Kundalan 15:5 - BII BILA

⁵ a mɔiyan litilio pilɛ a tálá le sálà mamɔiyo solio. Sálà ɲɛm vaa kon a sálà mamɔi kon la bɛnda mì la handun o saa téndé oo saa téndé niaa vanin sálà loamaa, te kon te sálà kɔlɲuloo solio coo.

Kundalan 15:5 Referans Kwoze

Kundalan 28:14

Sálàla mamɔila bɛnda mì la fula a cɔlua kan latulu lan la co lan ni: mɔiyan litililan layàá le naw tovaa o pilɛ, latiɔn le saa kóndóó o pilɛ, o pilɛ a tálá le saa téndé nɔ vɔsio pilɛ-o. Sálà kandaa ipaangoo co kon ni. O vɔsio kpow nin, sálà kon niaa bɛnda ni mi la va solio o ipaangu oo ipaangu kandɔɔ.

Kundalan 28:7

Mì la handu vɛlɛ sálà mamɔiyo lecoo, mɔima kɛndɛ-kɛndɛan litilio o pilɛ a tálá le saa téndé tasoo, o Fonda-Diandaa nin mɔima man ma bɛnda ni mi ma yɔngun Mɛlɛka.

2Timote 4:6

Ya ya, telenndo tiiya mì vannda soli ya sálà. O lo nin ɲɛ-pɔmbɔ cobe mì faŋan o ceendo ho coo.

Filipea 2:17

Kɛ o va bɛɛ mì kooma nian ma siŋnun sálàá handɔɔ o sálà niaa co Hala solullo a laalanndo-o coo, ɲɔɔ hɛnan ya ni, mì dɔwnun ɲaale a niaa kpow latulu.

Sakari 9:17

Mbɔ̀ ɲɔɔ naŋnin bɔɔ! Ɲɔɔ yeelanin bɔɔ! Maalon tosanin mì felengia hindu, mì mɔima sɛnɛiyan ma tosa mì cuaambɔa laandua dɔwnun yálá.»

Condii kɛndɛ-kɛndɛi 1:4

Nan ya nɔm kɔɔli mì n ɲaanun. Masa nuu, luei ya o cɛi nɔm lɔlaa nin, mì n kɔ mì n dɔwnun ɲaale naa ŋiɔn. N lisanin piilianndaan hiovɔɔ mɔiyan coo. A toɲa, cuavaa laandua kaola nɔmnda nɔ dí le nɔm kaolaa.

Condii lisai 116:13

I heelunin taala kólaa coo, mì mel ndu balika.

Masaa kialaa n'yamaa 9:13

Kɛ mí rɛsɛnndo muli aa: ‹Niaa ca ko aa i mɛinin mɔima nima peì halaa a vanndacieea a ɲaaloo-an solio mì kɔ cal saangianndo masalen tosaa yɔmii celen coo baa?›

Tɔŋ lasálàá 1:10

Te o cɔlua pɔmbɔa nin vanndo soli cɔlu o ke Mɛlɛka-o ni, te saa téndóó te kon te cuin téndóó o yɔngu le sálà loamaa solio ni, o bɛnda mò yɔngu cɔlu piaandu nɔ lenamta loo.

Tɔŋ lasálàá 3:6

Te a cɔlu pɔmbɔɔ vanndo co Mɛlɛka sálà kɔlɲuloo solullo ni, o bɛnda mò hin a cɔlu nɔ lenamta loo, o va cɔlu piaandu o va laandu.

Tɔŋ lasálàá 3:7

Te a saa téndóó o hin ni, o kɔɛ a ndu Mɛlɛka o hɔl.

Kundalan 15:6

Le saa kóndóó pilɛ, la bɛnda mì la vɔɔca kpeyanndo kiloo leŋɔmpum o cuɛiyan litilan latiɔn nin,

Kundalan 15:11

Lende niaa bɛnda ni mi la soli nawvo, saa kóndóó, saa téndóó, te kon te cuin téndóó sálà.

2Dɛnnda lemasalan 29:35

Nduyɛ, sálàla loamaalan, cuɛima visin sálàla kɔlɲulon a mɔima sálàn ma va vɛlɛ sɛ́lɛ́ taw. Nuaa kaannden le muungu o Cɛi-Mɛlɛka-o nin ni.

Fulaa 29:40

A dii pɛ saa téndé tasoo idiiyo, a kɔndu kpeyanndo kiloo leyàá, o nda vɔɔca a cuɛima kɛndɛ-kɛndɛma olivean litilio pilɛ a tálá-o. O kon kɔɔli, a tala mɔiyan litilio pilɛ a tálá le sálà mamɔiyo le saa téndé oo saa téndé.

Tɔŋ lasálàá 23:13

O kon kɔɔli, la soli vɛlɛ kpeyan vɔɔcan a cuɛiyan-ndo kiloo leŋɔmpum, le ndu lomɔɔ mì tuei cun kɛndɛ kumii ndɔɛi. Mì la hin vɛlɛ a mɔiyan litilio o pilɛ a tálá.

Ɛsdras 7:17

A tiiya pɛ, a pendu navaa tovaa, saa kóndóa, saa téndéa, kpeyan bɛnda le sálàá solio a nda-o a mɔima bɛnda le sálàá solio a nda-an. O kon, a soli ɲɛm mun kpow sálà o fonda-loamaa-lasálàá coo o Cɛi-Hala niaa nin Yerusalɛm.