Kundalan 12:8 - BII BILA

⁸ Kpendekele ya soaa o ndu lo ni, vakpa o ca ya ni. I suu o ndu lo o levundu nin te. Le yɛɛ nɛ mí la vesa hɔlla mí la soaa sɔɔn pɔmbɔn a vana ni baalaa Moise?»

Kundalan 12:8 Referans Kwoze

Tɔŋ miingua 34:10

O Israɛlla tɛɛn, vana-tɛɛngaa-diom Hala oo vana-tɛɛngaa-diom Hala ndóò sulan a Moise le. Ndu ndu, sakpo Mɛlɛka va suukanndo a ndu ni.

1Korɛntea 13:12

Hau, n co dɛnndan cɔu yifidii maa o tofan nin, kɛ o kon kɔɔli, n cannannin kpendekele. Sunsun, ɲɛ-pɔmbɔ ya sínà ni, kɛ telen co hunɔɔ tiiya, mì n sínà kpow mɛɛ nda sínà ya yɛ.

Fulaa 33:23

I hiow pɛ, i faŋa baa o soondo coo, a koma cɔ ya mundoo. Kɛ vana-vana nɔla mo ce ya hɔlla le.»

Fulaa 33:11

Kpendekele Mɛlɛka ndóò soaa o Moise lo ni mɛɛ vanacieo suukan nda vanacieo nuaa yɛ. Ndáà cii pɛ, Moise ndóò muungu o dɔ́ɔ́ngɔ́ɔ̀ nin. Kɛ vana ndɔ malaa, ó va Yosue po Nun-ndo-o, ndóò faŋan o cɛi-kola-toandaa-labɔɔŋian kon nin te.

Luke 10:16

Mí Yeesu dimul vɛlɛ kaandeŋaa ndɔa aa: «Vana-vana tuei pɛ niaa diom, mɛɛ ya o tuei diom ni, vana kɛɛ pɛ niaa, mɛɛ ya o kɛɛ ni. Nduyɛ, vana-vana kɛɛ ya pɛ, mɛɛ vana vem ya-o o kɛɛ lende ni.»

Nsaŋ 15:15

I co lɛ niaa veelu aa vanaa baala le, kani vana baalaa sina ɲɛ vana ndɔ bɛndoo co tosaa-o le. Caaŋaa nia ya vanin niaa veeloo ni, kani o kɛ́-kɛ̀ ya sɔla Fuɲa nuu o ba, i cii niaa ndu cɔm.

2Piɛr 2:10

taama-taama, vanaa co yeemɛi dɛnɛ nɔɔlɛiye kiltan kɔɔli, a nɔ lebɛɛ a Mɛlɛka le-a. A hiwba nda pila laalanndo, a kendu sondolan, a nɔ isiòòn le mɛlɛkaa co o halataala-a yeowlan te.

1Timote 6:16

Ndu pilɛ kpé co yoomu le fɛɛn a fɛɛn ni. Ɲɛ-tengaa o co nin-ndo, vana-vana nɔla mà sɔɔnguu ndu ikɛi le. Vana-vana ci vɔ Mɛlɛka le, nduyɛ vana nɔla mà ce ndu le. Màá o sɔla bɛɛlen a kpaaya fɛɛn-fɛɛndo! Amiina!

2Korɛntea 3:18

Lelan, naa kola vaan-vaan co o hɔl te-a kpow, biilu Mɛlɛka-o naa n co maa tofan ni. Nduyɛ, Mɛlɛka, o co Kɔl-Hala-o cii naa mangala le vaa velan ndɔɔ, n co hiovɔɔ laci tuŋ a biiloo sɔlaa. Vali Kɔl-Hala-o co tosaa-o co kon ni.

Nsaŋ 15:24

Te yáà tosá dɛnnda vana celen nɔ̀la tosà le lan nda tɛɛn te, ndáà nɔ nin haki le. Kɛ nihau, a ce lan, o kon má kɛɛ ya naa Fuɲa nuu.

Condii lisai 17:15

Kɛ ya ya, i canin hɔlaa nɔmnda o sandei nin, tuma ya tiandunin-ndo, i tofanin nɔm háá mì pim.

Yude 1:8

A kon kpede, vanaa kan co vɛlɛ dialun ndan nɔɔliaa o yiyannda ndala fondolan nin, mà va kɛɔ le luɛyɔɔ o ba Maalii-o bɛngu, a co mɛlɛkaa yeolan.

Hebreea 1:3

Po kon co ɲɛ-tengaa biilu Hala-o ni, ndu co vundule Hala len ni. Kpaaya fula o sɔɛi ndɔɛi nin-ndo co ceendo mandaa ni. Ndóò ciiyo vanndacieea dindio le hakila ndalan, mó hel o halataala, o co Hala vana kpaayaa kpow icali o ba kɛndɔɔ coo.

1Tesalonikea 4:8

Lelan, vana-vana kɛɛ pɛ pɛɛkoo ho, o co vanaciee le o kɛɛ le, kɛ Hala, o co niaa Kɔl-Diandaa ndɔɔ keo-vo o kɛɛ lende ni.

Nsaŋ 1:18

Vana-vana ci vɔ Hala le, Hala Po pilɔɔ, o co o Fuɲaa nin-ndo, ndu cɔm vana ndu ni.

Matie 13:35

haliko mi sɔɛi vana-tɛɛngaa-diom Hala-o ndóò dimi-e ndíì peelun aa: «I kumbinin sondoo mì soo o talelan nin, mì soo a dɛnnda viannannda co kabi ceendo cɔwnun ndan o kɔɔ.»

Esekiɛl 17:2

«Po vanacieo sei, vion kaamaa, mà dimul cuavaa Israɛlla bundɛi!

Esai 46:5

A Nɛ̀ɛ́-nɛ̀ kpeekpei niaa tuu yɛnin ya, mì la siiman ndu a ya? Nɛ̀ɛ́-nɛ̀ niaa ce yɛ velan nuu o n'dial, haliko mi la tuu ya a ndu?

Esai 40:18

A Nɛ̀ɛ́-nɛ̀ niaa yeema yɛ mì la tuu Hala? A tuula yɛɛ nɛ niaa tuu yɛnin ndu?

Condii lisai 49:4

Sondo co sɔɔn kɔlkalon dimio. Kɔl nuu co yiyannda kɔlkalulan solio.

Tɔŋ miingua 4:15

«La mandan taw le niaa pila, kani la ci levundu oo levundu paale Mɛlɛka soo o niaa lo o pembei Horɛb coo o yinnden tɛɛn-nden te.

Fulaa 20:4

La selnun piɔmnda le. La tuula ɲɛ-ɲɛ le: o va ɲɛm co o halataala-on, o va ɲɛm co o lɛŋnden coo-on, o va ɲɛm co o mɛnndan nin o lɛŋnden bɛngu-on.

Kolɔsea 1:15

Yeesu co vundule Hala vana ci le len ni. Ndu co Po tasoo o ɲɛm Hala cɔw-von kpow nin ni,

Kundalan 14:14

mí nda pila dimul vanaa co o lɛŋnden nden nin-nda maa nɔm Mɛlɛka, a co nda tɛɛn, maa kpendekele n cɔmnun nda ni, maa tindile ikumnde nɔmnden le co nda isisi laci, maa o vundule leyinnden nin n sim nda laci icɔl ni.

Fulaa 34:30

Mɛɛ Aarɔn nda Israɛlla kpow a tofa ndu, má ca maa hɔlaa ndɔa co tengaa ŋɛlɛngi-ŋɛlɛngi. Má yɔŋ siòònde le sɔɔnguuo ndu ikɛi.

Fulaa 33:19

Mí Mɛlɛka mulul ndu aa: «I co nɔm naŋɔɔ nuu kei o hɔl, mì veelu diola nilan nɔm o hɔl, diola lan la co ni aa ‹Mɛlɛka›. Kani vana ya yeema pɛ le kɛndɛi tosallo, i tosal ndu kɛndɛi. Vana ya yeema pɛ le ɲííye tuinɔnndo, i tuinun ndu iɲíí.»

Hebreea 1:1

Sindɛ Hala va sɔɛi a sondo vanaa-tɛɛngaa-diom Hala-a o fuɲaa naa mamaa lo le telennda bɔɔ-bɔɔ a o nɛila yɛ́-yɛ́ coo.

O Kandɔɔ 32:30

Mí Yakɔb dimul ndu aa: «Yandi, cɔm ya diola nɔmndan.» Mí langbanɔ kon ɲuna ndu aa: «Le yɛɛ n yeema yɛ le diola nilan sinaa?» Mó dɔaw Yakɔb duaa o fonda kon.

Tɔŋ miingua 5:8

La selnun piɔmnda le. La tuula ɲɛ-ɲɛ le: o va ɲɛm co o halataala-on, o va ɲɛm co o lɛŋnden coo-on, o va ɲɛm co o mɛnndan nin o lɛŋnden bɛngu-on.

Talelan 1:6

Talelan ndan la mala le kɔlɔ talelan a sɔɔn viannanndon sinaa, le sɔɔn vanaa kɔlkalua a sɔɔn kendu bila biyɔɔ-on sinaa.

Osee 12:13

Mí Yakɔb ndóò ɲaanun lɔ́ɔ́ kon, mí ndóò kɔannun Aram, mí Israɛl tosa baalaa le lanɔɔ sɔlaa, mó manda cɔlua le lanɔɔ sɔlaa.

Fulaa 19:19

Diom buloo va hiovɔɔ laci a deŋio tuŋ-tuŋ. Moise va sɔɛi, mí Hala va ndu mulullo a diomndo maa diom letaŋ.

Kundalan 7:89

Te Moise ndóò luɛi pɛ o cɛi-kola-toandaa-labɔɔŋianndo nin le suukanndo nda Mɛlɛka, kpendekele ndóò tuɛi diomndo sɔɛi o kumbu va o handaa o kesu kpemaa coo-o coo ni. Ó mɛlɛkaa ŋiɔŋaa kanda ɲɛm Hala-on-nda tɛɛn ndóò tuɛi diom kon sɔɛi ni. O kon, mì ndáà suukan nda ndu lende.

Tɔŋ miingua 18:15

O solinin vana-tɛɛngaa-diom Hala-o niaa tɛɛn maa ya Moise, o puapilɛa niaa tɛɛn o fulanin ni. Lelan, sɔɛi ndɔɛi niaa bɛnda le yaŋnɔnndo ni.