Kundalan 11:2 - BII BILA

² Mí vannda koŋul o Moise lo. Mí Moise piɛi Mɛlɛka, mí yinnden le ɲum.

Kundalan 11:2 Referans Kwoze

Kundalan 21:7

Mí vanaa tɔ̀a hun komal Moise, má dimul ndu aa: «N cua hakio le sɔɔn vɔɔŋun naa n soo a Mɛlɛka a á nɔm-ndon. Lelan, tɛɛlun Mɛlɛka sisa mò faŋa naa kɛvaa vɔɔnda ha ikɛi.» Mí Moise piɛi Mɛlɛka le vanaa kan.

Nsaki 5:16

Lelan, la sɔlɔlan hakila niaalan vellaa-velle, mì la piɛi le niaa pila vellaa-velle, haliko mi la sɔla siongɔɔ. Piɛile kindiannde vana sandaa le nɔ kpaayaa taw.

1Nsaŋ 5:16

Te vanndo ce pɛ puapilɛ ndɔɔ haki tosa mì vana vi loo tosaa, o piɛi mì Hala ke ndu yoomoo, te o va pɛ maa lekɛ́ndɛi haki kon tosa mì vana vi le. Haki tosa mì vana vi-o co, o co le haki kon te ya co dimio le piɛilen te.

Hebreea 7:26

Yeesu co bolle vanaa-solia-lasálàà naa n nɔ makoo kpeekpei-yo ni. O co o diandaa, o nɔ isɔw le, o nɔ haki le, sɛyanndo co ndu tɛɛn nda vanaa lahakia, mí Hala heelu ndu o halataala di.

Dɛnnda kiilaa 8:24

O kon, mí Simɔn mulul Piɛr nda Nsaŋ aa: «Niaa pila piɛi Mɛlɛka le ya, haliko ɲɛ-ɲɛ niaa dimi, o yɔŋnun ya le.»

Yeremi 42:2

má dimul Yeremi aa: «Yaŋnun tɛɛlɔnnda naa n co nɔm-ndan, piɛi Mɛlɛka, Hala nɔmndo, le naa a le vanaa tɔ̀a lo-a kpow, kani n va sɛ́lɛ́ taw, kɛ n co lɛ hau a bɔɔ le, maa mɛɛ nɔm pila co cɔu nuaa yɛ koni.

Yeremi 37:3

Mí masaa Sedekia viam Yɛhukal po Selemia-o nda Sofoni po Maaseya vana-solia-lasálàá-o, o Yeremi vana-tɛɛngaa-diom Hala-o lo le ndu dimullo aa: «Piɛi Mɛlɛka, mà tɛɛlun ndu le naa.»

Yeremi 15:1

Mí Mɛlɛka dimul-la aa: «Hali Moise nda Samiɛl a tɛɛlun bɛɛ ya le nda, i cɛlnin mì tuinun vannda iɲíí le. Tow nda mà faŋa nda ya o hɔl, a kɔ!

Esai 37:4

Bɔɔle Mɛlɛka Hala nɔmndo tuei sɔɔn fula bolle vanaa yɔngù masaa mɔiyan-nda-o o sondo-on, o vana ndɔ bɛndoo, o co masaa Asiri-o vem le hunɔɔ Hala yoomaa yeowlan-ndo pɛɛn, bɔɔle Mɛlɛka Hala nɔmndo soaŋnin ndu le sɔɔn o tuei mun-ndon. Lelan, piɛi Hala le vanaa tɔ̀a lo vɔ haa yoomu-a, yandi!

Condii lisai 106:23

Mí Mɛlɛka tuu vɛlɛ le nda tɛɛmbuuo, kɛ mí Moise, vana o hɛli-o sim ndu Mɛlɛka o hɔl, mó ɲuna ndu le yiyan ndɔɔ mangalaa.

Fulaa 34:9

Mó dimi aa: «Éé Maalii, te o va pɛ maa a ce ya ɲia lekɛ́ndɛi, mɛɛ i ɲɔɔlu nɔm, cɛl mì n kɔɛ naa niaa latulu, ma va naa tɛɛn. Ya bɛɛ, i sina nihau maa vanaa lanila kalua vannda ha co ni. Kɛ mal naa haki le tɛɛmbuu naa, le hakila naa n tosa lan. Bii naa mì n va cuavaa nɔmnda.»

Kundalan 12:11

Mó dimul Moise aa: «Vana ni bɛndoo, i sina maa n siŋnun vanaa vɔɔnda. Kɛ o va bɛɛ lende, tuísì naa sanga coo le haki naa n cua o diɔmii nɛi nin-ndo le, yandi.

Kundalan 12:13

Mí Moise tɛɛlun Mɛlɛka aa: «Éé Hala! I tɛɛlun nɔm, singi ndu yandi.»

Fulaa 10:18

Mí Moise fula o Faraɔnnɔɔ lo cɛinin, mó kɔ piɛi Mɛlɛka.