Kalatea 5:22 - BII BILA

²² Kɛ kulii Kɔl-Diandaa koam-nde co kaolaa, ɲaaloo, kɔlɲuloo, biuvɔnndo, vanakɛndɛyɛi, kɛndɛi, lou o diomnden coo,

Kalatea 5:22 Referans Kwoze

Nsaŋ 15:5

Ya co rɛsɛn tumndo ni, niaa co lɛwvon ni. Vana lo o ya nin pɛ, mì ya i lo ndu nin, ndu kom taw, kani te o co o ya nin te, la nɔla ɲɛ-ɲɛ tosaa le.

Nsaŋ 15:2

Lɛvii-lɛvii co pɛ o ya nin, mì i kum te, o kialunin ndi. Lɛvii-lɛvii kom yɛ pɛ, o kɛɛya ndi haliko mi i cɔɔlu komɔɔ.

Efɛsea 5:9

kani tɔnɔ ɲɛ-tengaa co dɛnɛ kɛndɛ súú-súù ka ni, dɛnɛ sandaa a toɲaa.

Condii lisai 1:3

Vana kon co macoaa maa yɔm tɔlnun o peo kɔngɔ-o, ó koam a telen o bɛnda le komɔɔ-o-o, o pei ndɔɛi ɲɔfɔliaa lɔ́ɔ́-lɔ́ɔ̀ loo. Ɲɛ-ɲɛ vana vaa lende tosa pɛ, o biinun bila ndu o ba.

Nsaŋ 15:16

O co niaa le hɛli ya le, kɛ ya hɛli niaa ni, mí kɛsi niaa, haliko mi la kɔɛ, mì la kom kullon taw, mì kulun nian lo le fɛɛn a fɛɛn. O kon ɲɛ-ɲɛ niaa ɲuna pɛ Pua o diola nilan, o yɔngu niaa ndu.

Rɔmnda 7:4

Puapilɛa nia, lende koni i co ni. Niaa bɛɛ la vi a ba tɔŋndo o dialun Krista-on nin, mí la muungu sumialii vana celen, o tendul fulaa vanvílɛ́iya tɛɛn-ndo, haliko mi n kom kɔmnde kɛndɛlen le Hala.

1Piɛr 1:22

La cii kɔlta niaalan dindi o sɔɛi toɲɛi biyɔɔ nin, haliko mi kaolian kpeekpeiyo va niaa tɛɛn. Puapilɛa nia co ni, lelan la kaolian vellaa-velle a kɔltan kpow,

Matie 12:33

«Yɔm oo yɔm naŋ pɛ, naŋɔɔ komɔɔ ndɔɔ naŋ ni, te kon te yɔmndo vɔw pɛ, vɔwlen komɔɔ ndɔɔ bɛɛ vɔw ni, kani o komɔɔ lo vana sina yɔmndo ni.

1Korɛntea 13:13

Sunsun yɛ niko, ɲɛm yaan mun n co ni: laalanndo, kɔlkɛsiaa a kaolaa, kɛ o hiow lan kpow-vo co kaolaa ni.

Filipea 1:11

Mì Krista mala niaa, mì la pɛ a dɛnnda sandaa lan, o kon mì Hala sɔla biiloo a sangalaa.

Kolɔsea 1:10

O kon la tiwnin ba kelaa mɛɛ vanaa Maalii-a bɛnda mà kela yɛ, la vanin dɛnnda hɛnan ndu lan tosaa lɔ́ɔ́-lɔ́ɔ̀. La tosanin dɛnnda kɛndɛlan kpow mì la hiow laci a Hala sinaa.

Kalatea 5:13

Puapilɛa nia, le hɔ́ɔ́yɛi niaa sɔla veeloo ni. Kɛ nduyɛ, la siinguu hɔ́ɔ́yɛi ken fɛɛlɔɔ le luɛyɔɔ dɛnnda n'falulan tosaa le, kɛ la tosalan baalaa vellaa-velle a kaolianndo.

Efɛsea 4:23

Mɛɛ mì la mingi kɔlta niaalan a yiyannda niaalan lasɛnɛi.

Condii lisai 92:14

Le tùú nda co a tɔalaa o Cɛi-Hala-o nin-ndo, a kuinin o Hala naa lo bɛɛ.

Rɔmnda 6:22

Kɛ sunsun, la hɛlun hakio, mì la siŋnun cɛa Hala-a. La tosà niko dɛnndan le dindinndo, o kon mì sɔla yoomu fɛɛn-fɛɛndo.

1Piɛr 1:8

La ci ndu le, mí la kaola ndu. Niáá ci vɔ vɛlɛ ndu le, mí la laalan ndu, mí la va huuloo a ɲaale bɛndoo,

1Timote 4:12

Cɛ̀l mì vana-vana kelun nɔm yii le mɛɛ n co langbanɔ felengoo yɛ le, kɛ va tɔɔmaseloo le vanaa laalannda o sɔɛi sondoei nin, o dɛnndan nin, o kaolaa nin, o laalanndo nin a o dindinndo nin.

Rɔmnda 15:3

Kani, Krista nuwviaa hɛnan ndɔɔ le. Kɛ mɛɛ o sɛvan yɛ aa: «Yeowla vannda co nɔm-ndan, yeowla lan koni nda co ya ni.»

1Piɛr 5:12

Kɛɛmasɔla Silvɛn te, o ya ce maa puapilɛ ni kɛndɛ-kɛndɛ-o, ndu mala ya le niaa sɛbɔɔ ho sɛvallo ni. I sɛval niaa ndu le niaa silaa maa o kɛndɛi Hala-e kpeekpei niaa yiinun nuaa ni.

Rɔmnda 15:14

Puapilɛa nia, ya pila i laalan maa la nɔ yeemɛi le dɛnnda kɛndɛlan tosaa taw, la nɔ sinapɛngoo kpede haliko mi la tiwba niaa pila siilianndo vellaa-velle.

Luke 13:9

Te o kom pɛ vɔsi co hunɔɔ-o, o naŋ. Te o kum yɛ le, a kelu ndu.›»

1Timote 3:11

Laandaa ndaa bɛɛ bɛnda mà va vanaa lebɛɛa, a va vanaa balu a caanda o lasondo-a le, mà va vanaa tosa dɛnndan tùúlen-nda, á lo o lediom coo o dɛnndan kpow nin-nda.

Osee 14:8

A muungunin mà cal o vunduma ndɔan bɛngu. A muungunin mà vàá maalon, mà kui mɛɛ rɛsɛnndon koam yɛ, mà sɔla tɔ́ɔ́ maa mɔiyan Liban.

2Tesalonikea 3:2

La piɛi vɛlɛ Hala haliko mo soli naa vanaa vɔɔnda a vanaa kɔlvesɛiya o ba. Kani o co vannda kpow le a láálan te.

Vana Kɔlkaloo 7:8

Dɛnɔɔ siowvo hiow naŋɔɔ a ndu kandɔɔ, kɔl biuvanndo nɔu co fisa a kɔl yongaa nɔu.

Yeremi 33:6

Kɛ i dɔawnin nda danda mà muungu maa paandu. Mì singi cɛila ndalan, mà sɔla kɔlɲuloo, mà va nila ɲulu.

Rɔmnda 8:5

Kani vanaa co kelaa o falon nin-nda, dɛnnda n'falulan nda tosa ni, kɛ a co o Kɔl-Diandaa nin-nda, dɛnnda Kɔl-Diandaa nda tosa ni.

Rɔmnda 14:17

Kani masale Hala len le co dɛnɛ ɲɛdiaa te kon te dɛnɛ kolaa le, kɛ dɛnɛ sandaa, kɔlɲuloo a ɲaaloo dɔwnɔnndo, o Kɔl-Diandaa yɔngu vana-o.

Rɔmnda 15:30

Puapilɛa nia, i co niaa yoomuan luei, la yiyan le Maalii Yeesu Krista a le kaola Kɔl-Diandaa ke naa-o, mì la mala ya cɔlɔba kon o piɛilen nin,