Kundalan 11:1 - BII BILA

¹ Paale pilɛ, mí Israɛlla cɛɛŋun Mɛlɛka o lani. Mɛɛ Mɛlɛka tuei nda cɛɛŋɔn kon, mó tuulu kɔl a nda, mó tuisi yinnden nda coo, mí le loam dɔ́ɔ́ngɔ́ɔ̀ o yondoo dangalaa.

Kundalan 11:1 Referans Kwoze

Kundalan 21:5

Má soaa sɔɔn vɔɔnndon a Hala nda Moise, má dimi aa: «Le yɛɛ niaa faŋa yɛ naa o lɛŋnde Esipte len nin mí la heelu a naa le naa diwvo o lɛŋnde veselɛilen-nden nin? Kani ɲɛdiaa co nanu le, mɛmma co vɛlɛ nanu le. Hali ɲɛdiaa imɔnɔɔ ho fula nin naa iyeema.»

2Masaa 1:12

Mí Elii mulul ndu aa: «Le tùú ya co vana-tɛɛngaa-diom Hala-o-o, màá yinnden le fula o halataala mì le tol, mì le lom nɔm a n'van beleŋuɛɛnua nɔmnda!» O kon, mí yinnden le fula o halataala, mí le toal, mí le loam ndu nda n'van beleŋuɛɛnua ndɔa.

Kundalan 16:35

Mí yinnden le fula nɛɛ Mɛlɛka va-a, mí le loam n'van kɛmɛ lediin a beleŋuɛɛnua va ansan lomɔɔ-a.

Tɔŋ miingua 9:22

«Kandɔɔ Tabeera, Massa kɔ bii Kibrɔt-Hataava bɛɛ mí la tɛɛmbuu Mɛlɛka kɔllo.

Tɔŋ lasálàá 10:2

Lelan, mí yinnden le fula fɛlɛmɛndɛn nɛɛ Mɛlɛka va-a, mí le hun loam nda kpúlúká, má vu Mɛlɛka o hɔl lon.

Fulaa 16:9

O kon kɔɔli, mí Moise dimul Aarɔn aa: «Dimul Israɛlla kpow mà sɔɔnguu Mɛlɛka o hɔl, kani o tuei sɔɔn pɔmbɔn nda co sɔɛi a ndu-on.»

Yude 1:16

Vanaa kan co sɔɔn pɔmbɔn dimio a vannda tɔ́ɔ́yanndan biyɔɔ, mà va kelaa o yeeman ndan vɔɔnndon coo. A nɔ lebɛɛ a vana-vana le, fɔ vana nda co tɔnɔɔ solio o n'dial-lo.

1Korɛntea 10:10

N ŋɔɔcian maa mɛɛ a pum nda tɛɛn va ŋɔɔcianndo yɛ le, mí mɛlɛkanɔ nɔ piɔ́mndo o ba-o tɛɛmbuu nda.

Esai 30:33

Kabi lɔ́ɔ́ levil nin, bémbé iyɔmndo cuu toosiaa le ndu lomɔɔ, bémbé iyɔm kon toosian le masaa, o fonda tiilanndo nin nda ciiŋiaa bémbé iyɔm kon ni. Yɔmnde co lon taw-taw, yinnden le co nin lebɛɛndiaa len. Hoeyii fula Mɛlɛka o milin-nde mɛndulnin yinnde len mi le bii maa pee pɔmbɔ fungoo co ŋɔu nin-ndo.

Condii lisai 106:18

Mí yinnden le loam vanaa va nda kɔɔli-a, mí le cuulu vanaa yɔŋ vɔɔŋaa kan mungén.

Condii lisai 78:21

Mɛlɛka tueyɔɔ sɔɔn nda va mun dimio-on, mó tuulu kɔl a yungu Yakɔb-o, mó fula kɔl a Israɛlla.

SƐBƐ YƆB-O 1:16

O va vɔ kona kon dɔwnɔnndo, mí kiilanɔ celen hun dimul vɛlɛ Yɔb aa: «Yinnde Hala len le fula coocoo mí le del saa nɔmnda a buɛyaa nɔmnda coo, má cuulu mungén! Ya pilɛ kpé hɛlun ni, mí sɔndan le nɔm hunɔɔ yoongoo ho dimullo.»

2Samiɛl 11:27

Biisio cuvɔɔ, mí David viam vannda ndu kɔɔli. Mó cua ndu o nɔ̀u nin, mó vilul ndu hɔ́ɔ́ piaandoo. Mí Mɛlɛka tambu kɔl a David le dɛnɛ o tosa kon-ndo.

Tɔŋ miingua 32:22

Kani yinnde kɔl ni tuwvo le mɛndulun, le kɔɛ a lomɔɔ háá ciee-piɔ́m di. Le lom lɛŋnden a tɔlɔɔla co lecoo lan, le lom pembon tumndan lɛŋ di-di.

Fulaa 16:7

Nduyɛ siɔdii, la canin biilu Mɛlɛka-o vakpa. Kani ndu pila tuei niaa sɔɔn pɔmbɔn dimio a ndu. Bau yɛɛ naa naa n co yɛ mì la soo sɔɔn pɔmbɔn a naa?»

Esai 33:14

Siòònde bii vanaa lahakia o kobio Siɔn nin, vanaa vo Hala le-a ɲiiya nákà-nàkà. A co dimio aa: «O naa tɛɛn, nɛ̀ɛ́ cal-lɛnin o yinnde sal-te co len kuuliaa len ikɛi? Nɛ̀ɛ́ lo yɛnin o yelenyelen fɛɛn-fɛɛndo ho ikɛi?

Kundalan 10:33

O kon mí Israɛlla faŋan o pembii Mɛlɛka-e, má kɔa palɛi ndii yáá yɛngɛsɛɛ. O palɛi yaii ken bɛngu, kesu kpemaa va kɔlan nda laci le fonda ndáà bɛnda le dɔ́ɔ́ngɔ́ɔ̀ kilaa-o nuwviaa.

O Kandɔɔ 38:10

Mí dɛnɛ ndɔ kon nɛinun Mɛlɛka. Ndu bɛɛ mí Mɛlɛka cii yoomu ndɔɔ.

Nsaki 5:4

La tofa vɔ, sala vanvalaa kow ciɛɔn niaan-nda, o niaa kungulan coo-o, co yondaa. Nduyɛ cɛɛŋɔnnda vanaa koavaa kan la tiiyaa háá Mɛlɛka nɔ Kpaayaa-Kpow-vo o lani.

Hebreea 12:29

Kani yinnde tɛɛmbua len Hala naa co ni.

Nahum 1:5

Mɛlɛka tosa ni mì pembun bɛndon ɲiiya, mì pembun pɔmbɔn piɔsi. Ɲiiyaa lɛŋnden le ɲiiya ndu o hɔl ni, lɛŋnden a vanaa co le coo-a kpow.

Cɛɛŋɔnnda Yeremi lan 3:39

Vanacieo, a hakila ndɔlan, o co yoomu, le yɛɛ nɛ o cɛɛŋun yɛ vɛlɛ?

Tɔŋ miingua 25:18

A tosa siòòŋii Hala le, má kuel niaa o nɛi niaa va hunɔɔ coo-o coo, la va a sangaa yɔkɔɔ, niáà nɔ lɛ mayoomu le, má del vanaa mɛɛlu kɔɔli má va hunɔɔ a tindaa-a coo.

Kundalan 11:18

Vanaa tɔ̀a nda, mì nɔm Moise dimul nda aa: ‹La dindin Mɛlɛka o hɔl le siɔdii, la dianin vision. Kani la koŋul Mɛlɛka o lani mí la dimi aa: Àá! Nɛ̀ɛ́ co yɛ naa vision yɔngu le dioo! N vannun o tɔnɔ naa coo Esipte! Le hee, Mɛlɛka co niaa vision ke, mì la de.

Kundalan 14:2

Má soaa sɔɔn pɔmbɔn a Moise nda Aarɔn, má dimul nda aa: «Te naa n vinnun pɛ o lɛŋnde Esipte len nin, te kon te o lɛŋnde veselɛilen nden nin, kon va fisa le naa ni.

Kundalan 14:22

vanaa-vanaa ce haa biilu nuu a sɔɔn kaaman ya tosa o lɛŋnde Esipte len nin a o lɛŋnde veselɛilen nin-ndon, a kon kpede, má tɔɔndan ya bɛmbɔɔ tɔ́, má kɛɛ le sɔɛi nii biyɔɔ-a,

Kundalan 14:27

«Mì mal vɛlɛ vanaa lanila kalua ha ya ciŋilanndo háá lɔ́ɔ́ kuɛɛ nɛ? Kani i tuei caŋnda Israɛlla co lɔ́ɔ́-lɔ́ɔ̀ a ya ciŋilanndo lan.

Kundalan 14:28

Lelan, dimul nda aa Mɛlɛka dimi aa le mɛɛ o co yoomu yɛ, o co niaa biyɔɔ mɛɛ niaa co cɛɛŋɔnndo a ndu ciŋilanndo yɛ.

Kundalan 16:11

Lelan niaa liiman kpungbɛi le Mɛlɛka simullo niaa kunda nɔmndo ho ni. Kani yɛɛ nɛ Aarɔn co yɛ kpeekpei le ndu simullo a sɛɛngianndo?»

Kundalan 17:5

Ciliŋun mun yɔngu Israɛlla yiyanndo ni maa vana-vana co o polale Aarɔn-nden nin te, o bɛnda mò sɔɔnguu le ansan lomɔɔ Mɛlɛka o hɔl te, yɔŋii dɛnɛ palaa tol ndu coo maa Kore nda vanaa va ndu kɔɔli-a mɛɛ Mɛlɛka dimi a sondo Moise-o yɛ.

Condii lisai 78:63

Mí yinnden le loam langbaa felengia, vana-vana condu lɛ le felengia laandua le.

Esai 10:17

Ɲɛ-tengaa Israɛlla siŋnunnin yinnden, mì Hala Diandaa ndaa siŋnun yelenyelen leyinndo, yinnde len le loamnin hɛɛnndon a siɛmbullon o paalen ten pilɛ nin.

Esekiɛl 20:36

Mɛɛ ya kelu yamɛi fuɲaa niaa mamaa o lɛŋnde veselɛilen nin Esipte yɛ, lende koni ya kialunin yamɛi niɛi ni. Ya Maalii, ya co Mɛlɛka-o soo nuaa ni.

Habakuk 3:5

Nàà n'kɔnyaa co kɔlan ndu laci, nàà dialun tuwvo co fulaa o foofola bɛngula ndɔlan.

Kundalan 12:2

Má dimi aa: «Mò va maa o Moise lo koni Mɛlɛka soo ni? Naa bɛɛ o suu ma soaa o naa lo le?» Mí Mɛlɛka tuɛi sɔɔn pɔmbɔn ndan mún.