Kalatea 6:8 - BII BILA

⁸ Vana saŋ pɛ le yeemɛi ndɔɛi ndu pila-e, ɲɛ yeemɛi ndɔɛi koam-ndo o koaw ni, piɔ́mndo pɛɛn. Kɛ vana saŋ pɛ le Kɔl-Diandaa, ndu kow o fula o Kɔl-Diandaa nin-ndo, yoomu fɛɛn-fɛɛndo pɛɛn.

Kalatea 6:8 Referans Kwoze

Rɔmnda 8:13

La kela pɛ o dɛnnda n'falulan nin, la co vu. Kɛ te Kɔl-Diandaa tosa pɛ mì la dii dɛnnda ivanaciea lan, mɛɛ la vanin yoomu.

Nsaki 3:18

Kɔmnde dɛnɛ sandaa le saŋnun o kɔlɲuloo nin, vanaa yeema kɔlɲuloo-a saŋ-nden ni.

2Piɛr 2:19

A co nda dimullo maa a kenin nda hɔ́ɔ́yɛi, nduyɛ nda pila co o cɛlen nin dɛnnda tɛɛmbuu vana lan o ba, kani vana-vana co o biyaa o cɛlen nin ɲɛ o nɔla hiɔlɔnndo loo o ba.

SƐBƐ YƆB-O 4:8

Ya, i dɔw sɔɛi pilɛ taasi: Vanaa váà dɛnɛ vɔɔndo-a, vanaa saŋ pɛ kɔlvesɛiyo-a, nda koaw kɔmnde ɲɛm nda saŋ mún-ndon ni.

Osee 10:13

Nduyɛ, la vàá dɛnɛ vɔɔndo mí la koaw kɔlvesɛiyo, mí la dia kɔmnde lacòòvalen. Kani la tiindan taasila niaalan, mí la kɔngan kuubaa cɔvaa niaa sɛ́lɛ́a.

Kalatea 6:7

La lúɛì o lapɔw nin te: vana mem Hala le. Ɲɛ vanacieo saŋ-ndo, ndu koni o koaw vɛlɛ ni.

Rɔmnda 13:14

Kɛ n vownun Maalii Yeesu Krista maa doma. N malnun falon o ba le yeemɛi ndɔɛi vɔɔnde tosaa le.

Talelan 22:8

Vana saŋ pɛ dɛnɛ sandaa lepɛŋndo, o kow dɛnɛ palaa. Kani sionnde o tosa dɛnɛ vɔɔndo len le yomnin.

Dɛnnda cɔɔmuanndan 22:11

Vana vɔɔndo ndu hiow laci a dɛnɛ vɔɔndo tosaa tuŋ, mì vana co o nɔɔlɛiyo-o hiow laci a nɔɔlianndo, mì vana sandaa hiow laci a sandei, mì vana diandaa ndu hiow laci a dindinndo.

Nsaŋ 4:36

Vana koavaa co nin bɛɛ salaa sɔlaa, mo va kullon cuungiaa le cinda fɛɛn-fɛɛndo, haliko mi vana saŋaa nda vana koavaa dɔwnun ɲaale latulu.

Yude 1:21

La lo o canyɛi Hala-e nin nanu a hunɔɔ Maalii naa Yeesu Krista-o, mò hun ke niaa yoomu fɛɛn-fɛɛndo a kɛndɛi ndɔɛi.

Nsaŋ 6:27

La fafala le ɲɛdiaa nɔla mò tambu-o le, kɛ la fafala le ɲɛdiaa tembu loo, o tosa mi vana va yoomu le fɛɛn a fɛɛn-ndo, o Po vanacieo kenin niaa-o, kani ndu Hala Fuɲaa sui pondale ndɔlen ni.»

Rɔmnda 6:13

La yɔngu lɛ falun niaan le hakio tosaa maa ɲɛm valin dɛnɛ sandaa lepɛŋ-ndon te. Kɛ niaa pila yɔngun le Hala maa vanaa tendul fulaa vanvílɛ́iya tɛɛn-nda, mì falun niaan va maa ɲɛm valin dɛnɛ sandaan le Hala.

Yeremi 12:13

Niáá saŋ maalon, mi la va yɔɔn booson kovɔɔ. La co sangaa bɛndoo pila, kɛ la co tɔnɔ oo tɔnɔ sɔla le. Siɛmbulan la bii niaa a ɲɛ niaa co kovɔɔ-o, ken tosan le tùú Mɛlɛka tambu kɔllo a niaa taw-vo.

Vana Kɔlkaloo 11:6

Le sɛ dɔ́ɔ́ pɛ, a saŋ yɛyii nɔmnde, háá icɔllo kɛ́sì ba nɔmndo pɛngio le. Kani a sinà n naŋnin te, ko ba pilɛ ni, ko kpow yɛ ni. Ko mun kpow yɛ ni, a sina le.

Matie 19:29

Nduyɛ vana-vana mɛi pɛ cɛila ndɔlan, puapilɛa ndɔa, yemaa ndɔa, fuɲa ndɔ, kala ndɔ, laa ndɔ, cuavaa ndɔa, te kon te yondola ndɔlan le diola nilan, ndu sɔlanin o hiow kon polon-ndo. O kon kɔɔli, o sɔlanin yoomu fɛɛn-fɛɛndo.

Osee 8:7

Le tùú niaa co hoeiye saŋɔɔ-o, la koawnin felenfelenndo. ‹Malun cuulu yasa lon soli kpeyan te.› Te n soli yɛ pɛ kpeyanndo, mɛɛ mialla dianin kpeyan kon ni.

Tite 3:7

haliko mo siinguu naa vanaa sandaa o kɛndɛi ndɔɛi bɛngu, o kon mì n sɔla cinda fɛɛn-fɛɛndo, o naa n co tiindanndo-o.

Nsaŋ 4:14

kɛ vana kol pɛ mɛmma ya co ndu yɔngu-an, kolɔɔ bii lɛnin ndu lɔ́ɔ́-lɔ́ɔ̀ le. Mɛmma ya co ndu man yɔngu-an ma siŋnunnin pee-lebollo ndu nin, mì mɛmma ndɔan ma kɔɛ háá o cinda fɛɛn-fɛɛndo nin.»

Luke 18:30

mò kɛɛ ɲɛm hiow mun polon-ndon sɔla o ceendo coo nanu le, mɛɛ o sɔlanin yoomu fɛɛn-fɛɛndo siɔdii laci le.»

Esai 32:20

Dɛnɛ kɛndɔɔ vanin le vanaa saŋnin kullon ba-ba fee o mɛnndan dangalaa-a, a malnin nawva a sofɛlɛa kelaa o ba ndaa coo-a pɛɛn.

2Piɛr 2:12

Kɛ vanaa kan a co dɛnndan tosaa vana ca ko aa visia ni, o co a kɔlkalu le. Maa visia yondo nda co ni, a nda koam, mà bii, mà dii-a. O nda sínà loo nda co yeowlan ni, nda bɛɛ a tambunin maa n'cɔlu.

1Timote 1:16

Kɛ lelan Hala tuinun ya iɲíí ni. Yeesu Krista ndóò yeema mí ndóò cɔm biuvɔn ndɔ nɔ lamɛɛlu loo o ya vana lahaki bɛndoo nin, haliko mi biuvɔn kon va tɔɔmaseloo le vanaa ndáà hun laalannin ndu, mì ndáà sɔla yoomu fɛɛn-fɛɛn ndo-a.

Talelan 11:18

Vana kɔlvesɛiyo co tɔnɔ fondoo nuwviaa, kɛ vana co dɛnɛ sandaa tosaa-o nɔ sala ndɔɔ.

Matie 25:46

Vanaa kan nda nda, dɛnɛ palaa fɛɛn-fɛɛndo toalnin nda coo, kɛ vanaa sandaa kɔanin o yoomu fɛɛn-fɛɛndo nin.»

Rɔmnda 6:23

Kani sala hakio co piɔ́mndo ni, kɛ ɲɛ Hala ke vana fondo fúú-o, ndu co yoomu fɛɛn-fɛɛndo o Yeesu Krista nin ni, Maalii naa.

Rɔmnda 8:6

Kani dɛnnda n'falulan la co piɔ́mndo ni. Kɛ dɛnnda Kɔl-Diandaa la co yoomoo a kɔlɲuloo ni.

Rɔmnda 8:11

Te Kɔl vana tindi Yeesu fulaa vanvílɛ́iya tɛɛn-ndo co pɛ niaa nin, vana tindi Krista fulaa vanvílɛ́iya tɛɛn-ndo tosanin vɛlɛ mì dialun niaan vu-on muungu yoomu le Kɔl ndɔ co niaa nin-ndo.

1Korɛntea 15:42

Lende ɲɔɔ vanin o tendul vanvílɛ́iya ni. A kɔɔle vu len nda kumbun ni, mà tendul a kɔɔle vi le len.