Kundalan 1:53 - BII BILA

⁵³ Leviia balunin calle o Calta Mɛlɛka la sɛbɛ kpemaa co kon nin-ndan ikɛi ni sɔ́, yɔŋii kɔl ni tuwvo tol Israɛlla coo. Leviia bɛnda ni mà tosa vallo o Calta Mɛlɛka la kpemala lan nin.»

Kundalan 1:53 Referans Kwoze

1Dɛnnda lemasalan 23:32

Ndáà bɛnda le cɛi-kola-toandaa-labɔɔŋianndo a Fonda-Diandaa mandaa ni. Puapilɛa ndaa, poaa Aarɔn-nda va nda hɔlten coo o baala Cɛi-Hala-o nin.

Tɔŋ lasálàá 10:6

O kon, mí Moise dimul Aarɔn nda poaa ndɔa ŋiɔnda pilɛa, Eleasar nda Itamar pɛɛn aa: «La tiimbùù yiinde niaa o lebol te, la sɛɛsiàà volɔɔla niaala cuɛinanndan le biisi komal niaa-o le, yɔŋii niaa pila bɛɛ sɔla piɔ́mndo, mì la tuisi vɛlɛ kɔltuw Mɛlɛka-o vanaa tɔ̀a kpow coo. Vanaa bɛnda mà caŋ poaa langbaa Mɛlɛka tɛɛmbuu haa a yinnden-nda-a, nda co Israɛlla ni, puapilɛa niaa pɛɛn.

Kundalan 31:47

Mí Moise faŋa vanacieo o pilɛ o vanndacieea beleŋuɛɛnu oo beleŋuɛɛnu coo, cɔloo o pilɛ o cɔlua beleŋuɛɛnu oo beleŋuɛɛnu coo, mó yɔngu leviaa kan, á va vallo tosaa o Calta Mɛlɛka lan nin-nda, maa mɛɛ Mɛlɛka ndóò dimul ndu yɛ.

Kundalan 31:30

O kunda Israɛlaa tɔ̀a sɔlanin-ndo coo bɛɛ, ma faŋa vanacieo o pilɛ o vanndacieea beleŋuɛɛnu coo, cɔloo pilɛ o cɔlua beleŋuɛɛnu coo: cɔlua bɛndua, sofɛlɛa, cɔlua pɔmbɔa, cɔlua kpow, ma yɔngu leviia ɲɛm mun, á co vallo tosaa o Calta Mɛlɛka lan nin-nda pɛɛn.»

Kundalan 8:19

mí sɔaa nda Aarɔn nda poaa ndɔa o ba maa hɔlte Israɛlla tɔ̀a, haliko ma tosa vallo o diola Israɛlaa tɔ̀a o cɛi-kola-toandaa-labɔɔŋianndo nin, mà va vali baŋaa tosaa le nda. O kon, kpundɛ tul lɛ Israɛlla coo le sɔɔnguuo o Cɛi-Diandaa ikɛi le.»

2Timote 4:2

tiiyal vannda sɔɛi Hala-e. Dimul nda ndi o telenndan kpow bɛngu, o va telen kɛndɛ, o va telen vɔɔn, soo vannda mà cɔm tɛɛmbuulan, mà luei nda yoomuan, mà biwnun, mà biwnun pɛɛkoo lɔ́ɔ́-lɔ́ɔ̀.

Yeremi 23:15

Lelan o Mɛlɛka-Nɔ-Kpaayaa-Kpow-vo dimi a vanaa-tɛɛngaa-diom Hala-a kan-ndo co hoo ni aa: «I co nda mɔnɛi miɔɔ ma de ndi, mì koesi nda bɔ̀tàá. Kani nda vanaa-tɛɛngaa-diom Hala-a Yerusalɛm tosa ni, mí dɛnɛ vɔɔndo tiw o lɛŋnden nin kpede.»

Yeremi 5:31

Vanaa-tɛɛngaa-diom Hala-a co sɔɛi o diola hala fondoo, vanaa-solia-lasálàá nda co tɔnɔ ndaa nuwviaa tuŋ. Ɲɛ hɛnan yɛ vanaa niaa-o co kon ni. Kɛ nduyɛ o mɛɛlulan, vɛɛ niaa yɔŋ yɛnin?›»

2Dɛnnda lemasalan 13:10

Naa naa, Mɛlɛka co Hala naa ni, kabi n mulul ndu kɔɔ le. Vanaa-solia-lasálàá co o baala Mɛlɛka-o nin-nda co poaa Aarɔn-nda ni, leviia co vɛlɛ baalaa tosaa ɲɛkɛndɛi.

1Samiɛl 6:19

Mí Mɛlɛka tuisi vannda Bɛt-Siemɛs dɛnɛ palaa coo le tofa nda tofa o kesu kpemaa nin-ndo. Mó diw n'van belaŋɔmmɛw o vanaa vaala beleŋuɛɛnua coo. Mí a lo yoomu-a lo a mɔnɛi le dɛnɛ palaa bɛndu Mɛlɛka tuisi nda kon coo-o.

Kundalan 3:38

Moise, Aarɔn a poaa ndɔa nda, fonda nda calaa va o Calta Mɛlɛka lan hɔl-ndɔ a ba paalen le can-ndo ni, o cɛi-kola-toandaa-labɔɔŋianndo sondoo pɛɛn. Nda va vallo o Cɛi-Diandaa nin o diola Israɛlla ni. Te vana celen ndóò sɔɔnguu pɛ ikɛi maa nda, ndóò sɔla piɔ́mndo.

Kundalan 1:50

Yɔngu nda vallo o Calta Mɛlɛka lan nin, nɛɛ sɛbɛ kpemaa co-a, mà tosa vallo a ɲɛm-laandun co o cɛi kon nin-ndon a á ɲɛm ndɔn vallon kpow. Nda bɛnda ni mà vili ɲɛm nda tangul Calta Mɛlɛka la lan-ndon a ɲɛm ndɔn valin co lenin-ndon kpow, nda bɛnda vɛlɛ le vallo tosaa o Calta Mɛlɛka la lan nin ni.

Kundalan 1:54

Mí Israɛlla cɛl sɔɔn Mɛlɛka dimul Moise-on kpow, má kela lecoo.

Kundalan 2:17

Te nda kɔɛ pɛ, polale Levii len le kɔɛ nda kɔɔli a cɛi-kola-toandaa-labɔɔŋianndo o kundala tɔ̀lan tɛɛn. Mà kɔɛ mɛɛ nda co icali a fondalan o dɔ́ɔ́ngɔ́ɔ̀ nin yɛ, mì vana-vana kɔɛ o lɛfɛ landaa ndɔɔ bɛngu.

Kundalan 3:23

O dɔ́ɔ́ngɔ́ɔ̀ nin nda va icali o Calta Mɛlɛka lan kɔɔli a ba paalen le del-lo ni.

Kundalan 3:29

O Calta Mɛlɛka lan a ba too yungula fula o Kehat nin-ndan la va icali ni.

Kundalan 3:35

Bolle pangale ndalen le va Turiɛl, po Abihayil-lo ni. Fonda nda calaa va o Calta Mɛlɛka lan a maluaŋ ni.

Kundalan 17:7

Kɛ telen nda va cuungianndo le nda delɔɔ coo-o, má mulin a ba cɛi-kola-toandaa-labɔɔŋianndo, má ca mí kumnde kumbu cɛi-kola-toandaa kon, mí biilu Mɛlɛka-o cɔmnun kpendekele.

Kundalan 16:9

Vɛ̀ɛ̀ hɛli Hala Israɛlla hɛli niaa Israɛlaa sɛ́lɛ́a tɛɛn, mó kɛsi niaa ikɛi le ndu sɔɔnguuo o hɔl o Calta Mɛlɛka lan nin a le vallo tosaa o diola ndalan-ndo, la hini kɔl a kon te?

2Dɛnnda lemasalan 13:11

Idii a icɔl, a co Mɛlɛka sálàla loamaalan solullo mà va ansan lomɔɔ. A co bulula sálàla co le Hala lan kɛsio o tabali diandaa coo, a co fitinala co o ɲɛ kɛsiaa lafitina n'sianio coo lan mɛndullo. N co tɔŋnda Mɛlɛka Hala naa lan peeloo. Kɛ niaa niaa, la cii ndu kɔɔ mulul.