Kundalan 16:5 - BII BILA

⁵ O kon, mó dimul Kore a vanaa o hin-nda aa: «Siɔdii, Mɛlɛka co naa vana co vana ndɔɔ-o cɔm, o co naa vana co o diandaa le simndan ndu o hɔl-lo cɔm. O sɔɔngunnin vana o hɛlinin-ndo ndu ikɛi.

Kundalan 16:5 Referans Kwoze

Condii lisai 65:4

Tɛɛmbuula nilan la lusul bɔɔ, kɛ nɔm, a malnin naa haki.

Kundalan 17:5

Ciliŋun mun yɔngu Israɛlla yiyanndo ni maa vana-vana co o polale Aarɔn-nden nin te, o bɛnda mò sɔɔnguu le ansan lomɔɔ Mɛlɛka o hɔl te, yɔŋii dɛnɛ palaa tol ndu coo maa Kore nda vanaa va ndu kɔɔli-a mɛɛ Mɛlɛka dimi a sondo Moise-o yɛ.

Tɔŋ lasálàá 10:3

Mí Moise dimul Aarɔn aa: «Le hee Mɛlɛka ndóò dimi ni aa mɛɛ mì vanaa co ndu sɔɔnguuo ikɛi-ya sina diondɔɔ ndɔɔ, nduyɛ mà biilu ndu vannda kpow o hɔl.» Mí Aarɔn mei kpili.

2Timote 2:19

Kɛ nduyɛ, sɔɔn kpeekpeiyun Hala tɔl mì n kɛsi tumndo-on n co mun ni aa: «Mɛlɛka sínà a ndɔ-a», nduyɛ: «Vana-vana dimi pɛ maa o Mɛlɛka-o o co ni, mɛɛ o màl dɛnɛ vɔɔndo.»

Kundalan 16:3

Má kɔ balu Moise nda Aarɔn, má dimul nda aa: «N sanga a dɛnɛ niaa few! Israɛlla kpow a diandaa naa n co le Mɛlɛka ni, nduyɛ Mɛlɛka co naa kpede tɛɛn. Le kɔlɔ yɛɛ niaa niaa co yɛ cɔnnɔnndo maa niaa co vanaa bɛndua o kunda Mɛlɛka-o coo ni?»

Dɛnnda cɔɔmuanndan 1:6

o siinguu naa kunda lemasaa a vanaa-solia-lasálàá le Hala Fuɲa ndɔ-o pɛɛn. Màá biiloo a kpaayaa va le ndu le fɛɛn a fɛɛn! Amiina.

Dɛnnda kiilaa 22:14

Mó dimi vɛlɛ aa: «Hala fuɲaa naa mamaa cii nɔm hɛli, mà tosa hɛnan ndɔɔ, mà ce vana sandaa ndu pilɛ kpé, mà tuei sɔɔn co ndu pila fulaa o sondo-on.

Dɛnnda kiilaa 13:2

Paale pilɛ, a va Mɛlɛka biiloo ma va o sumndo nin, mí Hala Kɔl-Diandaa dimul nda aa: «La kɛsul-la Barnabas nda Sol landɔ le baalaa tosaa, o ya hɛli nda-o. »

Dɛnnda kiilaa 1:24

O kon kɔɔli, má piɛi Hala aa: «Maalii, a sínà yiyannda vannda kpow, cɔm vana n hɛli o vanaa ŋiɔnda ha tɛɛn

Dɛnnda kiilaa 1:2

kɔlan háá paale o hel o halataala len. Lɔ́ɔ́ o hun hel o halataala, mó yɔngu kiilaa ndɔa o hɛli-a silalan o kpaaya Hala Kɔl-Diandaa bɛngu.

Nsaŋ 15:16

O co niaa le hɛli ya le, kɛ ya hɛli niaa ni, mí kɛsi niaa, haliko mi la kɔɛ, mì la kom kullon taw, mì kulun nian lo le fɛɛn a fɛɛn. O kon ɲɛ-ɲɛ niaa ɲuna pɛ Pua o diola nilan, o yɔngu niaa ndu.

Malasi 3:18

La canin vɛlɛ hiyanndo vana kɛndɔɔ nda vana kɔlvesɛiyo tɛɛn, vana co Hala baalaa tosallo-o nda vana co Hala baala tosal too tɛɛn.

Esekiɛl 40:46

Cɛi muli hɔlla a ba luaŋ-ndo-o ndu ndu, le vanaa-solia-lasálàá co baalaa tosaa o fonda-loamaa-lasálàá coo-a o co ni. Nda co yɛ poaa Sadɔk-a ni, kani o polale Levii len coo nda hɛlin le sɔɔnguuo Mɛlɛka ikɛi le vaa vali ndɔɔ tosaa ni.

Condii lisai 105:26

O kon, mí Mɛlɛka viam Moise vana baala ndɔɔ a Aarɔn vana o hɛli-o.

1Samiɛl 2:28

A sina maa o yungula yɛ́-yɛ́la Israɛlla tɛɛn kpow, fuɲa nɔm imamaa Aarɔn yáà hɛli ni, mó va vana-solia-lasálà nuu, haliko mi ndóò va sálàlan solio o fonda-loamaa-lasálà nuu coo le ansan lomɔɔ a le ya ɲunaa o sɔɔn nin. Nda poaa ndɔa yáà ke vɛlɛ ɲɛm Israɛlla va sálàlan solio-on n'pum ni.

Fulaa 28:1

«O Israɛlla tɛɛn, ma cua Aarɔn bɛ nɔm nda poaa ndɔa, Nadab, Abihu, Eleasar a Itamar pɛɛn, mì nda sɔɔnguu nɔm ikɛi. Nda hɛlin o Israɛlla tɛɛn le siŋnɔnndo vanaa-solia-lasálàá le ya Mɛlɛka ni.

Hebreea 12:14

La kindin le vaa o kɔlɲuloo nin a vannda kpow, mì la va a diandaa. Kani te o co o dindinndo nin te, vana-vana cinin Maalii le.

Efɛsea 2:13

Kɛ sunsun, o Yeesu Krista nin, niaa vanaa va Mɛlɛka levil o tasendɔ-a, la sɔla sɔɔnguuo ndu o ibuŋ le piɔ́m ndu Krista sɔla-o.

Dɛnnda kiilaa 15:7

Mɛɛ nda viow sɛɛngianndo tei, mí Piɛr can, mó dimi aa: «Puapilɛa nia, la sina maa o co lɛhau le Hala hɛli ya niaa tɛɛn le vanaa co N'Yuifi le-a Yoongu Kɛndɔɔ tiiyallo le, haliko ma tuei, ma laalan.

Tɔŋ lasálàá 8:2

«Veelu Aarɔn nda poaa ndɔa, ma cua volɔɔla solia lasálàlan, cuɛima pɔlan, naw tova co le sálà co le hakio sɔlaa malɔɔ-o, saa kóndóa ŋiɔnda a kambɛi bulu toosian a lɛvɛn too co nin-ndo,

Fulaa 28:43

Te Aarɔn nda poaa ndɔa a va pɛ luɛyɔɔ o cɛi-kola-toandaa-labɔɔŋianndo nin, te kon te mà va le kɔlan o fonda-loamaa-lasálàá o Fonda-Diandaa nin, à bɛnda mà vownun ndan. À tosa pɛ lende, mɛɛ à delnin kasi mà sɔla piɔ́m te. Tɔŋndo co hoo le Aarɔn a polale ndɔlen ndu kɔɔli le fɛɛn a fɛɛn ni.»

Kundalan 16:6

Ɲɛ niaa bɛnda mì la tosa-o co hoo ni: nɔm Kore a vanaa nɔmnda ha, la cua bonyun fuusan o laba,

Kundalan 17:8

Mí Moise nda Aarɔn a kɔ sim o cɛi-kola-toandaa-labɔɔŋian kon sondoo.

Yeremi 30:21

O nda pila tɛɛn simlacinɔ ndaa fulanin ni. Vana pilɛ o nda tɛɛn vanin nda bollen ni. I cɛlnin mò sɔɔnguu ya ikɛi, kani te o co mì cɛl vana le, nɛ̀ɛ́ tɔɔndan yɛ yoomu ndɔɔ pisio le ya sɔɔnguuo ikɛi? Mɛlɛka dimi lende ni.

Yeremi 49:19

I vanin maa yàlá co fulaa o bɔɔ nin o peo Yurdɛn kɔngɔ le luɛyɔɔ o hèéo nin-ndo. I tosanin mì vana-vana piɔl o lepilɔɔ. O kon kɔɔli mí handu masa ya yeema-o Edɔm. Kani ɔ́ɔ̀ vana co maa ya-o? Nɛ̀ɛ́ ya downun yɛnin kona? Ɔ́ɔ̀ simlacinɔ nɔla ya simullo-o?

Yeremi 50:44

I vanin maa yàlá co fulaa o bɔɔ nin, o peo Yudɛn kɔngɔ, le kɔlan o hèéo-o. I co vannda piɔlɔɔ o lepilɔɔ sunsun, o kon mì suili masa ya yeema-o Babilɔn. Kani nɛ̀ɛ́ co yɛ maa ya? Nɛ̀ɛ́ tɔɔndan yɛ mò ɲuna ya konaa? Ɔ́ɔ̀ vana mandaa n'cɔlu nɔla ya simullo-o?

Esekiɛl 43:19

Lelan, bii naw tova téndóó ma yɔngu leviaa-solia-lasálàá, a fula o polale Sadɔk len coo-a, a co sɔɔnguuo ya ikɛi le vaa o vali nuu nin-nda, le sálà co le hakio sɔlaa malɔɔ-o solio a cɔlu kon. Diom Maalii dimi-o co kon ni, Mɛlɛka pɛɛn.

Esekiɛl 45:4

Fonda-Diandaa cuannunnin o lɛŋnde len nin-ndo vanin kon ni. Fonda kon vanin le vanaa-solia-lasálàá co vallo tosaa o cɛi-kola-toandaa diandaa nin-nda, a co sɔɔnguuo Mɛlɛka ikɛi le vaa o vali ndɔɔ nin-nda, lon cɛila ndalan la vanin ni, fonda solin sálà le cɛi-kola-toandaa diandaa-o vanin kon ni.

Fulaa 28:41

Ma vow Aarɔn bɛ nɔm a poaa ndɔa volɔɔla lan, ma pɔla nda a cuɛima diandan, ma kɛsi nda teengen, haliko ma kandu baalaa le siŋnɔnndo vanaa-solia-lasálàà nia, ya Mɛlɛka pɛɛn.

Condii lisai 115:10

Niaa yungu Aarɔn-ndo, la tiindan Mɛlɛka, ndu co niaa malaa ni, o co niaa kandaa.