Kundalan 10:9 - BII BILA

⁹ Te la tiiya pɛ o lɛŋnde niaalen nin, mì la kuel vanaa ciŋilannin niaa a cɔwvo-a, la bɛnda mì la hɔŋ bulula niaalan a diom bɛndu-bɛndoo haliko mi ya Mɛlɛka Hala niaa loonun a niaa, mì baŋa niaa yaamɔaa niaa o ba.

Kundalan 10:9 Referans Kwoze

1Samiɛl 10:18

mó dimul nda aa: «Nuaa Mɛlɛka Hala Israɛlla dimi ni aa: ‹Ya soli niaa Esipte ni, niaa Israɛlla pɛɛn. Ya baŋa niaa Esiptea a masɛi yɛ́-yɛ́i va niaa saangiaa-e o ba ni.›»

Masaa kialaa n'yamaa 2:18

Masa kialaa n'yama oo masa kialaa n'yama Mɛlɛka ndóò simi pɛ nda laci, háá mí masa kialaa n'yama kon ndóò vi, Mɛlɛka va ndu ikɛi le nda baŋaa yaamɔaa ndaa o ba. Kani ɲííye va Mɛlɛka a nda le koŋul nda va o bɛpɛla yaamɔaa ndaa va nda tuisio coo-o bɛngu-o.

O Kandɔɔ 8:1

Mí Hala loonun a Noe a visia yondoa, visia cieeninnda a á ɲɛ-ɲɛ va Noe ikɛi o dɛ̀ndɔ̀ɔ́ nin. Mó cuu hoeyii fùkù-fùkùei o lɛŋnden coo, mí mɛnndan ma kandu velaa.

Condii lisai 106:42

Má saangiaa nda, má toal nda coo.

Condii lisai 106:4

Éé Mɛlɛka! Yiyan naa coo telen n co vanaa nɔmnda kɛndɛi tosallo-o, mala naa telen n co nda ciindiaa-o!

2Dɛnnda lemasalan 13:14

Telen Yudaa mulin-ndo, má ca maa yaamɔɔa balu nda kundalan latiɔn: yaamɔɔa pum va nda laci, a pum va vɛlɛ nda a makɔɔ. O kon má solul Mɛlɛka diomndan le nda malaa, mí vanaa-solia-lasálàá hɔŋ bululan.

Masaa kialaa n'yamaa 10:12

Sidɔnnda, Amalɛkea a Maɔnnda va niaa saangiaa, mí la caŋ ya o lani-o, vɛ̀ɛ̀ i baŋa niaa nda o ba le?

Masaa kialaa n'yamaa 10:8

Kandɔɔ o telen kon, kɔ bii háá vɔsilan tɔ́ a laŋɔmaa, vanaa kan va Israɛlaa va icali Amoriia tɛɛn o tàndá Kalaad-o nin Yurdɛn a ba paalen le can-ndo-a saangiaa a nda yɛlen tollo.

Yosue 6:5

Lɔ́ɔ́ nda hɔŋnin buloo, mí la tuei bulu kon diom taw-taw-vo, vannda kpow a yonda yonda cɔwvo. O telen kon, kpaki kobio tɛɛndiaanin, mò del. O kon, vana-vana kɔɛ ndu pila o hɔl sanaa le cɔwvo.»

Kundalan 31:6

Mí Moise viam nda kpow o cɔwvo. Mó mal nda Pineas, po Eleasar vana-solia-lasálàá kɔɔli. Pineas kon ɲɛm diandan co le vali Mɛlɛka-o-on va o ba ni, a bulula hɔŋaalan le tɔɔmaseloo yɔngoo le cɔwvo kaandɔɔ.

1Korɛntea 14:8

Te bulu cɔwvo suu válán te, nɛ̀ɛ́ toosian yɛnin le cɔwvo?

Amɔs 3:6

Vɛ̀ɛ̀ vana nɔla mì vana hɔŋ bulu cɔwvo o kobio nin, mì vanaa co o kobi kon nin-nda kɛɛ ɲiiya? Vɛ̀ɛ̀ dɛnɛ palaa nɔla mo tol o kobio coo te o co Mɛlɛka le cɛl te?

Yeremi 6:17

I kɛsi kpalilla niaa ikɛi, la yaŋ diom buloo nilan. Kɛ mí la muli aa: ‹N yɛŋnin lani le.›

Yeremi 4:21

Háá telen kuɛɛ ya va yɛnin lɛfɛ cɔwvo cɔu, mì va diom bulu cɔwvo tueyɔɔ?

Yeremi 4:19

«Éé ya, demboo! Kpòkóó ya, demboo! I co somisominndo a ɲɛ nɛyaa, kɔllo kindun ya véŋ-véŋ. I tiwba meiyo a hee le, kani i tuei bulula-hɔŋaalan diom, a yonda cɔwvo.

Yeremi 4:5

‹La yonda sɔɛi he Yuda, mì la yonda vɛlɛ ndi Yerusalɛm. La hɔŋ buloo o lɛŋnden nin, la deŋi ndi coocoo kpélén. La dimi mì vannda cuungian o kobila nɔ kpakilan ndan nin.›

Esai 58:1

Deŋi coocoo kpélén a yoomuan, mei le dɛ! Kungula diomndo maa diom bulu, mà yondal vanaa niaa le yɔŋ vɔɔn ndaa, mà cɔɔmul cuavaa Yakɔb-a hakila ndalan!

Esai 18:3

Niaa vanaa co o ceendo coo-a kpow, niaa co icali o lɛŋnden coo-a kpow, la tofa vɔ lɛfɛ nda co heeloo o pembon coo-o. La yaŋ-ndɔ nilan mì la tuei bulu co hɔŋnɔnndo-o!

Condii lisai 136:23

Mó yiyan naa coo telen vannda va naa saangiaa-o, kani kaola ndɔɔ nɔ lamɛɛlu le.

Masaa kialaa n'yamaa 6:34

Mí kɔl Mɛlɛka-o toal Sedeɔn coo, mó hɔŋ buloo le vanaa fula o polale Abiesɛr len nin-nda veeloo le ndu delɔɔ kɔɔli.

Masaa kialaa n'yamaa 6:9

Mí baŋa niaa Esiptea a vanaa va niaa saangiaa-a kpow o ba, mí toaw nda niaa laci, mí ke niaa lɛŋnde ndalen.

Masaa kialaa n'yamaa 3:27

Ndóò tiiyaa dɔ́ɔ́, mó kɔ hɔŋ buloo o pembun co o tàndá Efraim-ndo nin-ndon coo, mí Israɛlla kpow a toal o pembei coo, mó sim nda laci.

Sofoni 1:16

Paale bulu hɔŋaa a lee saa kóndóó soaanin-nden, paale len, vana tuɛinin vóólun-vóólunn cɔwvo le kobila mayoomulan a cɛila coocoolan biyɔɔ.

Osee 5:8

«La hɔŋ leo o kobio Kibea nin, mì la hɔŋ buloo o kobio Rama nin. La yonda yonda cɔwvo Bɛt-Avɛn. Niaa polale Bɛnyamɛn-nden, la caa dɛ! Kani yaamɔɔa co niaa vɔmndo a makɔɔ.

Esekiɛl 7:14

A hɔŋnin bɛɛ buloo, ɲɛ-ɲɛ vanin o bɛɛndian, kɛ vana-vana kuenin o cɔwvo le, kani kɔl ni tuwvo piɔndinin le tolɔɔ sɛ́lɛ́ nda bɛndu-bɛndoo coo.

Yeremi 6:1

Vanaa fula o polale Bɛnyamɛn-nden nin-nda, la mal Yerusalɛm mì la ɲaanun. La hɔŋ buloo Tekoa ciee, la heelu lɛfɛ cɔwvo Bɛt-Hakerɛm! Kani n co dɛnɛ palaa, a dɛnɛ vɔɔndo cɔu hunɔɔ cɔnɔnndo a ba luaŋ-ndo.

Tɔŋ lasálàá 23:24

«Soo o Israɛlla lo ma dimul nda aa: ‹Paale taselen o paangii ŋɔmmɛwndɔɛi nin, la bɛnda mì la ce len maa paale pɛngiaalen le co ni. La cɔ vɛlɛ paale len maa paale loonannden le co le niaa ni. La bɛnda mì la cuungian ɲinkon, mì la lisa ya taw-taw a bululan hɔŋndo.

2Dɛnnda lemasalan 13:12

Sisa, Hala a vanaa ndɔa baalaa co naa isisi laci, vanaa-solia-lasálàà ndɔa co naa ikɛi nanu, a co bɛɛndianndo le bululan hɔŋndo mì n del niaa coo a cɔwvo. Lelan niaa Israɛlla, la cɔ́lɔ̀ba Mɛlɛka Hala fuɲaa niaa mamaa le, kani la tiwnin ba le.»

Yeremi 49:2

Lelan sɔɛi fula Mɛlɛka o sondo-e co hee ni aa: «Paale vanin mì vannda tuei vóólun-vóólun cɔwvo Raba o kobi lebol Amɔnnda nin. Kobi kon siŋnunnin bémbélan, mà lom cieon pɔmbɔn balu ndu-on. O telen kon Israɛlla minginnin ɲɛm ndan o laba.» Mɛlɛka dimi lende ni.

Tɔŋ miingua 20:1

«Lɔ́ɔ́ niaa kɔanin o cɔwvo le yaamɔaa niaa cɔlɔbaa-o, te la ce pɛ soa ndaa, ɲɛla ɲaanannda ndala soa nan-ndan a vanaa ndaa cɔwva sɛ́lɛ́ bɛndoo hiovɔɔ a niaa coo, la yɔŋ isiòòn te. Kani Mɛlɛka Hala niaa, o soli niaa Esipte-o co niaa ikɛi.