Kalatea 5:25 - BII BILA

²⁵ Te n co pɛ yoomu o Kɔl-Diandaa nin, mɛɛ n kelan mɛɛ Kɔl-Diandaa yeema yɛ.

Kalatea 5:25 Referans Kwoze

Kalatea 5:16

I ya co niaa dimul-le co hee ni: la màl Kɔl-Diandaa niaa simndan laci o ceen niaa nin, o kon la tosà lɛnin yeemɛi n'faluei le.

Nsaŋ 6:63

Kɔl Hala-o ke vana yoomoo ni. Diallon nɛŋi mako kɛ́-kɛ̀ le. Kɔl Hala-o a yoomoo sɔɔn ya dimul niaa-on co ni.

Rɔmnda 8:2

Kani tɔŋ Kɔl-Diandaa yɔ̀ngu vana yoomoo o Yeesu Krista nin-ndo baŋa ya tɔŋ hakio a tɔŋ piɔ́mndo o ba.

2Korɛntea 3:6

Kani ndu siinguu naa vanaa baalaa kpema sɛnɛiya ni. O co le tɔŋ sɛvanndo le, kɛ le Kɔl-Diandaa. Kani sɛbɛ sɛvaa ndu, diyɔɔ o dii ni, kɛ Kɔl-Diandaa ndu, yoomoo o yɔngu vana ni.

1Piɛr 4:6

Lelan bɛɛ kpeekpei sɔɛi Hala-e dimulun vanvílɛ́iya ni, haliko vanndacieea kiolu nda bɛɛ iyama o yoomu ivanacieeyaa nin, ma va yoomu o kpaaya Kɔl-Diandaa nin.

Rɔmnda 8:10

Te Krista co pɛ niaa nin, a toɲa, la co a vílɛ́iya o falon nin a ba hakio. Kɛ le mɛɛ Kɔl-Diandaa co niaa nin yɛ, la sɔla yoomoo le dɛnɛ sandaa.

1Korɛntea 15:45

Nduyɛ o sɛvan aa: «Vanaciee tasoo, o co Adam-ndo, o falun ivanacieeyaan nin o va ni, kɛ Adam mɛɛlaa ndu, kɔl yɔngu vana yoomoo-o o yɔŋnun ni.»

Dɛnnda cɔɔmuanndan 11:11

Kɛ palɛi yaa a talɛi ken hiovɔɔ, mí hoeyii yoomuɛi pum hun fulaa o Hala lo, mí i luɛi nda nin, má can isisi. Mí siòòŋii bɛnduei bii vanaa va nda cɔu-va.

Filipea 3:3

Kani, naa co faleŋaa kpeekpeiya ni, naa co Hala biiloo o hɛnan Kɔl-Diandaa bɛngu, mì n va sangalanndo o Yeesu Krista nin-nda, naa tiindan dɛnnda n'falulan te-a pɛɛn.