Kundalan 15:16 - BII BILA

¹⁶ Tɔŋ pilɔɔ a sila pilɔɔ co le niaa pila a le mialaa co icali niaa o bɛngu coo-a ni.›»

Kundalan 15:16 Referans Kwoze

Fulaa 12:49

Tɔŋndo ho co le cuavaa pilacieea Israɛl, o co vɛlɛ le mialaa hin calle niaa o bɛngu coo o lɛŋnde niaalen nin-nda.»

Tɔŋ lasálàá 24:22

Kandɔɔ a vanaa hin calle Israɛlla o bɛngu coo-a, kɔ bii a Israɛlaa pilacieea, yamɛi pilɛi kpé nda bɛnda mà kilul niaa ni. Kani ya co Mɛlɛka ni, Hala niaa pɛɛn.›»

Kundalan 9:14

Te mial co icali niaa o bɛngu coo-o yeema pɛ le kafo-hiavaa-coo Mɛlɛka-o tosaa, o bɛnda mò tosa mɛɛ tɔŋndan a sɔɔn kafo kon dimin yɛ. Tɔŋ pilɔɔ kpé co le miallo a le cua pilacieo ni.›»

Kundalan 15:17

Mí Mɛlɛka soaa o Moise lo, mó dimul ndu aa:

Tɔŋ lasálàá 4:27

‹Te vana pilɛ o vanaa tɔ̀a tɛɛn tosa hakio o sina lepɛŋndo nin ni, mò tɛɛmbuu tɔŋndo pum a dɛnɛ Mɛlɛka kuuna tosaa-o, mɛɛ o siŋnun vana tɛɛmbua tɔŋndo.

Kundalan 35:15

Kobila ŋɔmpumnda lan la vanin nɛɛ viannannda le Israɛlaa kpeekpeiya, le vanaa co icali nda tɛɛn-nda a le mialaa vanin icali nda o bɛngu coo-a ni. Vana-vana sulalle fula pɛ o ba, mò dii vanacieo, o nɔla mo kɔ vionnun ndon.

Yosue 8:33

Mí Israɛlla kpow, vanaa kɔlkalua ndaa, simlacia ndaa, vanaa kialaa n'yamaa ndaa a mialaa va nda tɛɛn-nda sim vellaa-velle leviaa-solia-lasálàá o hɔl o kpengun kesu kpemaa. Mí Israɛlla táláá pilɛ va isisi a ba pembei Karisim, mí táláá pilɔɔ va isisi a ba pembei Ebal. Lende Moise vana baala Mɛlɛka-o dimi le tosaa le Israɛlla duaa dɔvɔɔ ni.

1Masaa 8:41

Te miallo, vana co Israɛlnɔ loo cɛn pɛ o lɛŋnde levil-ten nin, mò hin le tɔ́ɔ́ o tuei diola nɔmndan-ndo,