Kundalan 1:54 - BII BILA

⁵⁴ Mí Israɛlla cɛl sɔɔn Mɛlɛka dimul Moise-on kpow, má kela lecoo.

Kundalan 1:54 Referans Kwoze

Matie 28:20

mì la pɛɛku nda ma manda sɔɔn ya dimul niaa-on kpow. I co niaa ikɛi lepalaa-lepala háá a ceendo mɛɛlulan.»

1Samiɛl 15:22

Mí Samiɛl ɲuna aa: «Vɛ̀ɛ̀ o sálàla loamaalan a o sálàla súú celen ndu solullo nin Mɛlɛka hini kɔl ni baa o sɔɛi ndɔɛi biyɔɔ nin? A toɲa, sɔɛi biyɔɔ hiow naŋɔɔ a sálàlan solio, Sɔɛi biyɔɔ co fisa a cɔlua macuɛiya sálàá solio.

Kundalan 2:34

Mí Israɛlla tosa ɲɛ-ɲɛ Mɛlɛka dimul Moise mó tɛɛngul nda ndu. Má kila fondala ndalan o lɛfɛla landaala ndalan bɛngu, má va kɔlan a yungulan, a kundala n'vanayalan.

Fulaa 40:32

Lɔ́ɔ́-lɔ́ɔ̀ ndáà va pɛ luɛyɔɔ o cɛi-kola-toandaa-labɔɔŋianndo nin, te kon te mì ndáà va sɔɔnguuo o fonda-loamaa-lasálàá ikɛi le sálàá solio, lende ndáà kei balan a pelon pulɔɔ a mɛmma man ni, lende Mɛlɛka pila dimul nda le tosaa ni.

Fulaa 40:16

Mí Moise tosa ɲɛ-ɲɛ Mɛlɛka dimul ndu le tosaa.

Fulaa 39:43

Mí Moise mɛɛndan vali tosan-ndo, mó ca maa o tosan ɲɛkɛndɛi mɛɛ Mɛlɛka cɔm ndu yɛ. O kon, mó dɔaw vanaa tosa baala kon-nda kpede duaa.

Fulaa 39:32

Mɛɛ nuaa nda cii baalala Calta Mɛlɛka lan kpow tosa ni, cɛi-kola-toandaa-labɔɔŋianndo pɛɛn. Mɛɛ Mɛlɛka pila cɔm Moise le tosaa yɛ kpafii Israɛlla tosa baalaa ni.

Kundalan 1:53

Leviia balunin calle o Calta Mɛlɛka la sɛbɛ kpemaa co kon nin-ndan ikɛi ni sɔ́, yɔŋii kɔl ni tuwvo tol Israɛlla coo. Leviia bɛnda ni mà tosa vallo o Calta Mɛlɛka la kpemala lan nin.»

Kundalan 2:1

Mí Mɛlɛka soaa o Moise nda Aarɔn ndo, mó dimul nda aa:

Fulaa 12:28

O kon kɔɔli, má kɔa, má kɔ tosa ɲɛ Mɛlɛka dimul Moise nda Aarɔn-ndo.

Kundalan 1:19

maa mɛɛ Mɛlɛka ndóò cɔm Moise dɛnɛ kon yɛ. Lende Moise cɔm nda tɛ́kpɛ́-tɛ́kpɛ́ o lɛŋnde veselɛilen Sinai nin ni.

Kundalan 8:20

Mí Moise, Aarɔn a Israɛlla kpow a tosa ɲɛ Mɛlɛka dimul nda a sondo Moise-o le tosaa a leviia-o.

Kundalan 9:5

má tosa kafo-hiavaa-coo o lɛŋnde veselɛilen Sinai nin o paale tɔ́ a lehiɔɔlundɔlen coo o paangii tasei nin, a paale delaalen. Má tosa mɛɛ Mɛlɛka dimul Moise le tosaa yɛ.

Kundalan 9:22

Kumii ken ndíì cii palɛi ŋiin, ndíì cii paangii pilɛ, ndíì viow vɛlɛ bɛɛ taw o Calta Mɛlɛka lan coo lon, Israɛlla va icali o dɔ́ɔ́ngɔ́ kon nin tuŋ, ndáà kue laci le. Fɔ mì kumnde ndíì faŋan malan ndáà puusiaa dɔ́ɔ́ngɔ́ ndaa le hiovɔɔ.

Kundalan 36:10

Mí cuavaa laandua Selofad-a tosa mɛɛ Mɛlɛka dimul Moise yɛ: