Kundalan 12:1 - BII BILA

¹ Mí Moise ndóò cua lanɔɔ pum fulaa o lɛŋnde Kus len nin. Mí Miriam nda Aarɔn a soaa sɔɔn pɔmbɔn le lanɔ ndóò cua kon-ndo.

Kundalan 12:1 Referans Kwoze

Fulaa 2:21

Mí Moise cɛl le lou o langbanɔ kon ndo le calle nda ndu. Mí langbanɔ kon yɔngu Moise lanɔɔ, cua ndɔ óò nɔ diolan aa Sefora-o pɛɛn.

O Kandɔɔ 27:46

Mí Rebeka kɔ dimul Isaak pɔnɔ ndɔ aa: «I co a mɔnɛi a dɛnɛ cuavaa Hitiia ha. Te Yakɔb bɛɛ yil pɛ lanɔɔ o lɛŋnden nden nin, mɛɛ piɔ́m nuu bendu lɛ le.»

O Kandɔɔ 24:37

Mó mulin, mó dimul-la aa ya mɛnan maa i yilnin lanɔɔ le po ndɔ kon o cuavaa Kanannda tɛɛn te.

Kalatea 4:16

Mò va maa le toɲa ya co niaa dimullo-o ya siŋnun yaamɔɔ niaa ni?

Nsaŋ 7:5

Kani hali pɔmbɔa ndɔa ndáà laalan ndu le.

Matie 10:36

Yaamɔaa vana-vana vanin vanaa nda co cɛinin-nda ni.

O Kandɔɔ 24:3

ma mɛnan a Mɛlɛka, Hala co Masaa o halataala a o lɛŋnden coo-o, maa a yilnin po nuu lanɔɔ o cuavaa Kanaŋaa ya co haa icali tɛɛn-nda nin te.

Tɔŋ lasálàá 21:14

O bɛnda mò cua vanlaandua ha o pilɛ o nɔ̀u nin te: vanalanɔ pɔnɔ ndɔ vi-o, vanalanɔ pɔnɔ ndɔ kɛɛ-o, vanalanɔ suunda nin-ndo. Kɛ o bɛnda mò yil vanalanɔ hiw vɔ vanapɔnɔ kɔɔli loo o nɔ̀u nin o vanayan ndɔn tɛɛn,

Fulaa 34:16

Handɔɔ o kon coo, te la yii pɛ kpemaa a nda, la co cuavaa ndaa laandua yilɔɔ o nɔ̀lan le poaa niaa. Nduyɛ, cuavaa ndaa laandua lonin laasianndo o piɔmaa ndaa kan sooloo, mì poaa niaa bɛɛ a del nda kɔɔli a laasian pilɛ kon.

O Kandɔɔ 41:45

Mó ke Yosɛf diolan aa Safnat-Panea, mó ke ndu lanɔɔ, diolan Asnat, cua Poti-Fera va vana-solia-lasálàá Ɔn-ndo. Mí Yosɛf can, mó kɔa lɛŋnde Esipte len mɛɛndanndo.

Nsaŋ 15:20

La lóónun a sɔɛi ya dimul niaa-e maa buɛiyo hiw vana ndɔ bɛndoo le. Taa tol-la pɛ yɛlen, mɛɛ niaa bɛɛ a tolnin niaa yɛlen, taa bii pɛ sɔɛi nii, mɛɛ a biinin vɛlɛ sɔɛi niɛi.

Matie 12:48

Kɛ mí Yeesu mulul vana kon aa: «Nɛ̀ɛ́ co yɛ kala nuu, nɛ̀ɛ̀aa co yɛ pɔmbɔa nia?»

Fulaa 2:16

Vana-solia-lasálàá pum va o lɛŋnde Madian-nden nin, ndóò nɔ cuavaa laandua nda ŋɔmmɛw. Mí cuavaa ndɔa kan hun mɛnndan kɔndɔɔ lon le ɲɛla cɔlua kol nin-ndan peiyo le cɔlua fuɲa nda-a koesio.

Kundalan 14:22

vanaa-vanaa ce haa biilu nuu a sɔɔn kaaman ya tosa o lɛŋnde Esipte len nin a o lɛŋnde veselɛilen nin-ndon, a kon kpede, má tɔɔndan ya bɛmbɔɔ tɔ́, má kɛɛ le sɔɛi nii biyɔɔ-a,

Kundalan 16:2

le Moise simullo. Mó cua vɛlɛ Israɛlaa celen kɛmɛ lediin a beleŋuɛɛnu, bolii lapangɛi a vanaa ndáà ke bɛɛlen o kafolan coo-a vanaa kan va ni, vanaa tɔ́ɔ́-a nda va ni.

Kundalan 26:59

Mí Amram yil lanɔɔ diolan Yokebɛd, cua Levii-o, Esipte o velun ni. Mó vilul Amram cuawva nda yáá: Aarɔn, Moise a Miriam yema nda.