Kundalan 15:4 - BII BILA

⁴ la va ndu pɛ solio, la handu dɛɔ kiloo leyàá lecoo, dɛɛ vɔɔcan a cuɛiyan litilio pilɛ a tálá-o pɛɛn,

Kundalan 15:4 Referans Kwoze

Fulaa 29:40

A dii pɛ saa téndé tasoo idiiyo, a kɔndu kpeyanndo kiloo leyàá, o nda vɔɔca a cuɛima kɛndɛ-kɛndɛma olivean litilio pilɛ a tálá-o. O kon kɔɔli, a tala mɔiyan litilio pilɛ a tálá le sálà mamɔiyo le saa téndé oo saa téndé.

Tɔŋ lasálàá 23:13

O kon kɔɔli, la soli vɛlɛ kpeyan vɔɔcan a cuɛiyan-ndo kiloo leŋɔmpum, le ndu lomɔɔ mì tuei cun kɛndɛ kumii ndɔɛi. Mì la hin vɛlɛ a mɔiyan litilio o pilɛ a tálá.

Tɔŋ lasálàá 6:14

A bɛnda mà toŋ ndu a cuɛiyan o kpɛɛnɛi nin. Mà yimiyimi dɛɛ toaŋaa sálà cun kɛndɛ kon bungan, mà hun yɔngu ya Mɛlɛka ndu.

Tɔŋ lasálàá 2:1

«Te vanndo va pɛ hunɔɔ o Mɛlɛka lo a ɲɛm vaan le ndu sálàá solullo, o bɛnda mò cua kpeyanndo, mò dɔw cuɛima olivean lecoo, mò handu vɛlɛ ansan lecoo.

Tɔŋ lasálàá 14:10

O paale ŋɔmaandɔlen, o bii saa kóndóa téndéa nɔ lenamta le-a nda ŋiɔn, saa téndé laandu nɔ lenamta loo, o nɔ vɔsio pilɛ-o, kpeyan vɔɔcan a cuɛiyan-ndo kiloo leŋɔmahiɔɔlu, a cuɛiyan litili táláá.

Hebreea 13:16

La pɔɛɛnun kɛndɛi tosaa a maalianndo vellaa-velle le, kani sálàla vaa lende la hɛnan Hala ni.

Rɔmnda 15:16

haliko mi va vana baala Yeesu Krista-o vanaa co n'yuif le-a tɛɛn. Kɛndɛi yɔngun ya le vannda Yoongu kɛndɔɔ tiiyallo, haliko mi vanaa co n'yuif le-a siŋnun sálà hɛnan Hala-o, sálà Kɔl-Diandaa dindi-o.

Malasi 1:11

Kandɔɔ ba paalen le can-ndo, kɔlan tiiyaa háá ba le del-lo, vanaa-mangalaa-isɔɔa súúlan kpow a sina bɔɔbɔɔyɛi nii. A co ansan lomɔɔ o diola nilan a ya sálàlan solullo ɲɛm sɔvɛɔn. A toɲa, vanaa-mangalaa-isɔɔa sina bɔɔbɔɔyɛi nii. Ya Mɛlɛka-Nɔ-Kpaayaa-Kpow-vo soaa nuaa ni.

Esekiɛl 46:14

Idii oo idii, a bɛnda ma handu sálà ɲɛm vaa lecoo: kpeyanndo kiloo leŋuɛɛnu a cuɛiyan litilan latiɔn le kpeyanndo pundɔɔ. Sálà ɲɛm vaa co le Mɛlɛka-o co kon ni. Silalan ndan la co va le fɛɛn a fɛɛn.

Esai 66:20

O kon kɔɔli, a muungunin a puapilɛa niaa co o lɛŋnden nin vanaa-mangalaa-isɔɔa tɛɛn-nda nanu o soa coo, o ɲɛla ɲaanannda soa nan-ndan coo, o kutukutula nɔ kuulen lecoo lan coo, o milɛɛa coo a o ɲɔɔmɛɛa coo, mà heelu nda o pembii nii diandɛi coo Yerusalɛm. Mɛlɛka soo lende ni. A hunnin a nda maa mɛɛ cuavaa Israɛlla a hun a kpeyan sálà ndaa, o bonyii diandɛi nin o Cɛi-Mɛlɛka-o nin yɛ.

Masaa kialaa n'yamaa 9:9

Kɛ mí olivieeo mulul ndi aa: ‹Niaa ca ko aa i mɛinin cuɛima nian solio, cuɛima hɛnan man halaa a vanndacieea-an, mì kɔ cal saangianndo masalen tosaa yɔmii celen coo baa?›

Tɔŋ lasálàá 2:15

A bɛnda ma vow cuɛiyan lecoo, ma kɛsi vɛlɛ ansan lecoo. Sálà fula o ɲɛm vaan nin-ndo co kon ni.

Tɔŋ lasálàá 1:13

O tɔɔ ɲɛm co cɔlu kon o dembe-on a bɛngula ndɔlan. Vana-solia-lasálàá kon lom visin mun kpow o fonda-loamaa-lasálàá coo. Sálà loamaa co kon ni, o ya Mɛlɛka tuɛi cun mì ɲɔɔ hɛnan ya-o.

Tɔŋ lasálàá 3:7

Te a saa téndóó o hin ni, o kɔɛ a ndu Mɛlɛka o hɔl.

Kundalan 28:4

Ma soli sálà idiiyo a ò pilɛ, ma soli sálà paale delaa a o pilɔɔ.

Kundalan 28:12

Naw tova oo naw tova bɛnda mò solin sálà a dɛɛ vɔɔcan a cuɛiyan-ndo kiloo leŋɔmpum, saa kóndóó bɛnda mò solin sálà a dɛɛ vɔɔcan a cuɛiyan-ndo kiloo leŋɔmpum,

Ɛsdras 7:17

A tiiya pɛ, a pendu navaa tovaa, saa kóndóa, saa téndéa, kpeyan bɛnda le sálàá solio a nda-o a mɔima bɛnda le sálàá solio a nda-an. O kon, a soli ɲɛm mun kpow sálà o fonda-loamaa-lasálàá coo o Cɛi-Hala niaa nin Yerusalɛm.

Kundalan 29:6

Sálàla lan la handunnin o sálà loamaa solin o paangei kandɔɔ-o a o sálà mamɔi ndɔɔ coo ni. Ndu koni handunnin vɛlɛ o sálà solin lepalaa-lepala-o, o kpeyan sálà kon a o sálà ndɔ mamɔiyo coo ni, maa mɛɛ falennde co le dɛnɛ kon yɛ. Sálàla ŋɔa o yin le ya Mɛlɛka lan la co lan ni, la ya tuɛi cun mì ɲɔɔ hɛnan ya lan.»