Kalatea 5:3 - BII BILA

³ I co vɛlɛ ndi cɔɔlu dimi le vanpiaandua kɛ́-kɛ̀ co yɔngɔnndo le toomaa diyɔɔ: mɛɛ mà bii niko sɔɔn tɔŋndo dimi-on kpow.

Kalatea 5:3 Referans Kwoze

Kalatea 3:10

Kani vanaa-vanaa tiindan tɔŋndan biyɔɔ, nda co o dangaa bɛngu, kani o co o sɛvaa aa: «Dangaa co le vana biinin sɔɔn co n sɛvaa o tɔŋndo nin kpede mò kɛɛ le kelaa lecoo-o.»

Rɔmnda 2:25

I co toɲa maa o naŋ mì vana dii toomaa, te vana kela pɛ o sɔɔn tɔŋndo dimi-on coo. Kɛ vana tɛɛmbuu pɛ tɔŋndo, mɛɛ tooma n dii-o siŋnun maa lekɔ̀ndé.

Tɔŋ miingua 27:26

Màá dangaa va vana kɛɛnin le sɔɔn tɔŋndo biyɔɔ, mò kɛɛ le kelaa lecoo-o coo! Vannda kpow a cɛlnin aa: ‹Amiina!›»

Efɛsea 4:17

Lelan, ɲɛ ya co niaa dimul mì tiiyal niaa o Maalii nin-ndo co hoo ni: la va lɛ kelaa maa vanaa sínà Hala le-a le, a del yiyannda yɔngu nda ɲɛ-ɲɛ le lan kɔɔli-a pɛɛn,

Tɔŋ miingua 31:21

Te sangalan a dɛnnda palaalan taw la tol niko nda coo pɛ, condei he vanin seilen le nda ni. Kani cuavaa ndaa imamaa pɔɛɛnunnin ndi le, a pɛnginin ndi solio le. Bau i cii nihau ɲɛ co vannda ha o kɔllo sina, i luei-yɔ nda bɛɛ fɔlɔn o lɛŋnde ya yiilu nda kpemaa mí mɛnan-nden nin te, mí sina yiyannda ndalan.»

Tɔŋ miingua 8:19

Kɛ te la pɔɛɛnun pɛ Mɛlɛka Hala niaa, te la sooluu pɛ halaa fondoa, te la tosal pɛ nda vallo mì la baŋ vulan nda o labɛngunin, i co niaa ndi dimul hau, la vunin kpow.

Matie 23:18

La co vɛlɛ dimio aa: ‹Te vanndo mɛnan pɛ a fonda-loamaa-lasálàá, kon co isɔɔ le, kɛ te o mɛnan pɛ a sálà co o fonda-loamaa-lasálàá coo-o, mɛɛ mɛnan kpeekpeiyo co kon ni.›

1Nsaŋ 4:14

Naa yɛ, cɔu naa n ce ni, mí n va seilen timbio maa Pua vem Poo ni, mò va vana ciindiaa le ceendo kpede.

1Tesalonikea 4:6

Vana-vana pílàn puapilɛ ndɔɔ tana le, vana-vana tɛɛmbuu puapilɛ ndɔɔ labɛɛ o sɔɛi he nin te. Maa mɛɛ naa n dimul niaa sɔɛi ken kpéŋ-kpéŋ yɛ, Mɛlɛka tuisinin vannda sangaa coo le hakila vaa lende.

Dɛnnda kiilaa 20:21

I veelu Yuifia a vanaa co N'Yuifi le-a le vulan baŋɔɔ Hala o labɛngunin, a le Maalii naa Yeesu laalanndo.

Dɛnnda kiilaa 2:40

Mí Piɛr dimul nda vɛlɛ sɔɔn celen taw, n pilan nda kɔltan mí n luei nda yoomuan-ndon. Mó sila nda aa: «La hiɔlun vanaa laasiannda ha!»

Luke 16:28

puapilɛa nia co lon nda ŋuɛɛnu. Mò kɔ kanalan nda, yɔŋii nda bɛɛ a hun o sangaa ho nin nanu.›

Matie 23:16

Dɛnɛ palaa co le niaa, niaa simlacia sumɛiya! La co dimio aa: ‹Vana mɛnan bɛɛ a Cɛi-Hala-o, kon co isɔɔ le. Kɛ te vanndo mɛnan pɛ a sianin co o Cɛi-Hala-o nin-ndon, mɛɛ mɛnan kpeekpeiyo co kon ni.›

Nehemi 9:34

Masaa naa, simlacia naa, vanaa-solia-lasálàà naa a fuɲaa naa imamaa bii tɔŋnda nɔmndan te. Má mal tɔŋnda nɔmndan a sɔɔn nɔm óò sila nda-on.

Dɛnnda kiilaa 15:1

Mí vanaa pum fula Yuda a Antiɔs, má va puapilɛa pɛɛkoo aa: «Te la dii toomaa mɛɛ tɔŋ Moise-o dimi yɛ le, la tiwba mi la sɔla cindaa le.»

Kalatea 5:2

Ya Pol, i co niaa dimul: te la cɛl pɛ le toomaa diyɔɔ, mɛɛ Krista nɛŋinin niaa mako kɛ́-kɛ̀ le.

Kalatea 5:6

Kani le vana co o Yeesu Krista nin-ndo, o co falenyɛi te kon te kɔ̀ndélen te o ca ɲɛ sɔvɛ le, kɛ laalan viam vana dɛnndan tosaa a kaolaa-o.