Kalatea 6:12 - BII BILA

¹² Vanaa kɛ́-kɛ̀ co niaa kɔɔli le toomaa diyɔɔ kangalan, haliko mi vannda ce nda vanaa kɛndɛ sii nda co kon yeema ni. A yeema ma tol nda leyɛ le yɔm singafilaa Krista-o le, ken kínɛí nda co nuwviaa ni.

Kalatea 6:12 Referans Kwoze

Kalatea 5:11

Ya le ya puapilɛa nia, te ndóò va pɛ maa sɔɛi toomaa diyɔɔ ya co keiyo vannda yondallo ni, mɛɛ le yɛɛ nda co yɛ niko hiovɔɔ laci a ya yɛlen tollo? Te lende ni, mɛɛ piɔ́m Yeesu sɔla o yɔm singafilaa coo-o co lɛ pow boŋaa le vana-vana le.

Kolɔsea 2:23

I co toɲa maa pɛɛkula lan la velan a kɔlkaloo, le tùú la co kaannde vana pila tuunun o kɔl le tosaa len-ndo, tuisin tootoo a dialun naan saangiaa, kɛ nduyɛ, o co sɔɔn vana bɛnda le lebɛɛ ke le n co le, le yeemɛi ivanacieeyɛi tosaa daama n co ni.

2Korɛntea 11:13

Vanaa vaa lende-a a co kiilaa lacòòvaa ni, vanaa baalaa fondoa co vannda huiyo-a, a co handɔnndo o hɔl maa kiilaa Krista-a nda co ni.

Dɛnnda kiilaa 15:1

Mí vanaa pum fula Yuda a Antiɔs, má va puapilɛa pɛɛkoo aa: «Te la dii toomaa mɛɛ tɔŋ Moise-o dimi yɛ le, la tiwba mi la sɔla cindaa le.»

Kalatea 2:3

Kɛlɛkenɔɔ Tite yáà kɔɛ kon kɔɔli-o va ni, kɛ a beŋ bɛɛ ndu le tooma diyɔɔ le.

Luke 16:15

Mí Yeesu dimul nda aa: «La co cɔnɔnndo maa vanaa sandaa niaa co vannda o hɔl ni, kɛ Hala sina kɔlta niaalan. Kani ɲɛ vannda ca o sɔvɛɔ-o, ndu nɛinun Hala ni.

Filipea 3:18

Vanaa bɔɔ-bɔɔ a co kelaa maa n'yaamɔɔ le yɔm singafilaa Krista-o. I dimúl nin niaa ndi lɔ́ɔ́ levil, mì va vɛlɛ niaa ndi hau dimullo a caŋndo:

Filipea 2:4

Vana-vana o niaa tɛɛn buulan ko le tɔnɔ ndɔɔ daama le, kɛ o buulan vɛlɛ o caanda.

Filipea 1:15

I co toɲa maa vanaa pum a co vannda sɔɛi Krista-e tiiyallo le yeemɛi co nda o kɔl-le, te kon te a paŋalaa. Kɛ a pum yɛ nda, a yiyan kɛndɔɔ nda co kon tosaa ni.

Kalatea 6:13

Kani nda pila dii tooma kon-nda, a co kela o tɔŋndan coo le. Kɛ yeemɛi ndɛi sii co ni, mì la cɛl le toomaa diyɔɔ, haliko ma va sangalanndo maa nda tosa ni mi la dii toomaa.

Kalatea 2:14

Yáà cɔu lende maa a co dɛnndan tosa mɛɛ toɲa co o Yoongu kɛndɔɔ nin-ndo co yɛ le, mí dimul Sefas vannda kpow o hɔl aa: «Nɔm co Yuifnɔɔ-o, te nɔm tosa pɛ dɛnndan maa vana súú celen, le kɔlɔ yɛɛ n co yɛ niko vanaa co N'Yuifi le-a dimullo le tosaa maa N'Yuifi?»

2Korɛntea 10:12

Kani n tɔɔndan bɛɛ le siimanndo, te kon te le tuwvanndo a vanaa nɔ yiyannda vaa lende-a a pum te. A co kan nda pila cuannɔnndo maa ɲɛ tuvaa-a, nda pilaa tɛɛn nda co tuuŋanndan ni. Diɔmnda nda co ni.

Dɛnnda kiilaa 15:5

Kɛ mí Faliisia pum, aa siŋnun vanaa laalannda-a a va dimio aa: «Mɛɛ mì vanaa laalaŋaa co N'Yuifi le-a dii toomaa, mì vana dimul nda vɛlɛ le tɔŋ Moise-o biyɔɔ.»

Nsaŋ 7:18

Vana co sɔɔn ndu pila-on dimio-o, biilu ndɔ ndu pila-o o nuwviaa ni, kɛ vana co biilu vana vem ndu-o nuwvia-o, vana toɲaa co kon ni, kafala co ndu nin te.

Luke 20:47

Nda poondiàà ɲɔɔn vanlaandua piaandaa ndaa vi-a o ba ni, mà bɛndi piɛilen, haliko mi vannda ce maa a naŋ. Lelan, Yamɛi ndɛi kiandunin dɛ.»

Matie 23:28

Lende koni niaa bɛɛ co ni, vana tofa pɛ niaa, a ce niaa maa vanaa sandaa. Kɛ nduyɛ o kpeekpeiyo nin, la co a piaa a sondo yeelaa a á dɛnnda vɔɔnnda súú-súù ka.

Matie 23:5

Dɛnnda nda co tosaa lan kpow, haliko mi vannda ce nda nda co lan tosaa ni. A cɛn pɛ, a tongu boofiaala ndalan, a bɛndi kpengun domala ndala bɛndulan.

Matie 6:16

«Telen niaa co va o sumndo nin-ndo, la yii hɔlla maa vanaa muuluannda le. Kani nda, a cɛn pɛ a ɲaandiaa hɔlla le vannda cɔmndo maa o sumndo nin nda co ni. Mì dimul niaa toɲaa, a cii vɔ̀ngɔ̀ ndaa sɔla.

Matie 6:2

Lelan, taa va pɛ vana bala fondoo ɲɛ pum keo, tosà mì vannda kpow muli hɔlla o nɔm ndo maa mɛɛ vanaa muuluannda tosà o cɛila lekaanndan nin a o nɛilan coo yɛ le. Kani nda, le vannda nda sangalaa nda tosà lende ni. Mì dimul niaa toɲaa, a cii vɔ̀ngɔ̀ ndaa sɔla.

Matie 6:5

«La va pɛ Hala piɛiyo, la va maa vanaa muuluannda le, á yeema piɛilen isisi o cɛila lekaanndan nin a o nɛilan coo le vannda cɔmnɔnndo-a. Mì dimul niaa toɲaa, a cii vɔ̀ngɔ̀ ndaa sɔla.

Matie 5:10

Dɛnɛ kɛndɔɔ co le vanaa nda co yɛlen tollo le dɛnɛ sandaa-a, kani masale halataala len le co le nda.

Matie 23:27

Dɛnɛ palaa co le niaa, niaa vanaa pɛɛkaa latɔŋnda a niaa Faliisia muuluannda ha! Kani la maa sɛila nda kɛɛmiaa mì la naŋ taw o kɔɔ lan niaa co ni, kɛ nduyɛ leninndo co o piaa cá a paala vanvílɛ́iya a á ɲɛm siovɛi súú-súù ka.