan 16:9 Referans Kwoze

Esai 7:13

O kon mí Esai dimi aa: «La yaŋ nilan, niaa yungu David-o! Vɛ̀ɛ̀ dɛnɛ pɔmbɔɔ kon co le niaa mì la va vanndacieea saangiaa ni? Vɛ̀ɛ̀ la yeema vɛlɛ le Hala nuu saangiaa?

Tɔŋ miingua 10:8

O telen kon Mɛlɛka hɛli polale Levii len le kesu kpema Mɛlɛka-o cuaa a le simndan Mɛlɛka o hɔl ni, le baala ndɔɔ tosaa a le vannda duaa dɔvɔɔ o diola Mɛlɛka lan. Lende nda co yɛ tosaa háá paalen nden ni.

Nehemi 12:44

«Telen pilɛ kon, má ke vannda baalaa le cɛila ndáà manda ɲɛm-kéan ndáà cua o ɲɛm vaan tason nin-ndon cumullo. Lon ndáà manda ɲɛm-kéan a o-tɔ́ndɔ ndáà soli o kɔmnde tasele latɔlɔɔle ndáà sɔla o yondoláà balu cieon pɔmbɔn-ndan nin-nden ni. Mɛɛ tɔŋndo ndóò dimi yɛ, le vanaa-solia-lasálàá a leviia ɲɛm mun va ni. Mí ɲɔɔ hɛnan vannda Yuda kpow le baala vanaa-solia-lasálàá a leviia a va tosaa-o.

1Samiɛl 18:23

Mí vanaa bɛndua va kan masaa o ba bɛngu-a kɔ tiiyal David sɔɔn mun kpow. Kɛ mí David mulul nda aa: «La laalan maa dɛnɛ bɛɛn-bɛɛn o co le vaa lefoo masaa ni? I nɔ ɲɛ le, i co ɲɛ le!»

Kundalan 16:13

A faŋa naa o lɛŋnde cɔlua a tɔlɔɔlan la naŋ nin taw-taw len nin le naa hunɔɔ diwvo o lɛŋnde veselɛilen nden nin, yee a hini vɔ kɔl a ken te? Bàà a yeema vɛlɛ ma siŋnun masaa naa coo a paa-kala?

Kundalan 3:6

«Cua vanaa fula o polale Levii len nin-nda, ma sɔɔ nda Aarɔn vana-solia-lasálàá o ba le ndu malaa o vali kon nin.

Kundalan 1:53

Leviia balunin calle o Calta Mɛlɛka la sɛbɛ kpemaa co kon nin-ndan ikɛi ni sɔ́, yɔŋii kɔl ni tuwvo tol Israɛlla coo. Leviia bɛnda ni mà tosa vallo o Calta Mɛlɛka la kpemala lan nin.»

Esekiɛl 34:18

Vɛ̀ɛ̀ niáà hini kɔl le kɔlan diólan o bil puiyaa kɛndɛ-kɛndɔɔ nin te? Vɛ̀ɛ̀ fɔ mì la nɛw vɛlɛ bil tɔ̀ lo lon-ndo a labɛngu? Vɛ̀ɛ̀ la nɔla manɔlaa kɔllo hinilan le mɛmma tengɛiyan kolɔɔ le, fɔ mì la linda matɔ̀ma lo-an a labɛngu?

2Dɛnnda lemasalan 35:3

Mó dimul leviia, á va vannda pɛɛkoo-a, á siŋnun kan teengen le baala Mɛlɛka-o-a aa: «La kɛsi kesu kpema diandaa o Cɛi-Hala Salomɔn masaa Israɛl, po David-o tangullo nin. La kɔa lɛ a ndu o lacongú le. Sisa, la tosal Mɛlɛka, Hala niaa a vanaa ndɔa Israɛlla baalaa.

2Samiɛl 7:19

Hiovɔɔ o kon coo, má ca vɛlɛ maa ɲɛ n tosa kon-ndo dɔɔnan nɔm o hɔl Maalii, Mɛlɛka. Má mulin má soaa vɛlɛ le dɛnɛ kɛndɛ yungu vana nɔm baalaa siɔdii laci. Lende tɔŋ vanacieo co ni, Maalii, Mɛlɛka.

O Kandɔɔ 30:15

Mí Lea ɲuna ndu aa: «A hini vɔ kɔl a pɔnɔ ni n puu ya hoo o ba-o le? A yeema vɛlɛ mà puu ya mandrakɔr po nuu hin-ndo o ba?» Mí Rasɛl dimul ndu aa: «Ava, mɛɛ cɔɛllɛn, la co malɔ niaa Yakɔb le mandrakɔr po nɔmndo.»

1Korɛntea 4:3

Ya ya, buulan co ya mì la kelu ya iyama, te kon te mì vanaciee kelu ya iyama le, ya pila bɛɛ i kilun iyama le.

Dɛnnda kiilaa 13:2

Paale pilɛ, a va Mɛlɛka biiloo ma va o sumndo nin, mí Hala Kɔl-Diandaa dimul nda aa: «La kɛsul-la Barnabas nda Sol landɔ le baalaa tosaa, o ya hɛli nda-o. »

Kundalan 3:9

Lelan, cua nda ma sɔɔ nda Aarɔn nda poaa ndɔa o ba. Kan bɛnda ni mà yɔngun Aarɔn, mì nda va hɔlte Israɛlaa tɔ̀a kpede.

Kundalan 16:8

Mí Moise cɔɔlu handɔɔ o ɲɛ o dimul Kore-o coo aa: «La yaŋ ya nilan ɲɛkɛndɛi, niaa fula o polale Levii len nin-nda.

Esekiɛl 44:16

Kan vanin luɛyɔɔ o cɛi-kola-toandaa diandaa nuu nin ni, nda vanin sɔɔnguuo o tabali nuu ikɛi le vaa o vali nuu nin ni, nda landunin hɔlla o vali nuu coo ni.