Kundalan 1:51 - BII BILA

⁵¹ Te la faŋan pɛ o dɔ́ɔ́ngɔ́ɔ̀ nin, nda bɛnda ni mà puusiaa Calta Mɛlɛka lan. Te la kila pɛ dɔ́ɔ́ngɔ́ celen, nda bɛnda ni mà tondu Calta Mɛlɛka la lan. Te vana celen, vana co leviinɔ loo sɔɔnguu pɛ ikɛi, o sɔla piɔ́mndo.

Kundalan 1:51 Referans Kwoze

Kundalan 3:38

Moise, Aarɔn a poaa ndɔa nda, fonda nda calaa va o Calta Mɛlɛka lan hɔl-ndɔ a ba paalen le can-ndo ni, o cɛi-kola-toandaa-labɔɔŋianndo sondoo pɛɛn. Nda va vallo o Cɛi-Diandaa nin o diola Israɛlla ni. Te vana celen ndóò sɔɔnguu pɛ ikɛi maa nda, ndóò sɔla piɔ́mndo.

Kundalan 3:10

Mì nɔm Moise va mɛɛndanndo haliko mi Aarɔn nda poaa ndɔa kínɛí a tosa vali solia lasálàá. Te vana celen, vana fula o yungu Aarɔn-ndo nin too sɔɔnguu pɛ ikɛi, o bɛnda mò sɔla piɔ́mndo.»

2Samiɛl 6:7

Le hee, mí Mɛlɛka tuulu kɔl a Usa taw, mó lɔaa ndu le dɛnɛ o tosa kon o yiyan too. Mí Usa sɔla piɔ́mndo o kesu kon ikɛi lon.

1Samiɛl 6:19

Mí Mɛlɛka tuisi vannda Bɛt-Siemɛs dɛnɛ palaa coo le tofa nda tofa o kesu kpemaa nin-ndo. Mó diw n'van belaŋɔmmɛw o vanaa vaala beleŋuɛɛnua coo. Mí a lo yoomu-a lo a mɔnɛi le dɛnɛ palaa bɛndu Mɛlɛka tuisi nda kon coo-o.

Kundalan 18:22

O tosan pɛ lende, Israɛlla bindun ndɛnin ma sɔla piɔ́mndo le sɔɔnguuo o cɛi-kola-toandaa-labɔɔŋianndo ikɛi le.

Kundalan 10:11

O paale bidiinndɔlen coo, o paangii diinndɔɛi nin o vɔsi diinndɔɔ nin, mí kumnde faŋan o Calta Mɛlɛka la kesu kpemaa va nin-ndan coo.

Kundalan 17:13

Mó sim vanaa vi-a a vanaa va vɔ yoomu-a tɛɛn, mí vannda pɛngi vuo.

Kundalan 18:3

À vanin nɔm o ba bɛngu mà tosa vallo a cɛi-kola-toandaa kon kpow o kɔɔ. Kɛ à bɛnda mà sɔɔnguu o fonda-loamaa-lasálàá a o ɲɛm-laandun solia lasálàn co le cɛi-kola-toandaa diandaa kon-ndon ikɛi le, yɔŋii nda kondu niaa dɛnɛ mì la sɔla piɔ́mndo niaa ndaa vellaa-velle.

Kundalan 18:7

Nɔm Aarɔn pila a cuavaa nɔmaa imamaa yɛ, la bɛnda mì la tosa vali solia lasálàá a ɲɛ-ɲɛ co a fonda-loamaa-lasálàá o kɔɔ a á ɲɛ-ɲɛ co o kola-landaa kɔɔli o kɔɔ, vali yɔngun niaa-o co kon ni. Vali solia lasálàá ya yɔngu niaa ni. Vana celen sɔɔnguu pɛ ikɛi o sɔla piɔ́mndo.»

Kundalan 17:5

Ciliŋun mun yɔngu Israɛlla yiyanndo ni maa vana-vana co o polale Aarɔn-nden nin te, o bɛnda mò sɔɔnguu le ansan lomɔɔ Mɛlɛka o hɔl te, yɔŋii dɛnɛ palaa tol ndu coo maa Kore nda vanaa va ndu kɔɔli-a mɛɛ Mɛlɛka dimi a sondo Moise-o yɛ.

Kundalan 18:4

À vanin nɔm o ba bɛngu mà va valta bɛnda le tosaa lan tosaa o cɛi-kola-toandaa-labɔɔŋianndo nin kpow, kɛ vana celen bɛnda mò sɔɔnguu niaa ikɛi le vali kon te.