Kalatea 6:2 - BII BILA

² La maalian o sangalan nin vellaa-velle, tɔŋ Krista-o peeloo co kon ni.

Kalatea 6:2 Referans Kwoze

Rɔmnda 15:1

Naa vanaa nɔ kpaayaa o laalanndo nin-nda, o bɛnda mì n biwnun vanaa nɔ kpaaya le-a. N nuwvian o hɛnan naa pila-o kínɛí le.

1Tesalonikea 5:14

N co niaa tɛɛlɔn puapilɛa naa, la kanalan vanaa siɛlɛiya, la luei vanaa nɔ siòònde-a yoomuan, la mala vanaa co o sangaa nin-nda mì la biwnun a vana-vana.

Nsaŋ 13:34

I co niaa sila sɛnɛiyo yɔngu: la kaolian vellaa-velle. Maa mɛɛ ya kaola niaa yɛ, niaa bɛɛ la kaolian lende.

1Nsaŋ 4:21

Ndu dimul lɛ naa sɔɛi he ni aa: vana kaola pɛ Hala, ndu kaola vɛlɛ puapilɛ ndɔɔ.

Nsaki 2:8

Nduyɛ, te la bii pɛ tɔŋ lemasaa mɛɛ o sɛvan-ndo dimi yɛ aa: «Kaola caanda maa nɔm pila», mɛɛ la co caa vilio.

Nsaŋ 15:12

Tɔŋ nuu co hoo ni: La kaolian vellaa-velle maa mɛɛ ya kaola niaa yɛ.

Fulaa 23:5

Te la komal pɛ sofɛlɛ yaamɔɔ niaa o delaa o volɔɔla lusulan bɛngu, la hiawnun mì la kɔɛnnun te, kɛ la mala yaamɔɔ niaa kon le sofɛlɛ ndɔ kon mingio isisi.

1Piɛr 2:24

Mó cua hakila naalan o n'dial o yɔmndo coo, haliko mi n vi a ba hakio, o kon mì n muungu yoomu a ceen sandaa. Fungbula ndɔlan la tosa ni mì la sɔla siongɔɔ.

Matie 8:17

O kon mí sɔɛi Esai vana-tɛɛngaa-diom Hala-o dimi-e peelun aa: «O cua namtale naalen, mó siilun nààla naalan.»

Kalatea 6:5

Kani vana-vana cuanin volɔɔ ndɔ.

1Korɛntea 9:21

Le vanaa ve o tɔŋ bɛngu le-a, mí siŋnun maa vana ve o tɔŋ bɛngu loo. Kon co dimi le maa ya pila i ve o tɔŋ Hala bɛngu le, kɛ i va o tɔŋ Yeesu-o bɛngu, haliko mi yáà sɔla vanaa ve o tɔŋ bɛngu le-a ya tosa kon ni.

Rɔmnda 8:2

Kani tɔŋ Kɔl-Diandaa yɔ̀ngu vana yoomoo o Yeesu Krista nin-ndo baŋa ya tɔŋ hakio a tɔŋ piɔ́mndo o ba.

Luke 11:46

Mí Yeesu mulul ndu aa: «Niaa bɛɛ, dɛnɛ palaa co le niaa, niaa vanaa sina tɔŋndo taw-va! Kani volɔɔla lusulaalan niaa co vannda siiluuo ni, la niaa pila yee bɛɛ suei mì la pilan te lan.

Esai 58:6

La tuei-yɔ sum hini ya Mɛlɛka kɔllo-o: La kili yɔlɔn dɛnɛ sandaa lepɛŋndon, mì la kili yoei yɔm lebolle, mì la mingi vanaa co o sangaa nin-nda o nda lo o hɔ́ɔ́yɛi nin, mì vannda kpow tuisi volɔɔla súú-súù nda hɛɛnduu vannda o lebol-tan.

Tɔŋ miingua 1:12

Ya pilɛ kpé, vɛ̀ɛ̀ ya nɔla yɛnin niaa hɔlla landɔɔ coo kpede? Vɛ̀ɛ̀ ya nɔla yɛnin mì toosiaa balahavɛila niaalan a sɛɛngiannda niaalan?

Nsaki 1:25

Kɛ vana-vana yɔngun pɛ, mò pɛɛku tɔŋ peelanndo, tɔŋ ihɔɔyaa, mò kela lecoo a biuvɔnndo, o co ka le ndu tueyɔɔ mò pɔɛɛnun te, kɛ mò kela lecoo ɲɛkɛndɛi, vana kon sɔlanin dɛnɛ kɛndɔɔ o dɛnnda ndɔlan nin.

Nsaki 2:12

La sòó mì la kela maa vanaa sɔlanin yamɛi kilullo mɛɛ tɔŋ ihɔɔya co yɛ-a.

2Piɛr 2:21

Ɲɛ ndóò va fisa le nda-o co ni, hali mì ndáà sina nɛi dɛnɛ sandaa le, a ndu sinaa tɛ́ɛ́ ma muungu ma mulul tɔŋ diandaa ndóò tiiyalan nda-o kɔɔ.

2Piɛr 3:2

La loonun-ndɔ sɔɔn vanaa-tɛɛngaa-diom Hala-a diandaa dimi sindɛ-on a tɔŋ kiilaa niaa, tɔŋ Mɛlɛka-o a tɔŋ Vana Ciindiaa.

1Dɛnnda lemasalan 19:12

Mí Yoab dimul puapilɛ ndɔɔ aa: «Te Aramiia va pɛ le ya nɔla, a hun mala ya, te nɔm Amɔnnda va yɛ le nɔlaa ni, i kɔ mala nɔm.