Kundalan 10:10 - BII BILA

¹⁰ O palɛi niɛi kɔlkɛndɛi coo bɛɛ, la bɛnda mì la hɔŋ bululan ndan: o kafola niaala lekaanndan coo, o kafola paangun sɛnɛilan coo, telen niaa soli sálàla loamaalan-ndo a telen niaa soli sálàla kɔlɲululan-ndo. Nɛiyo vanin kon le ya Mɛlɛka Hala niaa loonɔnndo a niaa o kɔɔ ni.»

Kundalan 10:10 Referans Kwoze

Condii lisai 81:3

La lɔɔ ɲɛm-caan: la lɔɔ dundoo, la lɔɔ banga diom kɛndɔɔ mì la lɔɔ bondomaa.

1Tesalonikea 4:16

Kani telenndo tiiya pɛ, n tuɛinin diomndo fulaa o halataala, mì n tuei bulu Hala-o diom, o kon mì Maalii pila tol. Vanaa vi o diola Yeesu lan-nda fɔlɔn a tendulnin ni.

Nehemi 12:35

O kon kɔɔli, mí vanaa-solia-lasálàá va bulula hɔŋaalan cuaa-a va hunɔɔ nda kɔɔli. Sakari po Yonatan-ndo, po Semaya-o, po Matania-o, po Mikaya-o, po Sakur-o po Asaf-o

Ɛsdras 3:10

Mɛɛ vanaa cɔavaa lacɛiya kila Cɛi-Mɛlɛka-o, má simi vanaa-solia-lasálàá lon, domala solia lasálàlan la va nda lekɔɔ, bulula hɔŋaalan la va nda o laba. Leviia nda nda, poaa Asaf-a, ndáà nɔ kɛ́ŋun comulan o laba ni le Mɛlɛka biiloo maa mɛɛ David masa Israɛlla sɛva yɛ.

2Dɛnnda lemasalan 29:28

Telen vanaa ɲɛ-caa va condon a bululan hɔŋndo-o, mí vannda kpow a tundun piɛilen, má lo lende háá telen nda cii sálàá soli-o.

2Dɛnnda lemasalan 29:26

Mí leviia sim a ɲɛm-caan David ndóò toosiaa-on o laba, mí vanaa-solia-lasálàá bɛɛ nda sim a bulula hɔŋaalan o laba.

Kundalan 10:9

Te la tiiya pɛ o lɛŋnde niaalen nin, mì la kuel vanaa ciŋilannin niaa a cɔwvo-a, la bɛnda mì la hɔŋ bulula niaalan a diom bɛndu-bɛndoo haliko mi ya Mɛlɛka Hala niaa loonun a niaa, mì baŋa niaa yaamɔaa niaa o ba.

Dɛnnda kiilaa 10:4

Mí Kɔrnɛil tofa ndu ciŋ a siòònde, mó ɲuna aa: «Yɛɛ nɛ Maalii?» Mí mɛlɛkanɔɔ mulul ndu aa: «Mɛlɛka tuei piɛile nɔmnden, o naŋ kɔl a kɛndɛi n tosal vanaa bala fondoa-e. O pɔɛɛnun a nɔm te.

Matie 11:28

Niaa volɔɔlan la co o lebol mì la va o sangaa nin-nda kpow, la hun o ya lo, mì ke niaa pɛngio.

Condii lisai 89:15

O sakpoyɛi a o sandei coo kpɛŋɛ lemasa nɔmndo kɛsi tumndo ni. Kaolaa a lou o lediom coo co nɔm o hɔl.

2Dɛnnda lemasalan 7:6

Mí vanaa-solia-lasálàá sim o fonda ndaa, mí leviia bɛɛ sim a ɲɛm-caan masaa David ndóò toosiaa le Mɛlɛka sangalaa-on, má va Mɛlɛka biiloo mɛɛ David ndóò cɔm nda le condei solio yɛ aa: «Kani kɛndɛi ndɔɛi cuu le lɔ́ɔ́-lɔ́ɔ̀ le.» Vanaa-solia-lasálàá va isisi nda laci má va bululan hɔŋndo. Israɛlla kpow a va isisi.

1Dɛnnda lemasalan 16:42

Mí Heman nda Yedutun a vanaa va nda ikɛi-ya va bululan hɔŋndo, kɛ́ŋndon a ɲɛm-caan celen lɔɔ, le condun Mɛlɛka-on solio. Poaa Yedutun-nda va kpalilaa cumulaa ladioa ni.

1Dɛnnda lemasalan 15:28

Mí Israɛlla kpow a kɔa a kesu kpema Mɛlɛka-o Yerusalɛm a kponyo bɛndoo, a va bululan hɔŋndo, ma va vɛlɛ kɛ́ŋndon, tòvalan a bondomalan lɔɔ.

1Dɛnnda lemasalan 15:24

Vanaa-solia-lasálàá va le bululan hɔŋndo kesu Hala-o laci-a va Sabania, Yosafat, Netaneɛl, Amasai, Sakari, Benaya a Eliesɛr ni. Obɛd-Edɔm nda Yehiya bɛɛ, kpalilaa cumulaa ladioa va simndan kesoo ikɛi kpɛɛlun-nda nda va ni.

Yosue 4:7

La mulul nda aa: ‹Lɔ́ɔ́ kesu kpema Mɛlɛka-o va Yurdɛn taŋɔɔ-o, mí mɛnndan ma kiolu tɛɛn ndu laci, mí ma sɛyan. Powtan ndan la co ɲɛ loonanndo le Israɛlla le fɛɛn a fɛɛn ni.›»

Kundalan 29:1

«O paale taselen coo o paangii ŋɔmmɛwndɔɛi nin, la bɛnda mì la cuungian le kaannden tosaa. Ɲinkon, la bɛnda mì la tosa vali niaa tosà paandu-o le. La bɛnda mì la hɔŋ bululan taw-taw paale len.

Tɔŋ lasálàá 23:24

«Soo o Israɛlla lo ma dimul nda aa: ‹Paale taselen o paangii ŋɔmmɛwndɔɛi nin, la bɛnda mì la ce len maa paale pɛngiaalen le co ni. La cɔ vɛlɛ paale len maa paale loonannden le co le niaa ni. La bɛnda mì la cuungian ɲinkon, mì la lisa ya taw-taw a bululan hɔŋndo.

Fulaa 28:29

O kon, lɔ́ɔ́-lɔ́ɔ̀ Aarɔn luɛi pɛ o Cɛi-Diandaa nin, o kɔɛ Mɛlɛka o hɔl a diola poaa Israɛl-la ndu o takpa o doma-lapow-iyama kon coo, haliko mi ya Mɛlɛka va loonɔnndo a nda lɔ́ɔ́-lɔ́ɔ̀.

Dɛnnda cɔɔmuanndan 22:17

Mí Kɔl Hala-o a lanɔɔ Saa téndóó va dimio aa: «Hun!». Vana tuei pɛ ndu bɛɛ veelu aa: «Hun!». Vana kolɔɔ bii pɛ, o hun. Vana yeema pɛ, o hun kɔndu mɛmma yooman, o co a vɔngu le.

1Tesalonikea 4:18

Lelan, la vá yoomuan lueinanndo vellaa-velle a diomndan ndan.

1Korɛntea 15:52

o telen bingi bɛngu, o biɔŋɔɔ lepilɔɔ, lɔ́ɔ́ bulu mɛɛlaa hɔŋnunnin-ndo. Kani buloo soaanin mì vanvílɛ́iya tendul, a venin a siovɛi le, o kon naa bɛɛ n mangalanin.

Esai 27:13

Paale len a hɔŋnin bulu bɛndoo, o kon, vanaa va ɲawvo o lɛŋnde Asiri len nin-nda a vanaa va o ɲaanɔnndo nin o lɛŋnde Esipte len nin-nda hunnin, mà hun baŋ vulan Mɛlɛka o labɛngunin o pembii diandɛi coo, Yerusalɛm ciee.

Condii lisai 150:3

La lisa ndu a buloo hɔŋndo, la lisa ndu a bangaa a á bondomaa.

Fulaa 30:16

Nɔm Moise, ma bii ɲɛ-sɔlaa kon Israɛlla o laba le yoomula ndalan baŋaa, ma yɔngu ndu le baala cɛi-kola-toandaa-labɔɔŋianndo. Kon tosanin ni mì va loonɔnndo maa vana-vana mal muloo, mò baŋa yoomu ndɔɔ.»

Kundalan 28:11

«O ipaangu oo ipaangu kandɔɔ, la bɛnda mì la solul-la sálà loamaa a navaa tovaa téndéa nda ŋiɔn, saa kóndóó o pilɛ a saa téndéa nɔ vɔsio pilɛ-a nda ŋɔmmɛw, cɔlua kan kpow a bɛnda mà nɔ lenamta le.

1Samiɛl 20:5

Mí David mulul Yonatan aa: «Siɔdii kafo paangii sɛnɛiyo co ni, yáà bɛnda mì yáà de ɲɛdiaa naa masaa latulu. Kɛ yandi cɛl-la mì ɲaanun, mì kɔ vionnun yondoo nin háá diɛŋ icɔl.

2Masaa 4:23

O kon mí pɔnɔ ndɔ ɲuna ndu aa: «Vɛɛ hau kɔlan ndan o ndu lo? O co paangii sɛnɛi le, o co yɛ vɛlɛ paale pɛngiaa le.» Mó mulul ndu aa: «Hali ma buulan te.»

Yosue 6:4

Vanaa-solia-lasálàá nda ŋɔmmɛw a cuanin bulula hɔŋaalan tan ŋɔmmɛw o laba, mà va kɔlan kesu kpemaa laci. O paale ŋɔmmɛwndɔlen coo, la balu kobio bɛmbɛ leŋɔmmɛw, mì vanaa-solia-lasálàá nda nda va bululan hɔŋndo.

Condii lisai 81:4

La hɔŋ bulu lee saa o kafo paangii sɛnɛiyo coo, mì la hɔŋ vɛlɛ ndu telen paangii diandɛi o paale kafo naa coo.