Kundalan 10:12 - BII BILA

¹² O kon, mí Israɛlla faŋan o lɛŋnde veselɛilen Sinai nin, má bii kɔlan o pɔm-pɔmbɔ. Mí kumnde kɔ sim o lɛŋnde veselɛilen Paran nin.

Kundalan 10:12 Referans Kwoze

Kundalan 12:16

O kon kɔɔli, má faŋan o fonda kon Haserɔt lon, má kɔ kila dɔ́ɔ́ngɔ́ɔ̀ o lɛŋnde veselɛilen Paran nin.

O Kandɔɔ 21:21

Mó kɔ cal o lɛŋnde veselɛilen Paran nin. Mí kala ndɔ yil ndu lanɔɔ fulaa o lɛŋnde Esipte len nin.

Tɔŋ miingua 1:1

Sɔɔn mun Moise dimul Israɛlla kpow o peo Yurdɛn leeloo, o lɛŋnde veselɛilen nin ni. A va vɔ o dɛɛla co Suf o hɔl-ndɔ-o nin, Paran a Tofɛl tɛɛn, Laban, Haserɔt a Di-Sahab tɛɛn.

Kundalan 13:26

Má komal Moise, Aarɔn a Israɛlla kpow nɛɛ nda va icali o lɛŋnde veselɛilen Paran nin Kadɛs-a, má downun nda kona, má cɔm nda kɔmnde tɔlɔɔla co o lɛŋnde len nin-ndan.

Kundalan 13:3

O kon, mí Moise viam vannda cɔnɔnndo nɛɛ nda va icali o lɛŋnde veselɛilen Paran nin-nda, mɛɛ Mɛlɛka ndóò dimul ndu yɛ. Nda kpow simlacia Israɛlla nda va ni.

Kundalan 9:5

má tosa kafo-hiavaa-coo o lɛŋnde veselɛilen Sinai nin o paale tɔ́ a lehiɔɔlundɔlen coo o paangii tasei nin, a paale delaalen. Má tosa mɛɛ Mɛlɛka dimul Moise le tosaa yɛ.

Kundalan 1:1

O paale taselen o paangii diinndɔɛi nin, o vɔsi diinndɔɔ nin, o cɔnɔn Israɛlla cɛn Esipte-o kɔɔli, mí Mɛlɛka soaa o Moise lo o cɛi-kola-toandaa-labɔɔŋianndo nin, nɛɛ nda va o lɛŋnde veselɛilen Sinai nin-nda, mó dimul ndu aa:

Habakuk 3:3

Hala co fulaa Teman mò va hunɔɔ. O-Diandaa co fulaa o pembei Paran coo mò va hunɔɔ. Bɔɔbɔɔyɛi ndɔɛi tiw o halataala sɔ́ mí lɛŋnden le pia a biilu ndɔɔ.

1Samiɛl 25:1

A boondii ken, mí Samiɛl vu. Mí Israɛlla kpow a cuungian le biisi ndɔɔ tosaa, má kumbu ndu o ndu lo Rama. O kon kɔɔli, mí David can, mó tuusu o lɛŋnde veselɛilen Paran nin.

Tɔŋ miingua 33:2

Mó dimi aa: «Mɛlɛka cɛn Sinai mó hun. O cɛn isisi nda coo Seir, o soli pangeloo cɔnɔnndo o pembei Paran, o tiiya o vanaa ndɔa lo a mɛlɛkaa diandaa taw-taw, a ba ndɔ kɛndɔɔ, mó yɔŋ nda tɔŋndo maa leyin.

Tɔŋ miingua 1:19

«O kon kɔɔli, mí n faŋan o pembei Horɛb, mí n kei o lɛŋnde veselɛile bɛndu-bɛndule lueì len vana siòònde len nin, le niaa ce len pɛɛn. Mí n kɔa o tàndá n'pembu Amoriia nin maa mɛɛ Mɛlɛka Hala naa pila dimul naa yɛ. Mí n tiiya Kadɛs-Barnea.

Kundalan 9:1

O paangii tasei nin o vɔsi diinndɔɔ nin o faŋan Israɛlla faŋan Esipte-o kɔɔli, mí Mɛlɛka dimul Moise paale pum o lɛŋnde veselɛilen Sinai nin aa:

Fulaa 13:20

Mí Israɛlla faŋan Sukɔt, má kɔannun, má kɔ kila dɔ́ɔ́ngɔ́ɔ̀ Etam o lɛŋnde veselɛilen dangalaa.

O Kandɔɔ 14:6

Mɛɛ nda cɛn ndon, má kɔ tisa Horiia coo o pembei Seir coo. Má lo nda tovɔɔ háá má tiiya Paran, o lɛŋnde veselɛilen ikɛi.

Kundalan 9:17

Lepalaa-lepala kumii ken ndíì faŋan pɛ o cɛi-kola-toandaa-labɔɔŋian kon coo, Israɛlla ndáà puusiaa dɔ́ɔ́ngɔ́ ndaa (le hiovɔɔ laci). Fonda oo fonda ndíì kɔ sim pɛ yili, ndáà kila dɔ́ɔ́ngɔ́ ndaa lon a fondala ndala yɛ́-yɛ́lan.

Kundalan 10:33

O kon mí Israɛlla faŋan o pembii Mɛlɛka-e, má kɔa palɛi ndii yáá yɛngɛsɛɛ. O palɛi yaii ken bɛngu, kesu kpemaa va kɔlan nda laci le fonda ndáà bɛnda le dɔ́ɔ́ngɔ́ɔ̀ kilaa-o nuwviaa.

1Masaa 11:18

Má can Madian, má kei Paran, má bii vannda pum ndon, má hiaw a nda o Faraɔnnɔɔ lo, masaa Esipte pɛɛn. Mí masa kon ke Hadad cɛiyo, mó va ndu baloo dɔvɔɔ, mó ke vɛlɛ ndu yondoo.

Kundalan 2:34

Mí Israɛlla tosa ɲɛ-ɲɛ Mɛlɛka dimul Moise mó tɛɛngul nda ndu. Má kila fondala ndalan o lɛfɛla landaala ndalan bɛngu, má va kɔlan a yungulan, a kundala n'vanayalan.

Tɔŋ miingua 1:7

Lelan, la puusiaa dɔ́ɔ́ngɔ́ɔ̀ mì la kɔɛ laci. La kɔ o tàndá n'pembu Amoriia nin a o tàndàla balu lon-ndan kpow nin: dɛɛlala vesɛilan, pembon, dɛngbɛlan, tàndá co o mɛmma ihɛllan kɔngɔ-o, Nekɛv a o mɛnndan demullo. La luɛi o lɛŋnde Kanannda nin a o lɛŋnde Liban-nden nin háá o pee bɛndoo Efrate.