Kundalan 12:6 - BII BILA

⁶ Mó dimul nda aa: «La yaŋ-ndɔ nilan o sɔɛi ya co niaa dimul-le. Te vana-tɛɛngaa-diom Hala-o va pɛ niaa tɛɛn, o vundulen nin ya cɔmnun ndu ni, o lɔma sɔlaan nin ya soaa o ndu lo ni.

Kundalan 12:6 Referans Kwoze

1Masaa 3:5

Mí Hala cɔmnun ndu o lɔma sɔlaan nin icɔllo Kabaɔn ndon, mó ɲuna ndu aa: «Piɛi ya ɲɛ n yeema mì ke nɔm-ndo»

O Kandɔɔ 46:2

Mí Hala soaa o ndu lo icɔllo, mó veelu ndu aa: «Yakɔb! Yakɔb!» Mí Yakɔb cɛl aa: «Yoo. I co nɔm lani.»

Luke 1:22

Ndóò fulaa, o tiwba sɔɛi o nda lo le, o kon mí vannda sina maa vundulen o kɔ cɔ o fonda-diandaa nin ni. Mó muungu sɔɛi o tuulialan nin, mó siŋnun bobonɔɔ.

Luke 1:11

O kon mí mɛlɛkanɔ Maalii-o cɔmnun Sakari, o va isisi o fonda-loamaa-lasálàá ndáà loam ansan-ndo o ba kɛndɔɔ coo.

Daniɛl 10:8

Mí lo ya pilɛ kpé, mí va vundule bɛndule len tofaa, mí kpaaya nuu cuu, mí hɔlaa nia mangalan, mí fula mayoomu.

Esekiɛl 1:1

O vɔsi beleyàándɔɔ nin, paangii hiɔɔlundɔɛi va malɔ leŋuɛɛnu, i va vanaa ndáà kɔɛ o biyɔɔ nin-nda tɛɛn o peo Kebar kɔngɔ, mí halataalaa kumbin, mí Hala cɔm ya dɛnɔɔ pum o vundulen nin.

Dɛnnda kiilaa 10:11

Mó ca halataalaa o kumbiaa: mí ɲɔɔ pum fula maa kola bɛndu, o va tolɔɔ mɛɛ vanndo bii ɲɔɔ o kpeŋun hiɔɔlon, mó va tuisio lɛŋ yɛ.

Matie 1:20

Telen o va yiyanndo a dɛnnda lan o kɔɔ-o, mí mɛlɛkanɔ Hala-o cɔmnun ndu o lɔma sɔlaan nin, mó dimul ndu aa: «Yosɛf po imama David-o, siòòŋii bii nɔm le Mari cuaa o nɔ̀u nin te, kani a kpaaya Hala Kɔl-Diandaa o cua foli hɔ́ɔ́ co ndu hoo o dembe-o ni.

Daniɛl 8:2

Vanáà ca kaa aa Suse ya va ni, kobi nda kunga a kpakio-o pɛɛn, kobi lebollo o tàndá Elam-ndo nin. Mí cannun isisi o kɔngɔ pee bɛndoo Ulai.

Matie 2:19

O piɔ́m Herɔde-o kɔɔli, mí mɛlɛkanɔ Hala-o fulal Yosɛf o lɔma sɔlaan nin Esipte,

Daniɛl 7:1

O vɔsi tase Baltasar va o masalen coo Babilɔn-ndo. Daniɛl va o kpele ndɔɔ coo, mó sɔl lɔan, mó ca vunduan o yiyan ndɔɔ nin. Mó sɛva lɔma ndɔma man,

Yeremi 23:28

Vana-tɛɛngaa-diom Hala sɔl pɛ lɔma ndɔ, ndu cɔm vannda lɔma o sɔl-lan! Kɛ te i yɔngu ndu pɛ yoongoo pum, o bɛnda mò tɛɛnguu ndu lende kpafii!» Vana tuu billo a kullon te. Mɛlɛka dimi lende ni.

Condii lisai 105:15

«La pilan vanaa nia ya pɔla-a le, la tósal vanaa-tɛɛngaa-diom Hala-a nia dɛnɛ vɔɔndo le.»

Condii lisai 89:19

Kani vana nɔ naa hɔlten coo-o co nɔm o ba bɛngu. Nɔm o ba bɛngu masa naa co ni, nɔm O-Diandaa Israɛlla pɛɛn.

SƐBƐ YƆB-O 33:15

O soaa o lɔma sɔlaan nin, o vundulen nin icɔl. Tuma vanndacieea hiawnun o lɔan cundun, mà vi diallon pɛ́ o kpelela ndalan coo-o.

SƐBƐ YƆB-O 4:13

telen lɔma sɔlaan ma kela icɔl-lo, tuma diallon vu vanndacieea lɔ́ngùlɔn-ndo,

Fulaa 7:1

Mí Mɛlɛka dimul Moise aa: «Tofa vɔ, i siinguu nɔm maa hala Faraɔnnɔɔ o hɔl, mí siinguu Aarɔn bɛ nɔm vana-tɛɛngaa-diom Hala-o le nɔm.

O Kandɔɔ 20:7

Lelan, mingi ndu pɔnɔ ndɔ o ba, kani vana-tɛɛngaa-diom Hala-o pɔnɔ ndɔ kon co ni. O co ya Mɛlɛka piɛi le nɔm ma lo yoomu. Kɛ taa mingul ndu laa ndɔ le, mɛɛ sina niko maa a co piɔ́mndo sɔla niaa vanaa nɔmnda kpow.»

O Kandɔɔ 15:1

Mí Mɛlɛka cɔmnun Abram o vundulen nin, mó dimul ndu aa: «Yɔŋ isiòòn te Abram. Ya co vana kanda nɔm-ndo ni, vɔ̀ngɔ̀ nɔmndo vanin o bɔɔ.»

Dɛnnda cɔɔmuanndan 11:10

Vanndacieea co o lɛŋnden coo-a dɔawnunnin ɲaale le piɔ́m nda kon, mà tuisi kafolan, mà yɔngan ɲɔɔn vellaa-velle le tùú vanaa-tɛɛngaa-diom Hala-a ŋiɔŋaa kan a co vanndacieea co o lɛŋnden coo-a yɛɛvɔɔ dɔvɔɔ-o.

Dɛnnda cɔɔmuanndan 11:3

I viamnin seyaa nia ŋiɔnda, a vanin a volɔɔla dɛnɛ palaalan lekɔɔ, mà tɛɛnguu diom nda sɔla Hala o ba-o o palɛi vàá pilɛ kɛmɛ lediin belaŋɔmpumii (1 260) ken bɛngu.»

Efɛsea 4:11

Ndu yɔ̀ngù vannda valta yɛ́-yɛ́lan ni: ó siinguu vanaa pum kiilaa, mó siinguu a pum vanaa-tɛɛngaa-diom Hala-a. A pum vanaa yondaa-diom Hala-a, a pum vanaa mandaa n'saa, a pum vanaa pɛɛkaa.

Dɛnnda kiilaa 10:17

Piɛr lo kɔllo keeliaa o kɔlɔ vundule o ce len-nden coo, mí vanaa Kɔrnɛil vem-nda va vannda ɲuuniaa le sinaa nɛɛ cɛi Simɔn-ndo va-a, má hun sim o bɛɔ sondoo.

Luke 20:6

Kɛ te n muli vɛlɛ pɛ aa: ‹Vanndacieea vem ndu ni›, vannda kpow a co naa vii a powtan, kani a sina maa vana-tɛɛngaa-diom Hala-o Nsaŋ yɔŋnun ni.»

Matie 23:37

Mí Yeesu dimi aa: «Kpòkóó Yerusalɛm! Yerusalɛm, nɔm diw hoo vanaa-tɛɛngaa-diom Hala-a, má vii vanaa nda vim nɔm-nda a powtan-ndo! I kindin o nɛi oo nɛi coo le cuavaa nɔmnda mɔɔsiaa mɛɛ sɔɔ komsaa mɔɔsiaa cuavaa ndɔa o kumbanndan bɛngu nuaa yɛ, kɛ à cɛl te.

Matie 23:34

Lelan i co niaa vanaa-tɛɛngaa-diom Hala-a, vanaa kɔlkalua a vanaa pɛɛkaa latɔŋnda vim. La diwnin a pum, mì la baŋ a pilla o yɔmii singafilɛi coo, mì la koŋ a tɔ̀a o cɛila lekaannda niaalan nin, mì la tol nda yɛlen o kobi oo kobi nin,

Matie 23:31

La co cɔmndo o kon vakpa maa poaa vanaa diw vanaa-tɛɛngaa-diom Hala-a niaa co ni.

Matie 27:19

Pilate lo icali o fonda kialaa n'yamaa, mí laa ndɔ viam kiilaa le ndu dimullo aa: «Vow balan o sɔɛi langbanɔ tɛɛmbuu hoo isɔɔ loo nin te, kani i sanga cɛi-cɔl taw o lɔma sɔlaan nin le ndu.»

Hebreea 1:1

Sindɛ Hala va sɔɛi a sondo vanaa-tɛɛngaa-diom Hala-a o fuɲaa naa mamaa lo le telennda bɔɔ-bɔɔ a o nɛila yɛ́-yɛ́ coo.

O Kandɔɔ 28:12

Mó sɔl lɔan. O lɔma sɔlaama man nin, mó ca ɲɔɔ maa lakpáákpáá cɔnɔnndo lɛŋ mo kɔ tiiya bollen o halataala di. Mɛlɛkaa Hala-a va helɔɔ a tolɔɔ o kpáákpáála lan.

Kundalan 24:4

Ya ni, ya tuɛi sɔɔn Hala-on-ndo sɔɛi he co fulaa o sondo nuaa ni. Ya ca vundule Vana-Kpaayaa-Kpow len-ndo co sɔɛi nuaa ni. Ya dèl lɛŋ mì ca sɔɔn viannanndon ni, kani i va ndu pɛ biiloo, o cɔmnun ya.

1Samiɛl 3:15

Mí Samiɛl lo ihini háá idiiyo. O kon, mó kɔ kumbi diola Cɛi-Mɛlɛka-o. Mí siòònde bii ndu le Helii vundule o ce len dimullo.

1Samiɛl 28:6

Mó ɲuna Mɛlɛka, kɛ Mɛlɛka mulul ndu le, o mulul ndu o lɔma sɔlaa nin te, o mulul ndu o urim nin te, o suu o vanaa-tɛɛngaa-diom Hala lo le ndu sɔɛi ken dimul te few.

1Masaa 3:15

Mɛɛ Salomɔn tendu, mó sina maa lɔma sɔlaan ni. Mó muungu Yerusalɛm, mó kɔ sim o kesu kpema Mɛlɛka-o hɔl-ndɔ, mó soli sálàla loamaalan a sálàla kɔlɲululan, mó tosa vɛlɛ kafoo le vanaa ndɔa baalaa kpow.

Yeremi 23:25

Ya Mɛlɛka, i tuei ɲɛ vanaa-tɛɛngaa-diom Hala-a co dimio-o. A co dimio maa o diola nilan nda co sɔɛi ni, kɛ còòlan fúú. A co dimio aa: ‹I sɔl lɔan, i ce vundulen.›

Daniɛl 2:19

Mí dɛnɛ kaamaa kon cɔmnun Daniɛl o vundulen nin icɔllo. O kon, mó lisa Hala co o halataala-o aa:

O Kandɔɔ 28:16

Mɛɛ Yakɔb tendu, mó dimi aa: «Yàá Mɛlɛka co o fondaa ho! Ya i ve ndi sina nuaa le.»

O Kandɔɔ 37:5

Paale pilɛ, mí Yosɛf sɔl lɔan, mó cɔm bɛndaa ndɔa man. Mó nɛinun nda vɛlɛ hiovɔɔ maa paandu.

O Kandɔɔ 37:9

Paale pum, mó sɔl vɛlɛ lɔma celen, mó cɔm bɛndaa ndɔa man, mó dimul nda aa: «Mí la ce mɛɛ ya sɔl vɛlɛ lɔma celen yɛ. Mí ca paalen, paangei o loeon tɔ́ a ipilɛ tundɔnndo ya o labɛngunin.»

Tɔŋ miingua 18:15

O solinin vana-tɛɛngaa-diom Hala-o niaa tɛɛn maa ya Moise, o puapilɛa niaa tɛɛn o fulanin ni. Lelan, sɔɛi ndɔɛi niaa bɛnda le yaŋnɔnndo ni.

Tɔŋ miingua 18:18

I co nda vana-tɛɛngaa-diom Hala-o solul o puapilɛa ndaa tɛɛn maa nɔm Moise. I vownin sɔɔn nun ndu o sondo, mò tɛɛngul nda ɲɛ-ɲɛ ya dimulnin ndu le tosaa.

1Samiɛl 3:21

Mí Mɛlɛka hiaw laci a cɔmnɔnndo Silo, kani lon ndóò cɔmnun Samiɛl o sɔɛi ndɔɛi nin ni.

2Samiɛl 7:4

Kɛ icɔl kon, mí Mɛlɛka soaa o Natan ndo, mó dimul ndu aa:

Osee 12:11

I soo o vanaa-tɛɛngaa-diom Hala-a lo, mí cɔm vannda vunduan taw-taw. I soo o talelan nin a sondola vanaa-tɛɛngaa-diom Hala-a.

Yɔɛl 3:1

«O kon kɔɔli, i tuisinin Kɔl nuu vanndacieea kpow coo: poaa niaa a cuavaa niaa laandua tɛɛnguunin diom Hala-o. Kaasoŋaa yuuvɛyaa niaa sɔlnin lɔan, felengia niaa canin vunduan.

Sakari 1:8

«Cɛi icɔl, mí ca vundulen. Langbanɔɔ pum va icali o so siaŋaa coo, o va o yɔmii pɔmbɔɛi tɛɛn o kpolonndo nin, soa siaŋaa, soa pulpulla a soa humbua va isisi ndu kɔɔli.