Kalatea 5:21 - BII BILA

²¹ yeemɛi bɛnduei, mɔiyan yɔngɔnndo, pululen a dɛnnda vaa lende. Vanaa co dɛnndan ndan tosaa-a, i co niaa ndi pɔɔ dimul maa mɛɛ ya dimúl nin niaa ndi yɛ, nda sɔlanin kɛ o masale Hala len nin te few.

Kalatea 5:21 Referans Kwoze

Rɔmnda 13:13

N kelan kela sandaa, maa kela ipala déŋ. N vannun vanaa lepulua hiw dioo a kolɔɔ-a le. N vannun vanaa yiyannda vɔɔn, te kon te vanaa laasi-laasi le. N kpakpalan sɛɛngianndan a paŋalianndan.

Rɔmnda 8:13

La kela pɛ o dɛnnda n'falulan nin, la co vu. Kɛ te Kɔl-Diandaa tosa pɛ mì la dii dɛnnda ivanaciea lan, mɛɛ la vanin yoomu.

Efɛsea 5:18

La hiaw ba a mɔiyan kolɔɔ le, kani o laasianndo nin kon luei vana ni, kɛ la va a piaa a Hala Kɔl-Diandaa.

1Korɛntea 5:11

Kɛ sunsun, vanaa ya dimi maa ɲɛ-ɲɛ va niaa tɛɛn te-a a co haa ni, vana-vana dimi pɛ maa puapilɛ niaa o co ni, kɛ mò va: vana sundaa, te kon te vana nɔ hɔlte ɲɛ-sɔlaa-o, te kon te vana soolaa n'piɔmndo, te kon te vana sondo kalaa, te kon te vana kolaa mamɔiyo, te kon te vuiyo. La dia bɛɛ niaa vana vaa lende le.

Dɛnnda cɔɔmuanndan 21:27

Ɲɛ-ɲɛ nɔɔlɛi lueinin ndon te, vana lamàà a vana lacòòvaa lueinin ndon te, fɔ vanaa diola ndalan la sɛvan o sɛbɛ yoomaa Saa téndóó nin-nda kínɛí.

1Piɛr 4:3

Kani dɛnnda kɛ́-kɛ̀ niaa tosa o paandoo nin, o hɛnan vanaa sina Hala le-a nin niaa yɔŋ kon ni, kela laasi-laasio, yeemɛi n'faluei, bahiuvaa le mɔiyan kolɔɔ a dɛnndan nin, bɔŋiannda kolaa mamɔilan, a mààla biilaa n'piɔmndan.

Kolɔsea 3:6

Dɛnndan vaa lende la tuisì kɔltuw Hala-o vanaa co ndu simullo-a coo ni.

1Tesalonikea 5:7

Kani icɔl vanaa lɔlaa lɔl ni, icɔl vɛlɛ koni vanaa kolaa kol ni.

1Korɛntea 15:50

Puapilɛa nia, ɲɛ ya co dimio-o co hoo ni, dialun puulon a koovan nɔla kɛ Masale Hala len sɔlaa le. Lende vɛlɛ koni, ɲɛ vu-o nɔla mò va ɲɛ pilɛ a ɲɛ vi loo le.

Dɛnnda cɔɔmuanndan 22:15

Kɛ nduyɛ vanaa tosaa dɛnnda vɔɔnda, vanaa mangalaa, vanaa tosaa dɛnnda nɔɔlɛiya, vanaa diuvaa n'vannda, vanaa soolaa n'piɔmnda a vana-vana kaola còòlan mo co lan dimio, nda lueinin te few.

Matie 25:34

O kon masaa dimulnin a vanin ndu o ba kɛndɔɔ coo-a aa: ‹La hun, niaa Fuɲa nuu dɔw duaa-a. La hun mì la sɔla Masalen kɛ́ɔ, masale toosian le niaa kabi o ceendo cɔvɔɔ len.

Esai 3:11

Dɛnɛ palaa co le vana kɔlvesɛiyo! Sangaa co ndu cum! Kani o sɔlanin tɔnɔ vali bala ndɔlan la co tosaa-o.

Luke 21:34

«La caa taw! Yɔŋii niaa laasiaa kɔlta niaalan a pululen, a mɔiyan kolɔɔ a á buulannda ceenndan. Bau, paale Po vanacieo hunnin-nden le co tiiya, la venin nden kɔl te.

Tɔŋ miingua 21:20

A tiiya pɛ a ndu, a dimul kaasoŋaa kɔlkalua kan aa: ‹Po naa ho, vana nila kaloo a po simul naa-o o co ni. O yeŋ lani o sila naa le, vana laasianndo a vana kolaa mamɔiyo o co ni.›

Hebreea 13:4

Vannda kpede bɛnda mà ke nɔu bɛɛlen, mì vanaa co o nɔ̀u nin-nda, vana-vana lo o lediom coo a vanndo pilɔɔ vellaa-velle. Kani Hala kialunin yamɛi vanaa laasiannda a vanaa suundaa.

2Tesalonikea 2:5

Vɛ̀ɛ̀ la co loonɔn ɲɛ ya va niaa dimullo telen ya va niaa ikɛi-yo le?