Kundalan 16:3 - BII BILA

³ Má kɔ balu Moise nda Aarɔn, má dimul nda aa: «N sanga a dɛnɛ niaa few! Israɛlla kpow a diandaa naa n co le Mɛlɛka ni, nduyɛ Mɛlɛka co naa kpede tɛɛn. Le kɔlɔ yɛɛ niaa niaa co yɛ cɔnnɔnndo maa niaa co vanaa bɛndua o kunda Mɛlɛka-o coo ni?»

Kundalan 16:3 Referans Kwoze

Condii lisai 106:16

Má tambu kɔltan a Moise nda Aarɔn o dɔ́ɔ́ngɔ́ɔ̀ nin, vanaa va teengen le Mɛlɛka-a pɛɛn.

Kundalan 14:14

mí nda pila dimul vanaa co o lɛŋnden nden nin-nda maa nɔm Mɛlɛka, a co nda tɛɛn, maa kpendekele n cɔmnun nda ni, maa tindile ikumnde nɔmnden le co nda isisi laci, maa o vundule leyinnden nin n sim nda laci icɔl ni.

Fulaa 19:6

Lelan, la vanin vanaa-solia-lasálàá lemasaa a yungu diandaa kɛsin teengen le ya Mɛlɛka-o.› Sɔɔn mun n bɛnda le Israɛlla tɛɛngullo ni.»

Kundalan 16:7

mì la pei siɔdii yinnde ladɛngulten lenin cá-cá, mì la vow ansan lecoo Mɛlɛka o hɔl. Vana Mɛlɛka hɛlinin-ndo mɛɛ ndu co o diandaa le ndu ni. La hiow ba dɛ, niaa fula haa o polale Levii len nin-nda!»

Dɛnnda kiilaa 7:51

Mí Etiɛn hiaw laci a sɔɛi, mó dimul nda aa: ‹Niaa vanaa bolii kalaa ha, niaa dii haa toma o kɔlta niaalan nin te-a, la kendu bɔɔ nilan! Fuɲaa niaa niaa vel ni. La co Hala Kɔl-Diandaa simullo lɔ́ɔ́-lɔ́ɔ̀!

Dɛnnda kiilaa 7:39

Kɛ fuɲaa naa mamaa ndáà yeema mì ndáà tuei ndu diom te. Má pɛɛsa ndu, má yiyan le muungɔnndo Esipte.

Condii lisai 68:17

Nɔm pembii nɔ hee dúkúdúkùlan taw-ve, le kɔlɔ yɛɛ n co yɛ pembii Hala hɛli le calle lecoo-e paŋalaa, nɛɛ Mɛlɛka vanin icali le fɛɛn a fɛɛn-nda pɛɛn?

Ɛsdras 9:2

A yil cuavaa vanaa-mangalaa-isɔaa kan o nɔ̀lan le nda pila a le poaa ndaa. Nuaa nda bingulan yɛyii diandɛi a vanaa súúla celeŋaa co o lɛŋnde len nin-nda ni. Vanaa va vanaa tasea le dɛnɛ nɔɔlɛi kon tosaa-a yɔŋnun simlacia a vanaa bɛndua ni.›

Kundalan 35:34

La nɔ́ɔ́liàà lɛŋnde niaa vanin icali nin-nden te, ya Mɛlɛka pila bɛɛ vanin o lɛŋnde len nin, kani ya co Mɛlɛka cal Israɛlla tɛɛn-ndo ni.›»

Kundalan 16:11

Lelan niaa liiman kpungbɛi le Mɛlɛka simullo niaa kunda nɔmndo ho ni. Kani yɛɛ nɛ Aarɔn co yɛ kpeekpei le ndu simullo a sɛɛngianndo?»

Kundalan 5:3

La bɛnda mì la faŋa vanaa kan, o va vanapɔnɔ o va vanalanɔ, mì la yɛɛ nda o dɔ́ɔ́ngɔ́ɔ̀ kɔɔli, yɔŋii nda nɔɔliaa dɔ́ɔ́ngɔ́ nda kon, o ya Mɛlɛka co icali nin-ndo.»

Kundalan 23:21

O ci dɛnɛ vɔɔn o Yakɔb nin te. O ci dɛnɛ sandaa lepɛŋ o Israɛl nin te. Mɛlɛka Hala ndaa co nda ikɛi. A co ndu lisaa kpeekpei le masale ndɔlen.