Kundalan 14:2 - BII BILA

² Má soaa sɔɔn pɔmbɔn a Moise nda Aarɔn, má dimul nda aa: «Te naa n vinnun pɛ o lɛŋnde Esipte len nin, te kon te o lɛŋnde veselɛilen nden nin, kon va fisa le naa ni.

Kundalan 14:2 Referans Kwoze

Fulaa 15:24

O kon, má soaa sɔɔn pɔmbɔn a Moise, má ɲuna aa: «Yɛɛ naa n co yɛ niko kolɔɔ?»

Fulaa 17:3

Mɛɛ kolɔɔ bii nda tei, má koŋul a Moise o sondo, má dimi aa: «Le kɔlɔ yɛɛ nɛ n faŋa yɛ naa o lɛŋnde Esipte len nin? Bàà a yeema mì n cuu vu nanu a bolola vesɛilan naa cuavaa naa a cɔlua naa kpow?»

Yude 1:16

Vanaa kan co sɔɔn pɔmbɔn dimio a vannda tɔ́ɔ́yanndan biyɔɔ, mà va kelaa o yeeman ndan vɔɔnndon coo. A nɔ lebɛɛ a vana-vana le, fɔ vana nda co tɔnɔɔ solio o n'dial-lo.

1Korɛntea 10:10

N ŋɔɔcian maa mɛɛ a pum nda tɛɛn va ŋɔɔcianndo yɛ le, mí mɛlɛkanɔ nɔ piɔ́mndo o ba-o tɛɛmbuu nda.

Yonas 4:8

Paalen kaloo, mí Hala soli hoeyii vesɛiye a kpengii paalen le can-nde. Mí paalen le tuulu Yonas bollen, mí hɔlla hiŋ ndu, mó yeema piɔ́mndo, mó dimi aa: «Piɔ́mndo co fisa le ya a yoomoo.»

Yonas 4:3

Lelan, Mɛlɛka cua yoomu nuu, kani piɔ́mndo hiow nihau ya hɛnan a yoomoo.»

Condii lisai 106:24

O kon, mí lɛŋnde kɛndɛle len le kuisin nda, a laalan sɔɔn Mɛlɛka dimi-on te.

Tɔŋ miingua 1:27

Mí la soaa sɔɔn vɔɔnndon, mí la cɛɛŋun o cɛila-kolala-toandaala niaalan nin, mí la dimi aa: ‹Le tùú Mɛlɛka nɔ nɛyɔn naa-o o soli naa o lɛŋnde Esipte len nin ni. O yeema mò vɔngul naa Amoriia o ba, mì kan cii naa diw.

Kundalan 11:15

Te nuaa n co ya biyɔɔ ni, mɛɛ o co fisa ma cua yoomu nuu. Taa tuinun ya pɛ iɲíí ma tosa lende, i ci lɛnin mɔnɛi ya luɛyɔɔ le.»

Kundalan 11:1

Paale pilɛ, mí Israɛlla cɛɛŋun Mɛlɛka o lani. Mɛɛ Mɛlɛka tuei nda cɛɛŋɔn kon, mó tuulu kɔl a nda, mó tuisi yinnden nda coo, mí le loam dɔ́ɔ́ngɔ́ɔ̀ o yondoo dangalaa.

Condii lisai 106:45

mó yiyan le kpema ndóò yiilu nda-o. Le tùú o kaola nda taw-vo, mó mangala tuu ndóò tuu kon-ndo,

SƐBƐ YƆB-O 3:11

Ko le yɛɛ nɛ kɛɛ yɛ vunnɔn kala nuu o dembe? Ko le yɛɛ nɛ ya kɛɛ yɛ vunnɔn mɛɛ yáà fula dɔ́ɔ́ kala nuu o dembe nuaa yɛ?

1Masaa 19:4

mí ndu pila niinu kɔlan kpɛŋ o lɛŋnde veselɛilen nin, mó kɔ cal o yɔmndo pum bɛngu, mó yeema piɔ́mndo, mó dimi aa: «Hee ndi hiow bɔɔ ba, Mɛlɛka! Lelan cua yoomu nuu, kani i co fisa a fuɲaa nia le.»

Hebreea 3:16

Ɔ́ɔ̀ vanaa ndáà tuei ndu kan sɔɛi kɛ má kɛɛ ndu diom-nda? Vanaa kɛ́-kɛ̀ Moise soli Esipte kpow.

Kundalan 11:5

Te n loonun pɛ a suvaa naa n va dioo fondo Esipte-a, a kɔkumbɛilan, a cai, a yaavan a á laiyon.

Kundalan 14:1

Mí Israɛlla kpow a koŋul, má lɔl caŋndo pii.

Kundalan 14:22

vanaa-vanaa ce haa biilu nuu a sɔɔn kaaman ya tosa o lɛŋnde Esipte len nin a o lɛŋnde veselɛilen nin-ndon, a kon kpede, má tɔɔndan ya bɛmbɔɔ tɔ́, má kɛɛ le sɔɛi nii biyɔɔ-a,

Kundalan 16:13

A faŋa naa o lɛŋnde cɔlua a tɔlɔɔlan la naŋ nin taw-taw len nin le naa hunɔɔ diwvo o lɛŋnde veselɛilen nden nin, yee a hini vɔ kɔl a ken te? Bàà a yeema vɛlɛ ma siŋnun masaa naa coo a paa-kala?

Kundalan 20:3

Má ciŋilan Moise, má dimul ndu aa: «O co fisa mí náà n vinnun telen puapilɛa naa va vuo Mɛlɛka o hɔl-lo.

Kundalan 20:4

Le kɔlɔ yɛɛ niaa hin yɛ a kunda Mɛlɛka-o o lɛŋnde veselɛilen nden nin? Vɛ̀ɛ̀ le naa diwvo a cɔlua naa niaa hin a naa ni?

Kundalan 21:5

Má soaa sɔɔn vɔɔnndon a Hala nda Moise, má dimi aa: «Le yɛɛ niaa faŋa yɛ naa o lɛŋnde Esipte len nin mí la heelu a naa le naa diwvo o lɛŋnde veselɛilen-nden nin? Kani ɲɛdiaa co nanu le, mɛmma co vɛlɛ nanu le. Hali ɲɛdiaa imɔnɔɔ ho fula nin naa iyeema.»

Condii lisai 106:25

Má muungu sɔɔn pɔmbɔn dimio o dɔ́ɔ́ngɔ́la ndalan nin, má kɛɛ le sɔɛi Mɛlɛka-e biyɔɔ.

Fulaa 14:11

O kon kɔɔli, má mululun Moise, má dimul ndu aa: «Sɛila bɔɔ la co macoaa Esipte le? Le yɛɛ nɛ n hin yɛ a naa le piɔ́mndo sɔlaa o lɛŋnde veselɛilen nden nin? Le kɔlɔ yɛɛ n soli yɛ naa o lɛŋnde Esipte len nin?

Kundalan 17:6

Diimandɔɔ, mí sɛ́lɛ́ Israɛlla kpow a tambu kɔl a Moise nda Aarɔn, má va dimio aa: «Niaa diw yungu Mɛlɛka-o ni.»

Kundalan 20:2

Mɛmma kolaama ve lon te, mí Israɛlla cuungian, má simul Moise nda Aarɔn.

Tɔŋ miingua 9:23

Mɛɛ Mɛlɛka ndóò yeema le niaa faŋaa Kadɛs-Barnea, mó dimul niaa aa: ‹La kɔ! La kɔ hiɔlu lɛŋnde ya ke niaa len.› Kɛ mí la kɛɛ Mɛlɛka Hala niaa diom, la laalan ndu le, la yeŋ nilan o sɔɛi ndɔɛi le.