Kundalan 11:8 - BII BILA

⁸ Vannda va sɛŋinndo le ndu cɔwviaa, mì ndáà cui ndu a pow cuiyaa ɲɔɔ, te kon te mì ndáà cu ndu o ciei nin. Ndáà cu pɛ lende, ndáà yaw ndu o kpɛɛnɛi nin le ndu siinguuo dɛɛ toaŋaa mò yeela maa o nda toŋ a cuɛiyan-ndo.

Kundalan 11:8 Referans Kwoze

Fulaa 16:31

Mí Israɛlla ke ɲɛdiaa kon diolan aa manne (kon co dimio ni aa «Yɛɛ nɛ co yɛ hoo?»). Ndóò velan taw a kulun tɔlɔɔ koriandre, ɲɛdiaa kalaa yeelaa maa dɛɛ nda toaŋ a lɛan-ndo.

Nsaŋ 6:27

La fafala le ɲɛdiaa nɔla mò tambu-o le, kɛ la fafala le ɲɛdiaa tembu loo, o tosa mi vana va yoomu le fɛɛn a fɛɛn-ndo, o Po vanacieo kenin niaa-o, kani ndu Hala Fuɲaa sui pondale ndɔlen ni.»

Fulaa 16:23

Mí Moise dimul nda aa: «Ɲɛ Mɛlɛka dimul naa kpéŋ-kpéŋ le tosaa-o co hoo ni: siɔdii, paale pɛngiaalen le co ni. Paale pɛngiaale dindin mí le kɛsin teengen le Mɛlɛka len le co len ni. Lelan, ɲɛdiaa niaa bɛnda le toosiaa o cɛi loamaa buloo nin-ndo, la toosiaa ndu hau, ɲɛdiaa niaa bɛnda le yawvo-o, la yaw ndu hau. O niaa nɔ vɛlɛ o kon kɔɔli-o bɛɛ, la manda ndu ɲɛkɛndɛi le siɔdii.»

Nsaŋ 6:31

Fuɲaa naa de mane o lɛŋnde veselɛilen nin, maa mɛɛ o co o sɛvaa yɛ aa: ‹O ke nda ɲɛdiaa fula o halataala-o.› »

O Kandɔɔ 25:29

Paale pilɛ, Yakɔb lo kpɔɔndɔɔ yawvo, mí Esau bɛ ndɔ fula doosulen yondoo nin, mó hun. O va o sangaa yɔkɔɔ.

Kundalan 11:7

Velanndo pila manne kon ndóò velan a kulun koriandre ni, o humbu o va vɛlɛ ni maa bedeliɔm.

Kundalan 11:9

Icɔl ndóò toal latulu a mɔ́mndo o dɔ́ɔ́ngɔ́ɔ̀ nin ni.