Kundalan 16:1 - BII BILA

¹ Langbanɔɔ pum va diolan aa Kore, po Yisehar-o, fulaa o cuavaa-imamaa Kehat-a nin, o polale Levii len coo, mó cɛlan nda vannda nda yáá fulaa o polale Rubɛn-nden coo: Datan, Abiram po Eliab-o a Ɔn po Pelɛt-o,

Kundalan 16:1 Referans Kwoze

Yude 1:11

Dɛnɛ palaa co le nda! Kani o nɛi Kaɛn-ndo coo nda co kɔlan ni, maa mɛɛ Balaam luɛi o pɔwlan nin le tɔnɔɔ sɔlaa yɛ koni nda tosaa ni. Má sɔla piɔ́mndo le tùú nda cɛn a nila kalulan maa Koore-o.

Tɔŋ miingua 11:6

La sina mɛɛ o tosa a Datan nda Abiram yɛ, poaa Eliab-a, fulaa o polale Rubɛn-nden coo, mí lɛŋnden le tɛnda nda o labɛngunin, mí le mial nda a yungula ndalan, cɛila-kolala-toandaala ndalan a vanaa va o dúmbú pilɛ kon coo Israɛlla tɛɛn-nda kpow.

Fulaa 6:21

Poaa Yisehar-a yɔŋnun Kore, Nefɛk a Sikri ni.

Kundalan 27:3

«O lɛŋnde veselɛilen nin fuɲa naa vi ni, kɛ o ve o kunda Kore simul Mɛlɛka-o nin te. Le tɛɛmbuu ndɔ ndu pilaa o vi ni, kɛ o mɛi hɔ́ɔ́ piaandu le.

Fulaa 6:18

Poaa Kehat-a va haa ni: Amram, Yisehar, Hebrɔn a Usiɛl. Vɔsila Kehat cii yoomu o ceendo coo lan la va kɛmɛ a beleyaa a layàá.

Kundalan 15:41

Ya co Mɛlɛka ni, Hala niaa pɛɛn. Ya soli niaa o lɛŋnde Esipte len nin le vaa Hala niaa ni. Ya co Mɛlɛka ni, Hala niaa pɛɛn.›»

Condii lisai 106:16

Má tambu kɔltan a Moise nda Aarɔn o dɔ́ɔ́ngɔ́ɔ̀ nin, vanaa va teengen le Mɛlɛka-a pɛɛn.

Fulaa 6:16

Diola poaa Levii-a a polama ndan la co lan ni: Kɛrsɔn, Kehat a Merari. Vɔsila Levii cii yoomu o ceendo coo lan la va kɛmɛ a beleyaa a laŋɔmmɛw.