Kalatea 6:10 - BII BILA

¹⁰ Lelan, telen naa n nɔ vɔ fondaa-o, n tosalan vannda kpow dɛnɛ kɛndɔɔ, kɛ taama-taama puapilɛa naa vanaa laalannda.

Kalatea 6:10 Referans Kwoze

Hebreea 13:16

La pɔɛɛnun kɛndɛi tosaa a maalianndo vellaa-velle le, kani sálàla vaa lende la hɛnan Hala ni.

Talelan 3:27

Taa nɔ pɛ seo, kɛ́ɛ̀ le vana co o bahavɛiyo nin-ndo kɛndɛi tosallo le.

1Tesalonikea 5:15

La kindín, vana-vana mìngì dɛnɛ vɔɔndo a dɛnɛ vɔɔndo le, kɛ la vá dɛnɛ kɛndɔɔ tosaa niaa pilaa tɛɛn lɔ́ɔ́-lɔ́ɔ̀, mì la vá ndu vɛlɛ tosaa a vanaa celen.

Tite 3:8

Sɔɛi toɲɛi co hee ni. I yeema ma tiinda pelei lecoo ɲɛkɛndɛi, haliko mi vanaa laalan Hala-a yɔngun nda pila, mà va dɛnnda kɛndɛlan tosaa. Dɛnnda naŋ mì la co vannda tɔnɔɔ lueiloo lan.

Matie 25:40

O kon masaa mululnin nda aa: ‹Mì dimul niaa toɲaa, telen oo telen niaa va o hiow dɔɔnanndo o puapilɛa nia ha tɛɛn-ndo dɛnnda lan tosallo, ya niaa va tosal kon lende ni.›

Hebreea 6:10

Hala co vana kɛɛ isandu le. O pɔɛɛnun ɲɛ niaa co tosaa-o a kaola niaa cɔm le ndu le, o pɔɛɛnun kpekula niaa co vanaa Hala-a solio lan te.

Efɛsea 2:19

Lelan, niaa vanaa co N'Yuifi le-a, la co lɛ n'mial te, la co vɛlɛ vanaa hiavan te, kɛ pilacieaa niaa co nin niaa vanaa diandaa latulu ni, vanaa pilɛa co o Cɛi-Hala-a nin-nda.

Nsaŋ 12:35

Mí Yeesu dimul nda aa: «Ɲɛ-tengaa co vɔ niaa tɛɛn le telen bingi. La balu pɔɔ telen niaa nɔ ɲɛ-tengaa-o, haliko ɲumndan ma voolu niaa le: kani vana co balɔɔ o ɲumndan nin-ndo sina nɛɛ o co kɔlan-nda le.

Luke 6:35

Kɛ la kaola yaamɔaa niaa, mì la tosa dɛnɛ kɛndɔɔ, la dɔnda vannda, la yiyan le niaa mingul te. O kon, vɔ̀ngɔ̀ niaa vanin o bɔɔ, la siŋnunnin vɛlɛ Poaa O Hiow-Ɲɔɔn-Kpow-vo, kani vana kɛndɔɔ o co le vanaa sina ikɛndɛ le-a a le vanaa vɔɔnda ni.

Condii lisai 37:3

Laalan Mɛlɛka, mà tosa dɛnɛ kɛndɔɔ. O kon, a calnunnin nila ɲulu o lɛŋnden nin, ma dɔwnun balo a vanakɛndɛyɛi.

Nsaŋ 9:4

Mɛɛ mì n tosa baala vana vem ya-o telen paalen le co vɔ-o. Ɲumndan ma tol pɛ, vana nɔla baalaa le.

Tite 2:14

O yɔngún ndu pila le naa, le naa solio o dɛnnda vɔɔnndan nin kpow, mó siinguu naa vanaa diandaa co le ndu-a, haliko mi n va vanaa dialun fulaa le dɛnnda kɛndɛlan tosaa-o.

Filipea 4:10

I naŋ kɔl taw le yiyan sɛnɛi niaa sɔla vɛlɛ le ya o Maalii nin-ndo. I sínà maa niáà nɔ ya kɔllo coo, kɛ niáà nɔ vɔ mɛɛ niáà cɔm ndi o dɛnɛ nin te.

Matie 12:50

Vana-vana tosa pɛ hɛnan Fuɲa ni co o halataala-o, vana kon co pɔmbɔ nuu, yema nuu a kala nuu ni.»

3Nsaŋ 1:11

Caan ni ya kaola-o, del vanndo kɔɔli o dɛnɛ vɔɔndo tosaa nin te, kɛ o va o dɛnɛ kɛndɔɔ tosaa nin. Vana tosà pɛ dɛnɛ kɛndɔɔ, o Hala-o co kon ni, vana tosa pɛ dɛnɛ vɔɔndo, mɛɛ ndu sínà Hala le.

Kolɔsea 4:5

La kela a taasi a vanaa co vanaa laalan te-a. La mal telen oo telen hiovɔɔ le.

Efɛsea 5:16

Telen oo telen niaa sɔla pɛ dɛnɛ pum le tosaa, la tosà, kani palɛi naa n co hee nin-nde i niŋ te.

1Nsaŋ 5:1

Vana-vana laalan pɛ maa Yeesu co Krista ni, mɛɛ ndu velun o Hala nin, vana-vana kaola pɛ fuɲaa, kaolaa o kaola vɛlɛ cuavaa fuɲa kon velu-a ni.

Condii lisai 37:27

Kpakpala dɛnɛ vɔɔndo, ma tosa dɛnɛ kɛndɔɔ, o kon, a vanin o lɛŋnden coo lɔ́ɔ́-lɔ́ɔ̀.

Hebreea 3:6

Kɛ sunsun, Krista yɔŋnun po tosa vallo o sandei nin-ndo, ndu co Cɛi-Hala-o bollen ni. Te n lo pɛ kɔllo kɛsio o laalan naa n tiindan-ndo coo, mɛɛ naa n co cɛi ndɔ kon ni.

Marke 3:4

O kon mó ɲuna nda aa: «I co pá i cɛlnan le vanndo dɛnɛ kɛndɔɔ te kon te dɛnɛ vɔɔndo tosallo o paale pɛngiaalen coo, baa ciindiaa ndu, te kon te malɔɔ ndu mo vinnun?» Kɛ má mei kpili.

Efɛsea 3:15

o yungulan o halataala, a laan o ceendo coo kpow sɔlà diolan o ba-o.

Matie 5:43

«La tuei maa mí ndíì dimin aa: ‹Kaola vana kaola nɔm-ndo, mà tol vana tol nɔm yɛlen-ndo leyɛ.›

Vana Kɔlkaloo 9:10

Ɲɛ-ɲɛ ba nɔmndo nɔla pɛ tosaa, tosa ndu a yoomuma nɔmndan kpow. Bau nɛɛ n kɔanin ciee-piɔ́m-nda, vana tiwba ɲɛ-ɲɛ tosa lon te, vana tiwba yiyanndo lon te, kɔlkalu co lon te, dɛnɛ sinaa co lon te.

Matie 10:25

Kɛ kaandennɔɔ tiiya pɛ maa vana ndɔ pɛɛkaa, mì cɛɔ tiiya maa vana ndɔ bɛndoo, kon tiw. Nɛɛ nda veelu vɔ vana co cɛiyo bollen-ndo nuaa aa Beɛlsebul, vanaa co cɛinin-nda yɛ niko?

Vana Kɔlkaloo 3:12

I bii bila maa ɲɛ-ɲɛ co fisà le vanacieo maa ɲaaloo dɔwnɔnndo a dɛnɛ kɛndɔɔ tosaa telen o co yoomu-o le.

Dɛnnda kiilaa 6:7

O kon, mí sɔɛi Hala-e sɛŋin, mí kaandennda keleŋa kui Yerusalɛm. Mí vanaa-solia-lasálàà bɔɔ-bɔɔ a laalan.

Kalatea 1:23

Tueyɔɔ sii ndáà tuei ni aa: «Vana va naa lɔ́ɔ́ kon yɛlen tollo-o mulin sunsun sɔɛi Hala-i ndóò yeema le tɛɛmbuuo-e yondaa.»

Efɛsea 4:28

Vana co vuilenndo, ndu mal vuilen. Ndu pila tosa baalaa, haliko mo sɔla ɲɛ o piɔvan nda vanaa co o bahavɛiyo nin-nda-o.

1Tesalonikea 5:21

kɛ la dɔw dɛnndan kpow taasi, mì la bii dɛnnda naŋ-ndan kpáŋ.

1Piɛr 2:5

Niaa bɛɛ, la va maa powta kiyɛi, mì la sɔla luɛyɔɔ o tangul cɛi Kɔl-Diandaa nin, mì la va vanaa-solia-lasálàá diandaa, le sálàla kɔltan solio, la hɛnan Hala o Yeesu Krista nin-ndan,

1Piɛr 4:17

Kani o telen kon, yamɛi kandunnin kiolɔnndo a Cɛi-Hala-o o kɔɔ. Nduyɛ, te yamɛi kandun pɛ a naa, vɛ̀ɛ̀ mɛɛlula vanaa cɛl sɔɛi Hala-e le-a va yɛnin?

3Nsaŋ 1:3

I nàŋ kɔl taw, kani puapilɛa hin má timbi seilen le toɲa co nɔm o kɔl-lo a le kela kɛndɛ n co cɔmndo o nɛi toɲaa coo-o.

3Nsaŋ 1:10

Lelan te i hin pɛ, i cɔmnin dɛnnda o co coo lan, o co kelaa a naa o sondo, o hini kɔl te, ndu pila bii n'mial te, mo va vɛlɛ vanaa co nda biyɔɔ-a kuunaa, o co nda solio o kunda vanaa laalannda nin.

2Korɛntea 2:8

Nduyɛ, i co niaa tɛɛlɔn, la cɔm ndu maa la kaola ndu.