Kundalan 15:9 - BII BILA

⁹ la bɛnda mì la handu dɛɔ kiloo leŋɔmahiɔɔlu lecoo, dɛɛ vɔɔcan a cuɛiyan litililan layàá-o,

Kundalan 15:9 Referans Kwoze

Kundalan 28:14

Sálàla mamɔila bɛnda mì la fula a cɔlua kan latulu lan la co lan ni: mɔiyan litililan layàá le naw tovaa o pilɛ, latiɔn le saa kóndóó o pilɛ, o pilɛ a tálá le saa téndé nɔ vɔsio pilɛ-o. Sálà kandaa ipaangoo co kon ni. O vɔsio kpow nin, sálà kon niaa bɛnda ni mi la va solio o ipaangu oo ipaangu kandɔɔ.

Kundalan 28:12

Naw tova oo naw tova bɛnda mò solin sálà a dɛɛ vɔɔcan a cuɛiyan-ndo kiloo leŋɔmpum, saa kóndóó bɛnda mò solin sálà a dɛɛ vɔɔcan a cuɛiyan-ndo kiloo leŋɔmpum,

Tɔŋ lasálàá 14:10

O paale ŋɔmaandɔlen, o bii saa kóndóa téndéa nɔ lenamta le-a nda ŋiɔn, saa téndé laandu nɔ lenamta loo, o nɔ vɔsio pilɛ-o, kpeyan vɔɔcan a cuɛiyan-ndo kiloo leŋɔmahiɔɔlu, a cuɛiyan litili táláá.

Tɔŋ lasálàá 6:14

A bɛnda mà toŋ ndu a cuɛiyan o kpɛɛnɛi nin. Mà yimiyimi dɛɛ toaŋaa sálà cun kɛndɛ kon bungan, mà hun yɔngu ya Mɛlɛka ndu.

Yɔɛl 2:14

Nɛ̀ɛ́-nɛ̀ sina yɛ te Mɛlɛka muungunin mò mangala yiyanndo le? Nɛ̀ɛ́ sina yɛ te o mɛinin duaa ndu kɔɔli mì la nɔla le Mɛlɛka Hala niaa sálàla kpeyanndan a sálàla mamɔilan solullo le?

Yɔɛl 1:9

Sálà kpeyanndo a sálà mamɔiyo co lɛ solin o Cɛi-Mɛlɛka-o nin te. Lelan, vanaa nia baalaa, a co vanaa-solia-lasálàá-a co o mɔnɛi nin taw.

Esekiɛl 46:15

Idii oo idii a cuanin saa téndóó o pilɛ, kpeyanndo a cuɛiyan, má soli sálà loamaa co le fɛɛn a fɛɛn-ndo a ɲɛm mun.

Esekiɛl 46:11

O palɛi lakafoei a o palɛi bɔɔŋiannda bɛnduei coo, sálàá solinnin a maalon kiloo beleyaa le naw tovaa o pilɛ, kiloo beleyaa le saa kóndóó, a ɲɛ o yeemanin le sálàá solio a saa téndéa latulu-o. O bɛnda vɛlɛ mo yɔngu cuɛiyan litililan laŋɔmpum le maalon kiloo beleyaa.

Esekiɛl 46:7

O bɛnda mò yɔngu maalon kiloo beleyaa le sálàá solio a naw tovaa latulu, mò yɔngu vɛlɛ ɲɛ o yeemanin le sálàá solio a saa téndéa latulu-o, mò handu vɛlɛ cuɛiyan litililan laŋɔmpum lecoo le kpeyan pani beleyaa-o.

Esekiɛl 46:5

O bɛnda mò yɔngu maalon kiloo beleyaa le saa kóndóó pilɛ, a ɲɛ o yeemanin le handɔɔ o saa téndéa coo le sálà n'mallo solio-o. O yɔngunin cuɛiyan litililan laŋɔmpum le maalon kiloo beleyaa.

Esekiɛl 42:13

Mí langbanɔ kon dimul-la aa: «Cɛila pɔmbɔla leninnda co lan a maluaŋ-ndan a cɛila pɔmbɔla leninnda co lan a ba too o fonda connun fondo-o laci lan, cɛila diandaalan la co ni, lon vanaa-solia-lasálàá, a co sɔɔnguuo Mɛlɛka ikɛi-ya vanin ɲɛm dian diandaa-diandan dioo ni. Lon nda vanin ɲɛm diandaa-diandan, sálàla kpeyanndan, visin cɔlu sálà co le hakio sɔlaa malɔɔ-o-on a visin sálà bɛɛndiaa isɔɔn kɛsio ni, kani o diandaa fonda kon co ni.

Nehemi 10:33

Mí naa pila n kialu le voliei támáá o pilɛ, o nɔ kalamulan tan hiɔɔlu-o yɔngoo o vɔsio nin le baala Cɛi-Hala naa.

1Dɛnnda lemasalan 21:23

Mí Ɔrnan mulul David aa: «Vana bɛndoo, masa nuu! Má cè ndu! Tosa ɲɛ hɛnan nɔm-ndo. Tofa vɔ navaa nia, i ke nɔm nda le sálà loamaa solio, i ke nɔm ɲɛla ɲaanannda soa nan-ndan le yɔmnde. Má cè vɛlɛ maalon le sálà kpeyanndo solio! I yɔngu nɔm ɲɔɔn mun kpow.»

Kundalan 29:6

Sálàla lan la handunnin o sálà loamaa solin o paangei kandɔɔ-o a o sálà mamɔi ndɔɔ coo ni. Ndu koni handunnin vɛlɛ o sálà solin lepalaa-lepala-o, o kpeyan sálà kon a o sálà ndɔ mamɔiyo coo ni, maa mɛɛ falennde co le dɛnɛ kon yɛ. Sálàla ŋɔa o yin le ya Mɛlɛka lan la co lan ni, la ya tuɛi cun mì ɲɔɔ hɛnan ya lan.»

Tɔŋ lasálàá 7:37

Tɔŋndo co kon le sálàla loamaalan, sálàla ɲɛm-vaalan, sálàla co le hakio sɔlaa malɔɔ lan, sálàla-bɛɛndiaa-isɔɔlan, sálàla-kandaa-baalalan a sálàla kɔlɲululan solio o ya Mɛlɛka lo ni.›»

Kundalan 15:8

Te naw téndóó niaa soli sálàá o ya Mɛlɛka lo ni, o va sálà loamaa, o va sálàá le yoole niaa bàá o ya Mɛlɛka lo len timbio, o va vɛlɛ sálà kɔlɲuloo,

Kundalan 15:10

a mɔima sálàn litililan layàá lecoo. Sálàla ŋɔa o yin-ndan la co lan ni, la ya tuɛi cun mì ɲɔɔ hɛnan ya lan.

1Samiɛl 1:24

Lɔ́ɔ́ Anɛɛ soli poo mɛɛlen o sondo-o, má bii naw tova vɔsila yaa-o nda pɔnɔ ndɔ, má cua kpeyanndo bɔlɔɔ pilɛ a mɔiyan hemndo ca, má kɔa a Samiɛl o Cɛi-Mɛlɛka-o nin Silo. O va vɔ o pɔmbɔ-pɔmbɔ má kɔa a ndu.