Kundalan 11:10 - BII BILA

¹⁰ Yungu oo yungu va a diinannda kundaa ma va cɛɛŋɔnndo o cɛila-kolala-toandaala ndalan sondoo. Mí Moise tuɛi nda caŋndo, mí Mɛlɛka tuulu kɔl a nda taw-taw. Mí mɔnɛi bii Moise taw.

Kundalan 11:10 Referans Kwoze

Condii lisai 78:21

Mɛlɛka tueyɔɔ sɔɔn nda va mun dimio-on, mó tuulu kɔl a yungu Yakɔb-o, mó fula kɔl a Israɛlla.

Marke 10:14

Yeesu cɔu lende, mó tambu kɔllo, mó dimul nda aa: «La mal cuaambɔa pɔmbɔa hunɔɔ o ya lo, la kuuna nda le, kani le vanaa co maa nda-a masale Hala len le co ni.

Marke 3:5

O kon mí Yeesu keela nda hɔlten coo a kɔl tambɛiyo a á mɔnɛi le nila kalula ndalan, mó dimul langbanɔɔ aa: «Siɛndi baa!» Mí langbanɔɔ siɛndi baa, mí ba ndɔɔ siangun.

Yeremi 17:4

La malnin kɛ́ yáà ke niaa-o, mì siinguu niaa cɛa yaamɔaa niaa o lɛŋnde niaa sina le len nin. Yinnde niaa mɛndul-la o kɔl-ten le vanin biyɔɔ le fɛɛn a fɛɛn.»

Esai 5:25

«Le kɔlɔ kon Mɛlɛka tuulu kɔl a vanaa ndɔa ni, mó heelu ba ndɔɔ, mó lɔaa nda, mí pembon ɲiiya, mí vannda cɛɛlun, má vu, mɛɛ bil basaa va o nɛila bɛndulan demullo nuaa yɛ. Kɛ hali a kon kpow, kɔltuw Mɛlɛka-o ɲulul-lɔ le, ba ndɔɔ co vɔ o siɛndiaa le lɔɔ.

Condii lisai 139:21

Vanaa nɔ nɛyɔnndo a nɔmnda hɛnan ya le, i yeema bɛɛ mì ce vanaa co nɔm simullo-a le.

Condii lisai 106:25

Má muungu sɔɔn pɔmbɔn dimio o dɔ́ɔ́ngɔ́la ndalan nin, má kɛɛ le sɔɛi Mɛlɛka-e biyɔɔ.

Condii lisai 78:59

Hala cɔu sɔɔn mun, mó tambu kɔllo, mó kɛɛ Israɛlla few-few.

Tɔŋ miingua 32:22

Kani yinnde kɔl ni tuwvo le mɛndulun, le kɔɛ a lomɔɔ háá ciee-piɔ́m di. Le lom lɛŋnden a tɔlɔɔla co lecoo lan, le lom pembon tumndan lɛŋ di-di.

Kundalan 21:5

Má soaa sɔɔn vɔɔnndon a Hala nda Moise, má dimi aa: «Le yɛɛ niaa faŋa yɛ naa o lɛŋnde Esipte len nin mí la heelu a naa le naa diwvo o lɛŋnde veselɛilen-nden nin? Kani ɲɛdiaa co nanu le, mɛmma co vɛlɛ nanu le. Hali ɲɛdiaa imɔnɔɔ ho fula nin naa iyeema.»

Kundalan 16:27

O kon mí vannda faŋan o cɛila-kolala-toandaala Kore, Datan a Abiram-ndan ikɛi. Mí Datan nda Abiram fula, má sim o cɛila-kolala-toandaala ndalan sondoo a laandaa ndaa, a hɔ́aa ndaa a á vanayan ndan pum.

Kundalan 12:3

Nduyɛ vana tuisian bɛndoo pila Moise va ni, ndóò hiow tuisinndo a vana-vana o lɛŋnden coo.

Kundalan 11:1

Paale pilɛ, mí Israɛlla cɛɛŋun Mɛlɛka o lani. Mɛɛ Mɛlɛka tuei nda cɛɛŋɔn kon, mó tuulu kɔl a nda, mó tuisi yinnden nda coo, mí le loam dɔ́ɔ́ngɔ́ɔ̀ o yondoo dangalaa.

Kundalan 11:9

Icɔl ndóò toal latulu a mɔ́mndo o dɔ́ɔ́ngɔ́ɔ̀ nin ni.

Kundalan 11:11

Mó dimul Mɛlɛka aa: «Le yɛɛ nɛ n tosal-lɛ vana nɔm baalaa dɛnɛ vaa nuaa? Vɛ ya kɛndɛi nɔmnde tuŋɔɔ? Vɛ má siiluu ya volɔɔla vannda ha kpow o lebol le nda simndan laci?

Kundalan 12:9

Mí Mɛlɛka tuulu kɔl a nda, mó faŋan nda ikɛi, mó kɔannun.