Kundalan 1:3 - BII BILA

³ Niaa Aarɔn, la cɔm vanpiaandua nɔ kandɔɔ vɔsilan bidiin-nda a á nɔ hiovɔɔ bidiin coo-a, vanaa nɔla ma va vanaa cɔwva le Israɛlla-a.

Kundalan 1:3 Referans Kwoze

Fulaa 30:14

O vanaa sɛvannin-nda tɛɛn, vana-vana nɔ pɛ vɔsilan bidiin, te kon te hiovɔɔ bidiin coo, ndu bɛnda mò yɔngu cuungiaa kon le baala Mɛlɛka-o.

Kundalan 14:29

La co cɛɛlɔn a vílɛ́iya o lɛŋnde veselɛilen nden nin taw. Niaa vanaa nda sɛva diolan-nda kpede, niaa nɔ vɔsilan bidiin a hiovɔɔ o bidiin coo-a, le tùú niaa caŋ a ya o sondo-o, mɛ̀ɛ́-mɛ̀ɛ́ niaa co sɛ́lɛ́ kpede,

2Samiɛl 24:9

Mí Yoab hun downun masaa David kona aa: «O Israɛlla tɛɛn, vanaa cɔvaa caa mɔɛi cɔwve hiŋndo ɲɛkɛndɛi-ya va faw-faw vanpiaandua vaalan kɛmɔɔ leŋɔmaa. O Yudaa tɛɛn yɛ, a va faw-faw vaalan kɛmɔɔ leŋuɛɛnu.»

Tɔŋ miingua 24:5

«Te vanapɔnɔɔ yil pɛ lanɔɔ sɛnɛi, o bɛnda mò kɔɛ o cɔwvo le, vana bɛnda ma baŋ ndu vali oo vali tosa le. O bɛnda mò va yili o calta ndɔlan háá le vɔsio pilɛ, haliko mo nɛŋi lanɔ o yil kon-ndo kɔl.»

Tɔŋ miingua 3:18

O telen pilɛ kon, mí dimul nda sɔɔn mun: ‹Mɛlɛka Hala niaa yɔngu niaa lɛŋnden nden kɛ́ɔ. Kɛ o niaa tɛɛn, vana-vana nɔla le ɲɛm cɔwvon cuaa le cɔwvo, ndu cua mun mì la sim puapilɛa niaa, Israɛlla laci a volɔɔla cɔwlan o laba.

Kundalan 33:1

Dɔ́ɔ́ngɔ́la Israɛlla kei kila lɔ́ɔ́ nda faŋan Esipte a nɔmma bɛnduan le kɔnndan mí Moise nda Aarɔn va kɔlan a nda lan.

Kundalan 32:11

‹Vanaa fula haa Esipte má nɔ hau vɔsilan bidiin háá hiovɔɔ bidiin-nda, a luei o lɛŋnde ya mɛnalan Abraham, Isaak Yakɔb le nda len keo len nin te few. Kani a bii diom nuu mà lo lecoo le,

Kundalan 26:2

«La sɛva Israɛlla kpede, mì la cɔm nda a pilɛn-pilɛnnda mɛɛ nda co a kundala n'vanayalan yɛ, kandɔɔ vanpiaandua nɔ vɔsilan bidiin-nda, kɔ bii a nɔ hiovɔɔ bidiin coo-a, a nɔla le vali cɔwvo tosaa-a.»

Fulaa 12:17

La tosa kafo bulu toosian a lɛvɛn too ho le loonɔnndo maa paale len ya soli yungula niaalan a kundalan o lɛŋnde Esipte len nin ni. Le fɛɛn a fɛɛn, kandɔɔ a niaa pila, kɔ bii a cuavaa niaa imamaa, la bɛnda mì la loonun a dɛnɔɔ ho. Tɔŋ niaa bɛnda mì la bii-o co hoo ni:

Fulaa 38:26

Vana piɔw pɛ ɲɛ-sɔlaa kon le kunda vanpiaandua vaala kɛmɛ leŋɔmpum a layàá a kɛmɛ leŋuɛɛnu a beleŋuɛɛnua sɛvan-nda, aa nɔ vɔsilan kandɔɔ bidiin háá hiow o kon coo-a, o nɔla mò va maa o vanaa kan nin, vana-vana yɔngu kalamulan laŋuɛɛnu.

1Dɛnnda lemasalan 5:18

Poaa Rubɛn-nda, poaa Kad-a a poaa fula o polale tálále Manase len nin-nda, ndáà nɔ kuubaa cɔwva vaalan belehiɔɔlu a lahiɔɔlu a kɛmɔɔ leŋɔmmɛw a belaŋɔmpum. Kuubaa kan ndáà caa kɔ̀ɔ̀ cɔwvo a mɔɛi cɔwve, te kon te kpaasiaa hiŋndo taw. Nda kpow ndáà nɔla kɔlan o cɔwvo.

2Dɛnnda lemasalan 25:5

Mí Amasia cuungiaa vanpiaandua va Yuda-a mɛɛ yungula fuɲaa ndaa la va yɛ, mó kɛsi simlacia vanaa cɔvaa va kundala n'van vàá-vàálan a kundala n'van kɛmɛ-kɛmɛlan bollen-nda o lɛŋnde len nin a o tàndá Bɛnyamɛn-ndo nin kpow. O kon kɔɔli, mó sɛva vanaa ndáà nɔ vɔsilan kandɔɔ bidiin-nda a vanáà nɔ hiovɔɔ bidiin coo-a diolan, má bɛnda faw-faw vannda vàálan tan yáá, vanaa ndáà fula diallon, mì ndáà tiw nin ba kɔlan o cɔwvo-a, vanáà nɔla vɛlɛ bállo a kɔ̀ɔ̀ cɔwvo hiŋndo-a.

Kundalan 3:15

«Cɔ́m polale Levii len mɛɛ nda co a kundala ndala n'vanayalan a á yungula ndalan a pilɛn-pilɛnnda yɛ, ma cɔm vanpiaandua nɔ paangei ipilɛ-a a á hiow nin paangii pilɛ coo-a.»

Kundalan 4:3

kandɔɔ vanaa nɔ vɔsilan beleyaa-a, kɔ bii a á nɔ vɔsilan beleŋuɛɛnu-a, á vanin vallo pum tosaa o cɛi-kola-toandaa-labɔɔŋianndo nin-nda kpow.