Kundalan 14:3 - BII BILA

³ Le kɔlɔ yɛɛ Mɛlɛka co yɛ naa yɔɔ ho o lɛŋnden nden nin le kɔlan piɔ́mndo sɔlaa o mɔɛi cɔwve bɛngu, mì yaamɔaa naa kɔ poondiaa laandaa naa a hɔ́aa naa? O co fisa le naa mì n muungun Esipte le?»

Kundalan 14:3 Referans Kwoze

Yeremi 9:3

Vana-vana bɛnda mò mandan a puapilɛ ndɔɔ, vana-vana co caan ndɔ toɲa dimul te, kani vana-vana co kafalan tosaa a vanndo pilɔɔ, vana-vana dimi sɔɛi kɛndɛ a caan ndɔ le.

Condii lisai 78:40

Telennda bɔɔ-bɔɔ, a va Hala simullo o lɛŋnde veselɛilen nin, má va ndu tiŋɔɔ o fondala vesɛilan.

Dɛnnda kiilaa 7:39

Kɛ fuɲaa naa mamaa ndáà yeema mì ndáà tuei ndu diom te. Má pɛɛsa ndu, má yiyan le muungɔnndo Esipte.

Fulaa 5:21

Má dimul nda aa: «Màá Mɛlɛka mɛɛndan dɛnɛ niaa tosa hoo-o, mò kilul niaa yamɛi fɔ́! Niaa, la kondul naa dɛnɛ dɛ! Niaa siinguu naa vanaa vɔɔnda Faraɔnnɔɔ nda vanaa ndɔa baalaa o hɔl ni. Mɔɔn cɔwvon niaa sɔɔ nda o ba nuaa ni le naa diwvo.»

Fulaa 16:3

Má dimul nda aa: «Àá! Ndóò naŋ mì Mɛlɛka ndóò diw naa o lɛŋnde Esipte len nin, telen naa n vannun icali o kpɛɛnɛn naan va n'piaa a vision-ndon ikɛi-yo, telen kon ɲɛdiaa vannun naa o ba taw. Kɛ mí la kɔ faŋa naa lon le hunɔɔ a naa o lɛŋnde veselɛilen nden nin, haliko mi n hun cuu vu kpow a yiaan.»

Kundalan 16:13

A faŋa naa o lɛŋnde cɔlua a tɔlɔɔlan la naŋ nin taw-taw len nin le naa hunɔɔ diwvo o lɛŋnde veselɛilen nden nin, yee a hini vɔ kɔl a ken te? Bàà a yeema vɛlɛ ma siŋnun masaa naa coo a paa-kala?

Kundalan 20:3

Má ciŋilan Moise, má dimul ndu aa: «O co fisa mí náà n vinnun telen puapilɛa naa va vuo Mɛlɛka o hɔl-lo.

Kundalan 21:5

Má soaa sɔɔn vɔɔnndon a Hala nda Moise, má dimi aa: «Le yɛɛ niaa faŋa yɛ naa o lɛŋnde Esipte len nin mí la heelu a naa le naa diwvo o lɛŋnde veselɛilen-nden nin? Kani ɲɛdiaa co nanu le, mɛmma co vɛlɛ nanu le. Hali ɲɛdiaa imɔnɔɔ ho fula nin naa iyeema.»

Tɔŋ miingua 1:39

O kon kɔɔli, mí Mɛlɛka soaa vɛlɛ o niaa lo nuaa: ‹Cuavaa niaa daama, a niaa va dimio maa yaamɔaa niaa co nda diw-va, poaa niaa sina vɔ haa sɛyanndo dɛnɛ kɛndɔɔ a dɛnɛ vɔɔndo tɛɛn te-a, nda luɛinin o lɛŋnde len nin ni. Nda ya yɔngunin nden ni, nda loonin nden ni.

Kundalan 11:20

Kɛ la co va mun dioo háá paangei ipilɛ. La lonin mun dioo háá mì n fula niaa o lamilin, mì kuisio bii niaa. Kani la ci Mɛlɛka co niaa tɛɛn-ndo ɲɛ-ɲɛ le, la cɛɛŋun ndu o lani mí la dimi aa: Le yɛɛ naa n faŋan yɛ Esipte?›»

Nehemi 9:17

Má kɛɛ diom nɔmndo biyɔɔ, má pɔɛɛnun dɛnnda kɔndɔfilta bɛndula n tosal nda lan, má kindi nilan, má dimi le muungɔnndo Esipte o cɛle ndalen nin. Kɛ nɔm, a mel nda le, kani Hala mal vana haki-o n co ni, Hala nɔ ɲííye a kɛndɛi-yo. A biwnùn, a pɛ a dɛnɛ kɛndɔɔ.

Yeremi 42:14

te la dimi pɛ aa Esipte niaa kɔanin ni, yɔŋii niaa cɔ vɛlɛ cɔwvo, yɔŋii niaa tuei vɛlɛ bulu cɔwvo sɔɛi, yɔŋii yima fofolan ma saangiaa niaa, aa lelan lon niaa co va ni,

Yeremi 42:19

Niaa vanaa tɔ̀a Yuda, diom Mɛlɛka co niaa dimullo-o co hoo ni aa: O bɛnda mì la kɔɛ Esipte le! La sinà maa i cii niaa hau tanaa hendul.